طريقة سهلة لتسخين فوطة الشعر

هلا بنات كيفكم

دائما نقرأ انه لما نعمل حمام زيت للشعر فالافضل نلفه بفوطة رطبه ودافئه, وبصراحه صعب اننا نسخن كل مره الماي ونحط فيها الفوطة ونعصرها

عشان كذا عندي طريقة سهلة قرأت مره بالصدفة في منتدى

الطريقة هي :

* انكم تجيبون الفوطه الخاصة بالشعر وتكون فوطه نظيفه( عودي نفسك انك بعد ما تستعملي لافوطه تغسليها على طول)
وتبللي الفوطه عدل

* بعدين حطيها في نشافة الغسالة , يعني حطيها لربع الى نص دقيقة عشان الماي الزايد يطلع بس تظل الفوطة رطبة

* بعدين تاخذين الفوطة وتكسفيها وتحطيها في المايكرويف وما تخافو ما بيصير شي في المايكرويف أنا جربت
وتخلين الفوطة تسخن لمدة نص دقيقة او دقيقة او حسبما تشوفي يعني المهم شوفيها ساخنة على طول لفي شعرك بيها ....

وكل ما تبرد تسوي نفس الطريقة وما بياخذ منك اي جهد .


اتمنى يفيدكم الموضوع