للبحرينيات فقط

السلام عليكم ورحمة الله وبركاته
اختي بالنسبه للبحرين بتلفينها في يوم واحد
والاسواق في كل مكان :shy:

مشكوووووووووره اختي Vipad على مرورك وردك 0 صدق انا سمعت ان البحرين تلفينها في يوم واحد . لكن مو متخيله ان فيه دوله كامله اقدر اشوفها خلال يوم او حتى اثنين .

معالم سياحيه في البحرين


خخخخخخخخخخخخخخخخخخخخخخخخخخخخخخخخ


بس بوقف عن الضحك

يبا البحرين سياحه تسوق ما عندنا معالم ذاك الزود

ومثل ما قالت الاخت تلفينها في يوم واحد

اهم قلعتين عراد و قلعه البرتغال

وعندنا المتحف وعندنا هضبه جبل الدخان وبالقرب امنه شجره الحياه


يعني هذي اهم الاماكن الاثريه


الاسواق الشعبيه

سوق المحرق القديم المسقف

سوق المنامه بس الحين يصلحونه والعفسه قايمه فما انصحج اتروحينه

وعندنا سوق مدينه عيسى الشعبيه


وفيه اسواق حديثه يعني على سوق توبلي وجدعلي
وسوق الرفاع


واذا تبين اماكن ايبيعون تلفونات رخيصه ما انصحج بالبحرين ابد ابد

لانه اسعارنا اغلى منكم؟؟؟

روحي دبي واشتري لج الجهاز اللي اتريدينه



المجمعات عندنا اهي الاحلى بس اغلى من الاسواق اللي ذكرتها

حرام عليكم البحرين ما ينشبع منها اموت عليها اموت اموت عليها حبيبتي وروحي البحرين

والله انها ما تساوي روحتي بلندن اموووووووووووووووووووووت على البحرين

اسبوع ما يكفيني افتر فيها با حلو سوق المنامه ودواعيسها تهبل اختي البحرين كل شي فيها

حلو بس اخذي فلوس وياج عشان ما تتحسفين روحي سوق رامز لا تخلين

واسفه على اللقافه انا من الكويت

بدخل معاكم بالكلام اخخخخ ملقوفه
انا دايما اروح البحرين بالصراحة ماتنمل مثل ماقالت رشة مطر
حتى احيانا اروح بس عشان ادش السينما تدرون السعودية مافيها
لكن بنات انا دايما اسمع عن جزر حوار ولازم ان الواحد يروحها فممكن تعطونا معلومات عن هالموضوع

عندج السوق الشعبي في مدينة عيسى
سوق المحرق

سوق بوكوارة (الرفاع)

سوق المنامه (باب البحرين )

متحف البحرين

قلعه عراد <<<< (ومانصحج تروحين القلاع لان مافيها شي )

كورنيش الغوص (المحرق )
كورنيش الملك فيصل
الساحل البحري

مجمع السيف
مجمع العالي
مجمع الدانة
مجمع البحرين
مجمع سترة
مجمع مارينا مول
مجمع الرفاع
مجمع العلوي ( وهناك راح تحصلين الكثير من المطاعم في نفس الشارع )


وعندج مطاعم وااايد وحلوة راح تحصلينها في المجمعات وبرع المجمعات
تشليز
كارينوز
نينو
الابراج
مرمريز
...................... الخ


وهذا اللي يذكرني ،، اذا تذكرت شي راح ارجع

الله يعطيكم طولت العمر والعمل الصالح على ردكم علي 0 ويارب يجعل لكم من كل هم فرج ومن كل ضيق مخرج 0

اشدعوه تلفونها في يوم وااحد ههههههههه .. بجرب هالمرة الفها في يوم واحد بس اخاف اضيع خخخخخخخ

لا شوفي عندج البحرين فيها .. اشياء واااااايد بس يبي لها احد يعرف الاماكن عدل .. مع انها ما تضيع ..


ممكن تروحين ..

محمية العرين .
السيرك ..
السينمات ..
المجمعات ..
عرض الدولفين اللي عند النادي البحري ..
كورنيش الملك فيصل ..
الحديقة المائية .. صج قديمة لكن حلوة لليهال يحبونها ..
المطاعم ..
الفنادق فيها جيم وسونا وبخار وحمام مغربي ..
منتجع الدانه ..
جزر حوار .. اذا تبين تحجزين او تستفسرين عن الامر روحي عند النادي البحري في هناك مكان عند القهوة الشعبية للاستفسار عن حوار .. وترى حلوة خصوصا في الجو الحلو مو في الحر ..
مجمع الدانه فيها ملاهي شاكازولو ..
الاسواق ... ما يحتاي اذكرها لان ذكروها البنات ..
ساحل سماهيج عند المطار تقعدين هناك شاطئ فيه حديقة وحصان بوني وجمل واحلى شئ وانتي قاعده الطائرة تطير فوق راسج .. عجييييييييب المنظر >> تحب الطائرات

واحلى شئ فيها انج لما تروحيها ما تحسين روحج غريبة عن الديرة بل من اهلها .. كفاية اهلها الطيبين >> احم احم

واي سؤال عندج ارسلي لي عالخاص وارد عليج باللي اقدر عليه .. ولا يصير خاطرج الا طيب ..