ابي رد منكم وبس

إختي فجر .. بصراحه بهالوقت

البنات والصبيان ينخاف منهم ... كل شي عااااااااااااااادي صار

قبل نسمع ان فلانه كلمت فلان وفلانه طلعت مع فلانه ؟ من ورا اهاليهم

لكن الحين قدام العيين تشوفينهم ...

لا والحين نظام جديد طايحين فيه عيال الكويت << بعض منهم مو كلهم

اقسم بالله هالموقف صار قدام اختي ورفيجاتها بالباص ..

تقول عند الاشاره ..بالضبط هذا الاخ راعي السياره مفصخ سرواله ..؟ ويشوفه حق البنات .!!

وصديقتي نفس الكلام شافت هالمنظر بس بموقف ثااني ..

يعني كل شي عااااااااااااااادي ..ناس صار دمها ابيض ..مافيه حيا ولا تربيه

وكل هذا بسبة الاهل وقلة الوازع الديني ....

بس بالنسبه للـ البنت ..لو انا امها ..اجيها بالسياسه ..اتفاهم معاها ان اللي سوته غلط

ما اهاوشها ..بس ارااقبهاا ..بدون ماتحس ..والله يخليها لأمها ويستر عليهااا

بس جد .. يعني حيل صغيره .!؟؟ لايقص عليها بس

عيال الحرام واجد ..

الله يعين ..

والله معرف شكولج حبيبتي

خليها تشوف لها متخصص وتكلمه بحالتها وتعرف منه كيف تتفاهم معاها
ولا تقول لابوها لان الرجال غير
بيعصبون وبينجنون وماراح يتقبل الموضوع
وخلي للبنت تهديد تقولها لو عرف ابوج بيكسر البيت على راسك
بيذبحج
بعد لازم تهاااب
وهمن تشوف شلي خلاها تسوي جذيه
وبنت بهالعمر ولا عندا مشاكل بالبيت اكيد الصحيه
تشووف من مرافجه بالمدرسسه
اعووذ بالله من الاشكال الي بالمدارس
وياريت تصرف طاقتها صح
تدخلها نادي صحي تتعلم سباحه
تملي وقتها اتدور لها جماعه اسلاميه وبنات صالحات تجتمع معاهم

والله يستر عليها وعلي بناتنا وعلى بنات المسلمين

اختي الغاليه الي لزم اختج تسوي شي بالفطره مايحتاج الى دكتور ولا علم نفس ..
انتي قلتي:

" فجاة ومن دون انذار كشفته واعترفت البنت
ان لها شهرين وهي تكلم وكانت خائفة وحلفت لامها انها ما تعودها...."

هني العلامات الاستفهااااام فجاه ...خائفة....!!
اختج لازم بهاللحظه ماتسكت وتستغل الحاله الي هي فيها وتسالها وتسحب السانها وتقولها شنو السبب وليش وشنو والاسئله الي المفروض تسالها ...


اذا انتي تقدرين تقعدين مع البنت وتتقربين منها وشوفي شنو سبب فعلاتها هاذي ....يمكن البنت ماعندها سبب الي العديد يعتقده ان امها مهمله او انه ابوها غير مهتم فيهاا او من هاااذا القبيل يمكن البنت عندها مفهوم خاطأ..وهاذا شي لاحضته بكثرة من شكوى الاخوات وخاصة تمر فيه اغلبية المراهقات .

واحب اقولج ان اختج لازم تكون جدا حريصه ومنتبها خاصه من ناحية الصديقات والاتصال بهن ومايدور من حديث.
وربي يوفقها ويهديها .

الله يعينا ع هالجيل



ديروا بالكم عليها لان هالسن خطييييييييييييييييييييييييييييييييييييييييييييييير



اكيد وحدة من ربيعاتها او الشلة


شوفيها ترابع من ومع من تمشي



الله يهديها



والله انا قلبي ينتفض


دخييييييييييييييييييييلكم انتبهوا لها

الله يهدينا ويعينا على تربية البنات

الله يستر عليها و علينا و على جميع بنات المسلمين...

الغاليه..اغلب اللي في هاالسن صديقات المدرسه يأثرون فيهم...

يعني وحده تفاخر بانها تكلم شباب...

ووحده تبين شكثر فلان يحبها و مستعد يسوي المستحيل عشانها...

يعني احلام ورديه...تاثر في البنات...

و ممكن و الاغلب تجي وحده و تقولها دقي على هذا الرقم

بس شوفيه يتعرف و الا لا...هو حبيبي و ابا اتأكد...

و تقولها ما اقدر اثق في حد غيرك...بس اتصال...

و طبعا الذئب في الانتظار و على اتفاق...مكالمه و را الثانيه..لين يخليها تحبه...

هذه السن حرجه...

خلي امها تتاكد من صديقاتها...مابين عشر محترمات

ممكن وحده شينه...

اذا عندها موبايل..شيلوه..في هذا السن ما يحتاجون...

شو الشئ الضروري اللي تحتاجه من الموبايل؟؟؟

خلي تراقبها..(( بدون ما تحس البنت ))...

و اذا لاحظت شئ على الاقل تهددها بابوها عشان تخاف...(( بس لا تبلغه ))

و لا تقول للبنت انها ما بلغته...

و الله يصلح حالها و حال الجميع....

و الله مش عارفة ايش اقولك حبيبتي فعلا صار ينخاف على شباب والبنات ها السن صار مافي حواجز وكله عادي
نصحتي انك تراقبيها ولا تغفلي عليها العين حتى تعرفي وشو تسوي
و الله يحفضها

لا حول ولا قوة إلا بالله

حبيبتي امها لازم تجلس معاها ولا تهملها وتحط عينها عليها يعني تضعها تحت المجهر بس من دون

ما تحسسها الجوال لازم ينشال نهائيا تنتبه لزميلاتها اللي معاها في المدرسه لازم تكون فكره

عن أخلاق زميلاتها تعرف بنتها مين تكلم ومين تماشي

لازم تفهامها ان البنت سمعه وشرف لو يضيع يضيع كل شي لازم تخوفها شوي بس بنفس الوقت

ماتعصب عليها او تضربها او تستخدم اسلوب التهديد

لازم تقول لها انا عارفه انك عاقله وانك تربيتي وعارفه اللي سويتيه غلطه بس هالغلطه كبيره شوي

ولازم مانعيدها ولانكررها ابدا انتي ترضين ان الناس يقولون بنت فلان وفلانه له علاقه مع شاب

لازم تقربها من ربها تخليها تداوم على الصلاه بس لازم ماتحسسها انها فقدت الثقه فيها

ولازم تعرف الطريق اللي حصلت الرقم من وراها سواء عن طريق صديقة سوء او نت لو كانت بنت

لازم تقطع علاقتها فيها نهائيا لو كان من نت ماتشيل الكمبيوتر بس لازم ينحط في مكان مكشوف

يعني في الصالة أو غرفة الجلوس مو في مكان مغلق زي غرفة النوم

وبالنسبة لأبوها ابدا ماتقوله وتبين لبنتها انها ماقالت لأبوها علشان ماتنزل بنته البريئه الطفلة

المؤدبه من عينه ولو تكرر الأمر لاسمح الله الوالد لازم يتدخل

البنت طفله وتقدرين تشكلينها على كيفك بس اياكي والعنف

اشكركم من كل قلبي
لكلامكم الرائع اللي ابلغة لاختي لول باول لانها والله متضايقة مررررررررررررررررررة
وحالتها بالويل
خائفه مو مرتاحه لكن الله يعينها ويعينني على
مساعدته خواتي لكم شكري وتحياتي حبيباتي