رز بكبده الدجاج + دجاج بالمنجا = غداء عجيييييييييب ولا طبخ شيف حياكم

السالفه الله يسلمكم

اني من كم يوم شفت هالطبقين في احد المنتديات قلت خل اجربهم شكلهم حلو

واذا طلع طعمهم روووعه حطيناه على الغدا واذا مش اوكي باسوي نفسي ناسيه اطبخ الغدا وباخشه وباقول حق بو العيال احنا نبي غدا من برا اليوم ههههههههههههههههه

لكن الصراحه طلع اكثر من روووووووووووووعه ماشاء الله

يالله اكتبوا الطريقه

رز بالكبده

المقادير :

1 بصل كبير مفروم
2 فص ثوم مدقوق
باكيت كبده دجاج مقطعه قطع صغيره
اكوب خضار مشكله من الفريزر او طازجه
نص كوب ذره من الفريزر
بهارات ( ملح + سنوت ويليلان بودره +هيل مطحون شوي + دارسين مطحون شوي +فلفل اسود بودره شوي )
كوبين رز مصري منقوع نص ساعه في الماي

الطريقه :
تحمرين البصل والثوم في قدر على زيت شوي
تحطين عليه الكبده وتقلبينها لين ينشف الماي منها
تحطين عليه الخضار والذره وتقلبينها لين تلين شوي
تحطين البهارات
تصفين الرز من الماي وتضيفينه على الخلطه السابقه
في هذي الاثناء تكونين حاطه ماي في قدر اخر ومخليته يغلي لين تخلصين شغلج
اول ما يختلط الرز بالمكونات السابقه عدل تضيفين له الماي المغلي اللي يكفي لاستواء العيش والخضار
وتقصرين على النار وتغطين القدر لين يستوي
وتقدمينه في طبق حلو مثلج هههههههههه



الدجاج بالمنجا :

هذا الصراحه روووووعه وم مبين فيه طعم المنجا ابدا شوفوا الصور اللي في البدايه شلون شكله روووعه

المقادير :
1دجاجه مقطعه قطع صغيره
2 فص ثوم مهروس
قطعه زنجبيل طازجه مهروسه
1 بصل كبير مفروم
1 منجا طازجه مفرومه
نص كوب كريمه ( ويبينج كريم )
بهارات نفس بهارات الرز بالكبده بالظبط مع اضافه كركم هالمره

الطريقه:

قبل الطبخ بست ساعات تقريبا او بليله تكونين مقطعه الدجاج قطع صغيره وتفركين فيها الثوم والزنجبيل وتحطينها في طبق وتغطينها بالقصدير وتخلينها في الثلاجه منقوعه.

تحمرين البصل على النار مع شويه زيت وتضيفين عليه الدجاج لين يبيض لونه ويستوي شوي

تضيفين عليه المنجا المهروسه والكريمه في نفس الوقت

على طول ضيفي البهارات والكركم وقلبي لين شوي يثخن قوام الصوص ويستوي الدجاج

وبسسسسسسسسس ها شرايكم

ماشالله عليك عزيزتي

شكله مشهي و لذيذ يعطيك العاااافية

شكرا حياتي السفيره

عيل ابشري هذا الطيق لج هههههههههههه

شكله عجيييييييييييييييييب

واكيييييييييييد طعمه يمي يمي

تسلم ايدج:)

ماشاء الله بالهنا والعافيه على قلبج

ياهلا فيكم .. هذا لجل عيونكم

شكرا حبيبتي

ما شاء الله شكله وايييد يشهي..

مشكورة أختي

ياهلا فيكم

ما شاء الله شكله وايييد يشهي

مشكوووووورة عاشت ايدج يا وردة

ووووووووووووين صور بليز ابي اشوووف