ابى عناوين دكاترة علم نفس

حياكم عرايس المنتدى الحلوات

اعرف وحدة كسرت خاطري البارحة
تاخذ ادوية اكتئاب من عام 2000 وبجرعات وايد كبيرة

مشكلتها بدات يوم كان عمرها 20 كانت تدرس في بلد بعيد عن اهلها وطبعا في هذه السن كلنا معرضين لاكتئاب بسيط من وقت للثاني هي قامت وسارت حق طبيب نفسي انا متاكدة انه دجال والاخ اقنعها انها مريضة جدا ومحتاجة اقوى نوع من ادوية الاكتئاب

البنت متعلقة في هذا الدكتور بشكل غريب ومقتنعة تماما ان لو ما سمعت كلامه شي بيستوي فيها (هو اقنعها شي). تخيلوا الدكتور في الاردن وهي في الامارات وحالتها المادية سيئة جدا وتدق عليه تلفونات طول الوقت تستشيره في حياتها اليومية

مثلا يوم وافقت تتزوج، اصرت ان خطيبها يسافر الاردن وبعد ما الدكتور وافق عليه هي وافقت
الحمد لله ريلها يموت عليها ومتحمل واااااااااااايد منها لانها مالها سيرة غير انا مريضة هي ليش الدنيا انا فاشلة وشي

حاولت مرة توقف الدواء لان اهلها وايد ضايجين من دكتورهاالنفسي وخذوها حق واحد ثاني. هذاك يوم شاف الجرعات بغى يغمى عليه وقال لها حرام عليه يسوي فيج شي البنت قامت واتصلت على دكتورها اللي في الاردن وهزءها كيف تسير حق غيره وانها اذا ما تسمع كلامه بتنتكس وما حد بيقدر يساعدها غيره

طبعا حياتها الجنسية صفر تقريبا لان ادوية الاكتئاب وايد حادة، ويوم حملت بالصدفة استمرت على الدواء ويا ولدها عنده مشاكل وايد بسبة الدواء والحمد لله ما تشوه وريلها بدا يفقد اعصابه لانها دوم تتكلم وتتصرف بطريقة متعبة وايد وكله مكتئبة غير ان دواها وايد غالي وكل شوي تلفونات على الاردن وحالتهم المادية وايد صعبة

صارحت دكتورها اول ما عرست انها تبى توقف الدواءلانها مب قادرة تتجاوب جنسيا مع ريلها قالها مستحيل قبل سنتين والحين مروا السنتين وراح بدا لها كورس يديد وقالها لازم تستمرين على الدواء طول حياتج والا تنتكسين واياج تسيرين عند غيري ماحد بيساعدج وهي منقادة له تماما وترفض اي حد يشككها فيه

انا يوم قالتلي السالفة قلتها هو اكيد دكتور وايد زين بس ما في مشكلة لو كلمنا حد من الكبار في الطب النفسي بس حق سالفة الدواء لان مب معقول تمين تاخذين جرعة مثل شي طول حياتج بتذوب اعصابج من كثر التخدير! يا دوب اقتنعت

تكفون بنات انا ما اعرف اي شي في هالسوالف، يا ترى اللي نصحتها فيه صح او خطا، ومنو تعرف عناوين دكاترة كبار مثل فوزية الدريع في الامارات وما يكون الفحص عندهم وايد غالي