شو كان مشروع تخرجج؟؟ ساعدوني بأفكاركم

السلام عليكم
هلا حبيبتى حياج اللة
انا تقريبا نفس تخصصج وسويت برنامج لحجز تذاكر السفر بالطائرة
ولا تحاتى ان شاء اللة توسوين مشروع حلو وتوكلى على اللة واى سوال انا حاضرة
اللة معج ويوفقج ان شاء اللة

مشكورة اختي يزاج الله خير ..

بس نفس هالمشروع احسه وايد سهل لأنه سوينا شي شبيه له قبل ..

هم يبون شي يديد على الاقل بين مستوى البنات .. والله يسمع منج ان شالله

بس غريبه شو وحدة بس الي تخرجت من هالمنتدى ؟؟ افا وينكم يا بنات

لو اعرف والله والله جان ساعدتج
بس ما اعرف :(
الله يوفقج يا عيووون وتييبييين A+

هلا اختي ... اني تقريبا كنت بنفس المجال ... في عام 2004 .... لكن اللي سويته موقع خاص بكليتي ( كلية التربية) ... استخدمت ( فوتوشوب - HTML) ونشرته على النت مدة سنة تقريبا ...

اذا ممكن تعطيني فكرة عن البرامج االي تشتغلي عليها حتى اقدر اساعدج اكثر .... وشنو المواضيع أو الافكار المستبعدة ....

أنتظر ردج .... بالتوفيق

فديتج بنفسوجة ما تقصرين

اختي عسل ..

احنا حالياً نشتغل على برنامج اسمه DreamWaver وهو لتصميم المواقع يعتي اسهل من اننا نكتب كود على النوت باد ..

وانا مشكلتي ما اعرف شو ممكن اسوي ... لكن على الاقل ابا تكون لي فكره اقدر اسويها ...

لأنه احس اني اسوي موقع للكلية الي انا فيها شي عادي يعني اصلاً موجود ..

يعني في بنات يسون حالياً برنامج محادثه.. وشي بنات يسوون مثل اعلانات ..

انا ما اعرف شو اقدر اسوي .. واخذ كورسات برمجه (فجوال بيسك)

طيب اختي ...

بنفكر ببرامج حاليا ... ونأجل فكرة الموقع ... شرايج ...

ممكن ترسلي لي الايميل لنتواصل اسرع ....

حلو

طرشت لج ايميلي

مرحبا صبايا

انا تخصصي هندسة برمجيات

ومشروع التخرج كان برنامج محادثة بالصوت والصورة

وطلع روعه

كمان عندك برنامج بحث ديناميكي لقواعد معطيات على كل المستويات والحقول


وممكن كمان برنامج الامتحان الالكتروني

اذا عجبتك اي فكرة ممكن اعطيكي تفاصيل كمان اكتير
وبالتوفيييييييييييق يارب

عزيزتي عروس

حلوة فكره المحادثه بالصوت والصورة ...

لأن بنات مسوين محادثه كتابية

والامتحان الالكتروني حلو ..

ياريت تشريحين لي اكثر او حتى لو في نموذج اشوف كيف طلع

هلا عيون
بالنسبة لبرنامج المحادثة استخدمت كمبونت اسمو voice over ip
مشان نقل الصوت والصورة
وهو برنامج بيشتغل على شبكة محلية
وهو برنامجين واحد server وواحد clinet



اما برنامج الامتحان الالكتروني فهو عبارة عن برنامجين كمااااااان
واحد للاستاذ مشان يحط الاسئلة وواحد لطالب مشان يقدم الامتحان
والتنين بيشتغلو على قاعدة بيانات وحده
وطبعا التصحصح تلقائي مجرد مايخلص الطالب الامتحان بياخد علامته وبيشوف الاجابات الصح
مع العمل على درجة عالية من السرية

والبيانات بتنحفظ بالسيرفر


وان شاء الله رح حطلك صور عن البرنامجين




تحياتي

شكله مجهود كبير بصراحة

في انتظار الصور حبيبتي

السلام عليكم ورحمة الله و بركاته ..

اختي احنا عندنا بالبحرين المشروع لو كان يخدم الكلية فتضمنين درجة حلوة ..

في جولتي لمعرض مشاريع التخرج صار عندنا من فترة بالكلية ..

عجبتني فكرة IT Collage Intranet ..

فيها كل المستندات و السلايدات واي شي يحتاجه الطالب او الانستركتر ..

..

بالتوفيق اختي :shy:

هلا حبيبتي

يمكن ما اقدر اساعدج وايد لاني شراتج بالافكار مب كريتيف بس اعرف انفذ زين وعلى كان في خاطري دوم اتعلم اسوي واطور مواقع

اللي حبيت اقوله لج من تجربتي في الدراسة ان مشروع التخرج هو مرحلة في دراستج يعني مب لازم يكون احلى شي تسوينه بحايتج وتحطين فيه كل معلوماتج ابدا

بالعكس تقييم المشروع ما يعتمد على الفكرة بقدر ما يعتمد على التنفيذ. هم يبون يختبرون اتقانج لللي تعلمتيه وتقدرين تسوين شغل مرتب وما يكون فيه مشاكل ويخرب بسرعة، يعرفون ان انت انسانه منظمة وتحترمين المواعيد وتسلمين في الوقت وشغلج بروفيشينال وتقريرج واوراق المتابعة مرتبة وهذه الامور

يعني ممكن فكرة بسيطة لكن متعوب عليها ومكتملة عناصر المشروع الجيد احسن بوايد من فكرة واو لكن صعبة لدرجة ان الشغل مب متقن او ما قدرتي تنفذيها بالشكل اللائق

تذكري ان مشروع التخرج مب لازم يكون انجاز عظيم بقدر ما لازم يكون شغل متقن وعلشان جذية لا تنسين تحسبين الوقت اللي عندج ولا تعبين عمرج زيادة تسوين شي وايد صعب او وايد يديد بحيث ياخذ وقت وايد طويل او جهد زيادة عن المطلوب وما تحصلين معلومات عنه بسهولة او حد يقدر يساعدج لو اضطريت

الدرجات وايد احسن عن النجاح والرسوب بالمناسبة! لان النجاح والرسوب اذا مشروعج مب زين بترسبين لكن الدرجات تنقص اهون بوايد وان شاء يكون مشروعج روعة وتحصلين A+

ومبروك التخرج مقدما :clap: طبعا انا باكون اول زبون :shy: