سنغافورة وماليزيا فاتمني اللي زارت احدى البلدين تجاوبني

السلام عروس


حبيبتي انا رحت ماليزيا شهر عسل

وبقولج عن الاشيا اللي عرفتها فيها وخاصة اني قضيت ثلاثة ارباع السفره في جزر خبرج سهل عسل

اول شي احنا نزلنا في مطار كوالمبور بس على بقولج نقطه اول ماتنزلون بتلقون وايد
ناس يعطونكم كتيبات عن البلاد اخذوها ماماراح تخسرون شي والاحلى انها مترجمه بالعربي
خذنا طياره ورحنا جزيرة بيننغ تجننن وحلوة
وسكنا في فندق موتيرا يجنن وعلى البحر والبحر فيه انشطه بحريه اذا انتم من هواتها ووايد اسيا حلوة فيها

انتوا استعينوا بالكتيبات اللي في الريسبشن ...
قعدنا فيها ثلاث ليالي

وبعدين طلعنا بعد بطياره الى جزيرة لانكاوي بعد تجنن وطبيعه خيال وسكنا في منتجع داتاي خياااااااااااااااااللللل

كله خشب وكأنه وسط غابه روعه بصراحه وقعدنا فيها 3 ليالي بعد
بس انا عجبتني بيننغ اكثر لاني انا اجتماعيه بالدرجة الاولى احب الحشره
ولانكاوي هااااااااااااااااااديه

وبعدين يالغالية رحنا العاصمة كوالالمبور تجننننن راااااااقيه بطريقه وسكنا في فتدق مندرين يجننننن

ولاصق فيه اكبر برجين في العالم التوين تور وكله جنبه قهاوي راقيه..

وعلى فكره في ماليزيا اغلب اكلج راح يكون سي فود .. والجو نوعا ما حار ورطب فاخذوا ثياب صيفيه
الا اذا انتوا نويتوا على جنتنغ انا بصراحه مارحت لها بس يقولون وايد بارده

بس هذا اللي اقدر افيدج فيه

اتمنى لج رحلة سعيده مقدما

مشكووووووووووووووورة يااحلى ام بالدنيا يارب يقومج بسلامه وتبشرينا

الله يسلمج يالغاليه

الا قولي لي بتودين عواشه؟؟؟؟؟؟؟؟؟؟؟؟؟

طبعااااااااااااااا وانا اقدر افارق رووحي والرحله ماتكمل والا وهي ويانا القمررررر

اختي انا رحت ماليزيا شهر عسل اكثر شي عجبتني بيننغ جزيره حلوه والبارشوت والبقيات والخيول والبنانا والجيتسكي سكنت انا في الهوليدي ان فضيع الصراحه لان ماحصلنا في موتيرا حجز ولا شنغريلا كان زحمه بس حلو هوليدي ان وايد واحلى شي الفطور عجيييب كوالالمبور سكنت في فندق اسمه كلها اسواق بس وايد مشاكل ومب امان مثل الجزر يعني مجمعات وسينمات جنتنغ بارده يبيلها جاكيت في ملاهي كبيييره وكله ضباب انا رحت لها بتاكسي لان كنت في سن وي لاجون نفس المدينه بس مستقله داخل كوالالمبور حلوه وفندقها روعه وفيها العاااب الفندق يطل عليه والفندق ذي في فلل سكنا فيها الفله لج خاصه داخلها برجه لج بروحج فضيييع ذكرتيني باللذي مضى سنغافوره غاليه شوي صارت واستانسي ووسعي صدرج...

نسيت اسم الفندق اللي في كوالالمبور بس هو صوب تايمز سكوير

وااااو دخلتوا بخاطري اروح

ان شاءالله ترروحين سحووبه وتفرحين يارب

وياااج

شقررتي ؟!

لي عودة

أنا رحتهم السنة الي راحت تايلند وماليزيا وسنغافورة .. أسامي الفنادق مااذكر مشكلتي مااحفظ الاسامي بس بحاول اتذكر بعض الاشياء

بالنسبه لسنغافورة اول شئ بقولج بعض المعلومات :

سنغافورة هالبلد وايد مهتمين بالنظافة .. ممنوع التدخين الا في الاماكن المخصصه ولا على طول غرامة

العلج .. ممنـــــــــــــوع في بلادهم وماينباع الا في الصيديله وممنوع الواحد يتمشى ويتعلج

ممنوع .. تقطون اي شئ في الشارع .. على طول غرامة

وبتلاحظين نظافة البلاد .. انشاءالله اذا رحتيها

ممنوع الرجال يلمس وحده منهم .. حتى لو كانت عجوز .. يعن ياذا مزاجها مو اوكي على طول تسجنه .. والقانون معاها


المعالم السياحيه : عندج سفاري نايت .. مكااااااااااان روعة خصوصا لو كان عندج اطفال .. حتى الكبار يستانسون .. تركبين في قطار وتلفين على الحديقة كلها وتشوفين الحيوانات في الهواء الطلق بدون اقفاص .. وبعدين في عروض يسونها بعض الحيوانات .. عروض ممتعة وفي محلات هدايا تذكارية منتشره في الحديقة وبعض المطاعم .. يعني احرصي انج تروحينها .. لانها ووووووايد حلوة

وعندج جزيرو سانتوزا .. بعد حلوة وفيها عروض وووووووووايد

عاد انتي مابتقدرين تروحين كل العروض .. لأنهم وايد والجزيرة كبيرة
طبعا اول شئ تدفعين تذاكر الدخول للحديقه بعدين تقريبا كل عرضين تختارينهم لهم تذكرة منفصله بحدود 50 ريال لشخص

انصحج بأحلى شئ الاكواريوم
مكان مخصص للأسماك والاحياء البحرية ..وايد حلو الصراحه تجربة ممتعة وووووووووايد
تشوفين انواع مختلفة وعجيبة وغريبة من الاسماك .. الي تولع في الظلام والي حجمها قد البعوضه
وبعد في مكان للهدايا التذكارية .. ومكان لتصوير

مع هذا العرض بتشوفين عرض الدلافين
العرض عادي .. ماحس فيه زود .. بس هالعرضين موجودين مع بعض

والجزيره بصراحه كبيــــــــــــره والتنقل فيها بالقطار .. وفيها أكثر من قطار يعني لاتنسين الخريطة وانتي داخله عشان لاتضيعووووووووووون

حديقة الحيوانات مالتهم .. كنا بنروحها بس سواق التاكسي مانصحنا نروحها قال .. الحيوانات كبيرة في العمر .. وحالتهم حاله .. شلكم بالحديقه .. ومارحنا

وبالنسبة لمجمعاتهم .. عندهم أغلى وأحلى الماركات العالمية .. كل شئ بتلقينه موجود

واذا انتي تحبين الاكسسوارات .. بتلقين موديلاتهم صناعتهم .. بصراحه اشياء تحفـــــــــــــــة .. للحين متحسفة اني مأخذت منهم زياده

والشعب كله تقريبا يتكلم انجليزي .. يعني ماتتعبين معاهم .. يعني خلال سفرتنا بس سواق تاكسي واحد .. ماكان يعرف انجليزي ولا البلد كلها يتكلمون انجليزي حتى اليهال الي في الروضه ..

والبلد حلوة وراقية ونظيفة.. ومابتشوفين فيها عرب وايد على عكس ماليزيا وتايلند كأنج في الخليج

امممممم بعد نسيت جاينا تاون واينديا تاون بس مافيهم شئ ينشرى يعني بس حلو تتمشين وتشوفينهم .. وعندهم محل مشهور اسمه مصطفى :: عاد حشرونا مصطفى ومصطفى مايسوى الواحد يروح

وبالنسبه لسنغافورة بتلاحظين اسعار الماركة تختلف من مجمع لي مجمع .. يعني اذا عندج وقت اول شئ خذي لج لفة قارني الاسعارن بعدين تسوقي

ماليزيا: عندج بننج .. ملاهي فوق الجبل شئ خيـــــــــــــالي وايد حلوة .. تشوفين الغيوم ,انتي فووووووووق

فيها العاب داخليه وخارجيه

هالملاهي شئ مايتفوت في ماليزيا لازم تروحينها

حديقة الحيوانات : مالتهم بصراحه بعد ماشفتا سفاري نايت في سنغافورة ماعجبتني كلش .. لانه حررررررررررررررررررر .. بس اليهال يستانسون

وعندج: بعد حديقة الطيور.. حديقةوالورد وحديقةوالفراشات حلوووووووووووووين بعد

المجمعات : أذكر منهم برجايا تايم سكوير .. فندق وفيه مجمع 10 طوابق .. فيه محلات حلوة .. عجبني هالمجمع وايد ..في الطابق الرابع اعتقد بتلقين واحد سوداني يبيع سجادة الصلاة بعروق العود.. حلوة هدايا للكبار في السن

وفي مجمع اسمه ميغا مول .. والله مااذكر في ماليزيا ولا سنغافورة .. اعتقد ماليزيا .. المهم من حيث الحجم يعتبر اكبر مجمع في الشرق الاوسط بالعرض .. مو بعدد الطوابق وتشريت منه وايد

عندج بعد مجمه KLC كان مجابل فندقنا والله نسيت شسم الفندق تريديز شئ جذي بس الفندق وووووايد حلو .. واحنا لما سكنا فيه كان توه فاتح من اسبوعين يعني يعتبر جديد بس مشكلتنا معاه ماكانوا كل اتكاسي يدلونه .. يعني ندلهم المجمع وحق ندلهم الفندق
.. سوري بس تلخبطت الاسماء علي لان قعدنا في كل بلد 5 ايام ومن مجمع لي مجمع ذابحنا ال SHOPPING

هذا الي أذكره شاسوي ماحفظ أسامي بس أعرف أتسوق

مشكوووورة يالغاليه جزاج الله خير