هذه المرأة تريد حلا

للاسف معظم الناس تتساهل في هذا الموضوع وتعتبره طبيعي مع ان اثاره سلبية جدا على الحياة الاسرية

اقترح اختي اولا انها تطور من ثقافتها الجنسية وتتاكد انه مرتاح معها تماما
وبعدين على حسب علاقتها فيه، اذا متعودين يتصارحون تصارحه وتفهمه بحرمة هالشي وغير الدين تقنعه بسلبية الافلام والصور على حياتهم الجنسية والانترنت مليان مواضيع تحذر من هالامور وتذكر مخاطرها حتى عند الغرب اللي عندهم مب حرام يحذرون منه وينصحون شبابهم

اما اذا ما تبي تصارحه فتقول له بصيغة عامة انها قرات موضوع اليوم عن مخاطر هاي العادة وتنصحه وتتناقش معاه
واذا عندهم يهال تخوفه ان ممكن حد منهم يشوف بالصدفة ترى اعرف وحدة عندها بنت عمرها 5 سنوات والبنت دوم تلعب في كمبيوتر ابوها ومرة شافت فيلم جنسي ابوها منزلنه وتخيلي ردة فعل الام يوم بنتها يت وشرحت لها تفاصيل الفيلم!


والاهم دعواتها له الله يبعده عن الحرام ويهديه ويصلح حاله ان شاء الله