يالله همتكم بغينا مساعده منكم يا بنات دبي, الشارجه, عيمان

ك

كليوبترا

عروس مشاركة

20-03-2003 | 04:42 AM

السلام عليكم ورحمة الله وبركاته..
يا بنات يا حلوات.. ويا المتزوجات ويا الي بيتزوجون وعندهم خبر..
:o بغيت مساعدتكم يا الغاليات.. ان شاء الله من الشهر الياي بتجهز حق الزهبه.. وعندي كذا مكان حاطتنهم في بالي بروح اتشرى منهم أشياء وعندي ليستت الاغراض عشان ما انسى شي..
والسؤال هو:
1- ابا فروع ال "نعومي" في امارت دبي الشارجه وعيمان..؟!
2- سمعت أن الملابس الداخليه لمحلات نعومي تخرب وقت الغسيل يا ترى صح هالكلام يا المجربات!؟ ما أبا اخسر بيزاتي على شي ما يستاهل!؟
3- اذا حد من البنات بتأجر فستان حق العرس.. أو تعرف أي حد ياجر فستان حق العرس بسعر مقبول واذا ويا الاكسسوارات بيكون زين!؟
4- الي سوت عرسها عن طريق أي مؤسسة خدمات للافراح ممكن تذكرلي كيف كان مستواهم وتعطيني اسم ورقم هالمؤسسه والسعر التقريبي له!؟
5- لكل عروس شو من خلطات أو عطور تستخديمنهم لجسمج؟!
6- شو من أنواع الصابونات والكريمات واللوشن الي تستخدمينهم؟!

( اذا تذكرت الاسئله الباقيه برجع لكم يا الغاليات)..
ويزاكم الله الف خير.. ونتريا مساعده واذا عندكم أي اضافات ضيفو بارك الله فيكم.. وتسلموووووووووون.. :o

ع

عضوة

20-03-2003 | 09:10 PM

هلا كيلو بترا :D:D:D:D

اللة يسعدج ان شا الله:D:D:D:D

بنسبة لمحلات نعومي طبعا من المحلات المعروف والمشهورة في الملابس الداخلية للعرايس:D:D:D:D

والله عندهم فرع في الشارقة ستي سنتر:D:D:D:D

اما اذا الملابس اوكية فاكيد انها ماتخترب لانها ماركات عالمية:):)

اما عن تاجير الفساتين العرايس عندج البنات في المنتدي دايما ايحطون اعلانات بس انا اعرف صديقتي امجرة فستان ررررروعة يوم عرسها

وكان ملبوس مرة تتصورين بكم .........؟؟4 الالف درهم ويا الاكسسوارات

بس رررعة اللي اذكرة قالت لي من محل لتأجير في الشارقة

اما عن المحلات لتنظيم الاعراس عندج محلات وووووايد وانا منت كاتبة عن مكتب او عندج القاهرة اللي في الشارقة الصراحة اوكية

وطبعا خلطات العرايس معروفة تشترين المعطرات الفرنسية الماراكات او المخلطات العربية اللي ايسونها راعيات الدار

او احسن معطر طبعا عندج الدهن العود:cool::cool::cool::cool::cool:

هذا اللي اعرفة وان شا الله البنات في المنتدي ماراح ايقصرررون معاج

واذا تبين اي شي الحرمان في الخدمة يالغالية

ر

رومانسيه

مشرفة سابقة

20-03-2003 | 09:35 PM

عزيزتي اقدر اساعدج في فستان العرس,,

مرت خالي عندها فستان و توهت من فتره معرسه ..موديل الفستان اسباني بصراحه مديله غريب و حلو..

هي نفصلتنه عند هزار ب 38 الف...

على فكره هي ضعيفه..

اذا تبين ردي عليا...

ا

الـنـونه

مشرفة سابقة

21-03-2003 | 02:52 AM

انا حبيت اقول لج الف الف الف مبروك
اما عن الاساله

ك

كليوبترا

عروس مشاركة

21-03-2003 | 02:56 PM

تسلمووووووون على الرد.. بس محد عطاني الرد الي بتفصيل الممل.. اتريا الرد من المتزوجاااااااااااات :(
رومانسيه فستان عرس ب38 الف ليكون من الماس وانا ما ادري!؟ لا الغاليه هذا سعره وااااااااايد وانا ادور شي على قد حالي وما ابا الغالي يا الغاليه.. وتسلمين على الرد..
الحرمان مشكوره وما قصرتي :).. وتسلمين على الرد..
النونه الله يبارك في حياتج وعقبالج الغاليه..

ر

رشا

عروس جديدة

21-03-2003 | 11:20 PM

اولا .. نعومي
بالنسبه للملابس الداخليه الغاليه انصحج ماتغسيلينهم الا بالايد.. لان اي شي تغسلينه في الغساله سواء رخيص ولا غالي بيخترب..:rolleyes:

و بالنسبه للعطور العربيه
سيري عند اجمل هو التوب في هاي السوالف
خذي من عندهم مخريه للشعر.. ودهن عوود سيوفي ولا جديم..

والبودي لوشن مع الكريم والصابوون .. عندج بودي شووب
ونصيحه.. يوم بتكونين عند ريلج لا اتكثرين من العطورات عسب ما يختنق:p
وعشان ما تطغي ع ريحتج لا ن كل انسان له عطر ف جسمه من الله . وهو اللي يشمه ريلج فيج مثل الياهل اللي يشم ريحة امه.ز عرفتي:rolleyes:

المهم
مابتفلسف..
فساتين العرس انا ماجره عند وحده في الشارجه سعرها من 7 و 8 و 9 الاف
بس والله خبال كلها ماركات اسكاليني و اروشي و هزار و بوجاتي و ايلي صعب ..
وشي عندي بعد ارقام حريم ياجرن فساتين اعراس .. بس هاي انا ضامنتنها مابتطلعين من عندها الا وانتي اخترتيلج فستان.. بعطيج ايميلها واذا تبين رقمها بعد عندي .. [email][email protected][/email]
اتمنى اني اكون ساعدتج ولا بشي بسيط .. والله يسعدج...

ط

طيور الأمل

عروس جديدة

22-03-2003 | 02:32 PM

هلا إختي
بخصوص الأجوبه
1- أما عن العطورات فهي بسيطة لأنه كل مكان ممكن تشترين منه عطورات حلوة
2- عن نعومي أنا مجربة و ما أخترب مني أي شي
3- عن مؤسسة هناك مؤسسة النوخذة لخدمات الأعراس واااااااايد حلو
4- عن الفستان عندي فستاني لللإيجار و بالسعر اللي يعجبج من 5000أو 4000 و على فكرة خسرني واااااايد لأنه المصمم اللبناني الساهر ضياء هو اللي سوالي الفستان ، وهو يلبس مقاس الطول 163 و الوزن 55 أو50 تقريبا .. وإذا تبين تشوفينه قولي لي ...:)
5- و أما عن الكريمات فأحلى شي مجموعة فكتوريا سكرت و أتوقع إنها موجودة في دبي ...و أستخدمتها و بصراحة روعة ..

ك

كليوبترا

عروس مشاركة

22-03-2003 | 04:03 PM

تسلمين أختي رشا على الرد ومشكوره على الرد.. وممكن رقم اليا تاجر الفستان؟
طيور الامل تسلمين على الرد وممكن الرقم الغاليه.. وموقع مؤسسة النوخذه للاعراس ووين ووممكن رقم تلفونهم؟ وتسلمين على الرد..

ر

رشا

عروس جديدة

22-03-2003 | 08:59 PM

العفو ا عزيزتي .. الرقم عندي .. 050-7464455
.. ;) اتمنى انهم اعيبونج ,وعلى فكره عرسي جريب وانا ماجره من عندهم:D

ب

بنت بلادي

عروس جديدة

23-03-2003 | 02:41 PM

نعومي موجود في الميغا مول في الشارقة وفي الستي سنتر في الشارقة وما يخترب لو تغسلينه في الغسالة
اذا تبين عطور طبعا في باريس غليري تكون مع اللوشن مالها واذا تبي عود عند القرشي وايد حلو ماله احلى انواع العود الهندي القديم اما بالنسبة للكريمات روحي بدي لوشن حلوة كريماتهم بس انصحج اذا بتاخذين كريمات اخذيها مع العطور تكون احلى يعني كل عطر تشترينه اشتري البدي لوشن ماله
اما عن الفساتين روحي شارع الرقه في دبي كله فساتين اعراس او روحي عند المصمم عقل فقيه اذا تعرفينه حلوة موديلاته

ر

رومانسيه

مشرفة سابقة

23-03-2003 | 05:58 PM

عزيزتي كليوباترا..

الفستان مب من الماس و لا شي..و بعدين معظم المصممين مثل هزار

و اروشي و برمير ايعارهم نكون بهالجيمه من 20 الف و فوق..

و انا ما قلتلج خذي الفستان ب 38 الف..هي صح مفصلتنه بهالسعر

بس اكيد بتأجره ب 6000 او 7000 و يمكن اقل بعد..تدرين النأجير ارخص

لو شو كانت جيمه الفستان...