تجمع لكل الي ولدوا قيصري او بيولدون قيصري.................!!!!!!!!!!!!!!!!

الحمدالله على كل حال
اختي الكبيره ولادتها الأولى طبيعي والثلاثه بعدها قيصريه وهي الان حامل
بس يقولون لابد من انج تصبرين فتره مابين الولادتين عشان يرتاح الجرح ويكون فيه امل بإذن الله ولاده طبيعيه المره الجايه
مرة اخوي كذا الأولى قيصري والثانيه بعد3سنوات طبيعي
انا ولله الحمد توني بأول المشوار عزوز طبيعي بس خلوني اوقع عالعمليه اذا احتجتها لاسمح الله

1- شنو سبب القيصرية ؟؟؟؟؟؟؟؟؟
البيبي الله يخليه كان معترض

2-شنو نوع البنج الي خذتية ؟؟؟
بنج كااااامل

3- هل اخذتي الاعشاب والادويه الي تاخذها الي ولدت طبيعي؟
لاااااا ابدا بس خذت المرة عشان الجرح يلتام

4-متى بديتي تمارسين الرياضة ؟
ما مارست اي رياضه لحد الحين

5-هل لبستي مشد او هل ربطتي بطنك ؟
لا استخدمت لا مشد ولا ربط لأن الجرح الى الحين يألمني مع الضغط

6- متى حملتي على العملية او متى تفكرين تحملين ........؟

والحمد لله ما صار حمل الى الآن وافكر بعد السنتين عشان ربي يسهل علي واولدطبيعي مرة ثانيه

هلا وعليكم السلام والرحمه ......

1- شنو سبب القيصرية ؟؟؟؟؟؟؟؟؟
نبض البيبي كان ينزل فخافوا عليه وخوفونى الله ايسامحهم
2-شنو نوع البنج الي خذتية.؟
بنج كامـــــــــــــــل
3- هل اخذتي الاعشاب والادويه الي تاخذها الي ولدت طبيعي؟
شربت الحبه الحمرا والجرفه مع الزنجبيل
4-متى بديتي تمارسين الرياضة ؟
لما كملت شهر بالضبط من ولادتى بديت امشي عالجهاز واسوى تمارين خفيفه
5-هل لبستي مشد او هل ربطتي بطنك ؟
لبست مشد لما كملت شهرين .. كان ودي قبل بس مكان العمليه كان ينغز
6- متى حملتي على العملية او متى تفكرين تحملين ........؟
ما افكر احمل بالمـــــــــــــــــــــره لانى اشتغل وماعندى احد يمسك لى عيالي ... واذا الله كتب لى الحمل مره ثانيه اتمنى اتكون مرت عالاقل 3 سنوات على ولادتى الاولى

بنات ألم العمليه يطول ؟؟؟؟؟ شهر يعني ؟؟؟

ويكون ألم قوي ؟؟ والا عادي ممكن الوحده تستحمل بدون مسكن

وكيف تمارسون حياتكم عقب العمليه ؟؟؟ يعني متى ابتديتن تمشن مثلا وتروحن الحمام عزكم الله

او الصاله ؟؟ يعني المشي فنطاق البيت

- شنو سبب القيصرية ؟؟؟؟؟؟؟؟؟
كان الرأس فوق وما دارت
2-شنو نوع البنج الي خذتية.؟
بنج نصفي
3- هل اخذتي الاعشاب والادويه الي تاخذها الي ولدت طبيعي؟
شربت الحريروه
4-متى بديتي تمارسين الرياضة ؟
لما كملت شهر بالضبط من ولادتى بديت امشي عالجهاز واسوى تمارين خفيفه
5-هل لبستي مشد او هل ربطتي بطنك ؟
لا خفت البسه
6- متى حملتي على العملية او متى تفكرين تحملين ........؟
أنا حامل الحين بعد سنتين من العملية

سبب القيصرية؟ لأن المشيمة نازله على عنق الرحم[glow=009933]أخذت البنج النصفــــــى (ابرة الظهر ) ... [/glow]اخذت الاعشاب

مارست المشى لما صارلي شهر ورياضة خفيفة
لا مالبسته الربط
ماافكر اللحين الحمدلله الحين عندي بنتين و ولد
على فكرة انا كنت نايمة بالمستشفى شهر ونصف بعدين صارلى نزيف ودخلونى العمليات وولدت بالشهر السابع والحمدلله:shy:

الموضوع حلو الصراحة

شنو سبب القيصرية ؟؟؟؟؟؟؟؟؟
كان الياهل رافع راسه والنفس ما فتحت غير4 مع انهم عطونى طلق صناعى

2-شنو نوع البنج الي خذتية
نصفى

3- هل اخذتي الاعشاب والادويه الي تاخذها الي ولدت طبيعي؟
لا

4-متى بديتي تمارسين الرياضة ؟
بعد الاربعين

5-هل لبستي مشد او هل ربطتي بطنك ؟
لبست مشد

6- متى حملتي على العملية او متى تفكرين تحملين ........؟
انا اللحين حامل ولدى بعده ما كمل سنة الله يعين

هلا أختي
1- شنو سبب القيصرية ؟؟؟؟؟؟؟؟؟

البيبي ما نزل بالحوض .. ودقات قلبه نزلت وأنا تعبت تكرموا صار ينزل معاي دم بالأبوال ... وخافوا علي وعلى البيبي ... رغم انه الرحم فتح 9 سم

2-شنو نوع البنج الي خذتية
بنج نصفي ( أبرة ظهر ) مريحة ... وحلوة

3- هل اخذتي الاعشاب والادويه الي تاخذها الي ولدت طبيعي؟
احنا عادة ما ناخذ أعشاب ... الحلبة بس ... هذه المهمة للوالدة ... وأكلت حلبة

4-متى بديتي تمارسين الرياضة ؟
بعد 6 شهور بديت أمشي ..على السير الكهربائي واستخدمت الدراجة

5-هل لبستي مشد او هل ربطتي بطنك ؟
ما استخدمت لأنه مكان الجرح يألم مع الضغط

6- متى حملتي على العملية او متى تفكرين تحملين ........؟
أنا الآن حامل .... يوم أحمل كان عمر ولدي .... الله يحفظه 3 سنين و4 شهور

الله يسهل عالجميع طبيعي وبراحة

ممكن اضيف سؤال يا بنات ؟
ها الحامل بتعرف انها بتولد قيصرى ولا لاء قبل الولادة بفترة؟؟؟

عزيزتي رور

إذا كان الحوض صغير او راس البيبي كبير بحيث انه ما ينزل في الحوض يخبرونج عن القيصريه

واحيانا يكون القرار بيوم الولاده مثل اذا كان الطفل معكوس يعني راسه فوق ورجلينه تحت

او الماي معكر او يكون الرحم ما يرضى يفتح او كانو خايفين على صحه البيبي او الأم لأي سبب

انا مثلا كان معترض فقرروا العمليه بنفس اليوم والحمد لله على كل حال

مشكورين بنات على التفاعل الحلو وناطرين الباقي

مرايم السعودية الله يجزاكى خير على الرد حبيبتى

انا ولله الحمد ولدت قيصري ,,,

كل شي كان طبيعي عندي .. بس وزن البيبي كان وايد صغير وما قدر يدفع نفسة ...

وفي اخر لحظة شافوا نبض البيبي ينزل فقررت الدكتورة تسوي العملية


والحمد لله علة نعمتة

بنات حاطتلكم لسته طويله عريضه من الاسئله

ومحد جاوبنيه ؟؟؟؟؟؟

اسمييييييييييييييه تجمع

1- شنو سبب القيصرية ؟

بداية تسمم الحمل
الضغط
كليتي توقفت بدا يتجمع الماء بجسمي
السكر من قبل الحمل

2-شنو نوع البنج الي خذتية
كامل

3- هل اخذتي الاعشاب والادويه الي تاخذها الي ولدت طبيعي؟
لا

4-متى بديتي تمارسين الرياضة ؟
بعد شهر


5-هل لبستي مشد او هل ربطتي بطنك ؟
لا

6- متى حملتي على العملية او متى تفكرين تحملين ........؟

نعم حامل والله يستر

1- شنو سبب القيصرية ؟
كان راس البيبي فوق و رجلينه تحت
مع ان طول فترة الحمل كان كل شئ اوكي .. تفاجأت ان وضع البيبي مو صحيح يوم الولادة
وعلى طول قالوا لي عملية

2-شنو نوع البنج الي خذتيه؟
بنج نصفــي

3- هل اخذتي الاعشاب والادويه الي تاخذها الي ولدت طبيعي؟
اكلت الحلبة والرشاد .. وكنت اتطهر بالسافلون (الله يعزكم)

4-متى بديتي تمارسين الرياضة ؟
اني للحين ما طلعت من الاربعين .. صار لي 25 يوم من ولدت وهذا اول طفل لي

5-هل لبستي مشد او هل ربطتي بطنك ؟
اتألم وايد الحين وما ادري متى البسه؟ اذا ظليت جذي بيصير لي كرش!!

6- متى حملتي على العملية او متى تفكرين تحملين ........؟
كل شئ بيد رب العالمين .. لكن اخطط احمل بعد 3 سنوات




اختكم مجبووورة

1- شنو سبب القيصرية ؟
صار عندي تكلس في المشيمه وقالوا لي انه المشيمه سيئة ومايتدفق دم للبيبي بشكل جيد
عطوني طلق صناعي مافتح معي الا 1 سم فقرروا العمليه بعد ماتسارعت نبضات الجنين وهذي
أول ولاده لي


2-شنو نوع البنج الي خذتيه؟
بنج نصفي (ابرة الظهر )

3- هل اخذتي الاعشاب والادويه الي تاخذها الي ولدت طبيعي؟
شربت الحلبة

4-متى بديتي تمارسين الرياضة ؟
للحين ما طلعت من الاربعين توني 21 يوووم
اسوي تمارين خفيفه عشان تقوي العضلات عطتني اياها الدكتوره اسويها وانا على السرير

5-هل لبستي مشد او هل ربطتي بطنك ؟
لا والله ... نفسي اربط بطني خايفه الكرش مايرووح بس خايفه اتألم
او يأثر على الجرح

6- متى حملتي على العملية او متى تفكرين تحملين ........؟
مثل ماقالت اختي مجبووره كل شي بإرادة رب العالمين
بس اتمنى مو قبل 4 سنوات

عندي سؤال لكم خواتي ...
بالنسبه لألم الظهر .... أنا يجيني ألم مو أسفل ظهري لا بالنص
لما اوقف او امشي وانا حامله البنوته خاصه أكثر من 5 دقايق
حتى يصير كل مااتنفس يزيد ولا ارتاح الا اذا جلست
مدري صار معكم كذا ... وهل ممكن من ارهاق الحمل

تحياتي لصاحبة الموضوع والفكره الحلوه
وتحياتي للجميييع

أختكم ... شوق العيوووون

انا نفسك تميت سنه اشتكي من ظهري قالوا يمكن من ابرة الظهر

عندي سؤال لكم خواتي ...
بالنسبه لألم الظهر .... أنا يجيني ألم مو أسفل ظهري لا بالنص
لما اوقف او امشي وانا حامله البنوته خاصه أكثر من 5 دقايق
حتى يصير كل مااتنفس يزيد ولا ارتاح الا اذا جلست
مدري صار معكم كذا ... وهل ممكن من ارهاق الحمل

انا تخدير كامل وجاني هالألم واتوقع انه بسبه الرضاعه لأني كنت انحني وانا ارضع ولدي