شوفوا معاي تطبيقي لايس كريم باسكن روبنز واااااااااايد حلو
طبعا سارقه الطريقه من احد المنتديات ( لا تعلمون حد هههههههههههه )
شوفوا هنيه حطيته في الاكواب
والباقي حطيته في الصينيه شوفوا شلون مشهي امممممممممممممممممممم
والحين تفضلوا الطريقه
المقادير :
علبه حليب مركز
علبتين قيمر كي دي دي الصغير
6 حبات كيري
ظرف واحد دريم ويب
بسكوت الشاي ( انا الصراحه دايما استخدم بسكوت اسمه نص نص لونه باكيته ذهبي وايد حلو ويجي في كيس واحد تقريبا 12 باكيت بتلقينه مع بسكوت جلوكوز وهالاشياء مال اليهال في الجمعيات ) انا استخدمت 7 باكيتات صغيره
الطريقه :
نكسر البسكوت باليد تكسير سريع ونحطه في صينيه
نخلط مقادير الكريمه كلها في خلاط العصير ونصبه على البسكوت المكسر ونخلط بالملعقه
وبعدين خذت مقدار صغير واضفت له كاكاو بودره وحطيته في قاع الكوب مثل ما تشوفون وبعدين حطيت طبقه ثانيه من الخلطه العاديه وبعدين زينته بصوص الفراوله والمكسرات المطحونه
اما الباقي صبيته في صينيه ورشيت عليه بودره الكاكاو وصوص الفراوله والمكسرات
كان خاطري ارش عليه صوص هيرشي بس للاسف كان مخلص من عندي
وطبعا تحطونه في الفريزر نص يوم او يوم كامل
وعقب بالهنا والشفاء
وادعوووووووووووووووووووووا لي