بنتي صارت عنيييده بعد ماكانت هاديه...

السلام عليكم ورحمة الله وبركاته

اشلونكم امهات وبنات انشالله طيبين عندي مشكله مع بنتي العوده

عمرها خمس سنوات وهي في الروضه كانت هاديه وتسمع الكلام وخوافه

صارت اتعصب وتعاند وتصارخ تعبت اكلمها بصوت هادي وافهمها بس

صرت اعصب احيانا امد يدي عليها انا ماودي اني اضربها بس تفشلني

عند اهل زوجي واحنا في بيت واحد ودي اكلمها وماصارخ عليها بس

عندها عمات اصغار يعني في الابتدائي وتصير مشاكل وحساسيات توصل

بينا احنا الكبار يعني من اقووم وتبتدي الشكاوي سوتوفعلت وهي تقول

انا ما سويت شي هم بدو..ابي اكون انا واعيالي محبوبين ومتعاونين معاهم

ولا تستوي بينه مشاكل سببها اليهال ومو قادره اسيطر احيانا انا جوف انهم

اليهال يغلطون عليها مثلا بالفاظ او حركات وتنقهر وتعيل عليهم يعني مع اني

اقولها لا عيب جذي واسكتها واعلمها اذا الصح صح والغلط غلط وماعطيها كل شي

كيفهاوهم اقول توها اصغيره يمكن كثر ماني شديده عليها لاتسوين ولا تفعلين قامت تعاند

واحيانا ماتكون غلطانه بس تعرفون عندها عمات اصغار ولا احد يعترف اعياله غلطانين

بنات الي عندها اعيال ومرت بنفس المشكله تفهني والا تدلني شنو اسوي معاها لان

قامت تصير مشاكل بين الكبار بسبب اليهال واشياء مالها داعي وجزاكم الله خير