محتاجة رايكم الدنيا ضاقت فيني

حبيبتي استخيري ربك
والله يقدملك اللي فيه خير

استخيري يا اختي

ولو اني احس ان موضوع الوظيفه ما يوصل للطلاق وزوجك الاول يخوف بصراحه


والبنت حاليا من حقك انتي تربيتها ليش ماخذنها عنده ولا شو ؟؟

السلام عليج أختى ..باتكلم معاج من الناحيه الدينيه ..الله عزوجل أمر الزوجه بطاعة الزوج والزوجه مكانها بيتها وأولى أنها تربى عيالها ..والشغل حق الريايل والحرمه ملكة بيتها تعيش فيه معززه مكرمه والريال هو اللى يكد ويتعب ..ومذكور فى القرآن "وقرن فى بيوتكن" وفى كثير من الأحاديث تحث المرأة على طاعت الزوج والمكوث فى المنزل ..وتقبلى منى تحياتى

majic:
لبيتي ومتعلقه فيه قام يحط شروط علي كذا شرط انه يااترك الوظيفه يااعطيه راتبي لانه مو واثق فيني

يعني يبغاك تشتغلي بس الراتب يبغاه هو سبحان الله الرجاجيل مدري اش صابهم بعدين اش مو واثق فيك يعني لو عطيتيه الراتب بيثق فيك اسمحيلي اختي دا انسان شكله بس حاطي عيونه على راتبك وانتي كمان غلطتي يوم بينتي له لهفتك للرجوع

انا والله اتمنى ترجعوا بس بالطريقه دي حيفضل يذلك طول عمره

انا من رايي لو رجعتي له سيبي الوظيفه
اما انك تشتغلين وتعطينه الراتب لانه هو يبيه فصراحه لا كدا كانك بعتي نفسك

انا ما اعارض ان الحرمه تساعد زوجها بس دا ما يبي مساعده دا يبي راتبك كله الله يهديه

دا رايي اتمنى ما تزعلي:shy:

شوفي حبيبتي قبل كل شئ الاستخاره
ثاني شئ انتي تعلقه فيه وهو لقى عذر الوظيفه للطلاق
وفعلا ماغلطتي لماتعلقتي بالوظيفه لانها الان سلاحك
انا اشوف ان هالانسان راح تعانين معاه والله اعلم يعني ياتتركين الوظيفه ياتعطيني الراتب...؟؟

شوفي وضع الي خاطبك وظروفه واخلاقه واسئلي ربك التسهيل

حبيبتي..

لو طليقك يبغااك

والله كان شفتيه يسوي المستحيل علشان يرجعك

وبعدين ايش هذا الاستغلال ياتتركي الوظيفه

او عطيني الراتب,, والله ابتزاز

وكمان مافي ثقه ؟؟

ولاحظي ياقلبي انك تلمحين له ان ودك ترجعين ومع ذلك

صار يحط شرووط ويتحجج

ما احس انه واحد شاريك ويبغاك ابد والله

.. وبالنسبه للي متقدم لك ,, ليش ماتسالين عنه

واذا طلع الرجال ماينعاب

عادي اذا قلتي له عن رغبتك

انك تربي بنتك وماحد يقدر يمنعك

والله يوفقك ان شااءالله,,

::همساات الزهوور::

عزيزتي ما ابغى اتكلم كثير الي قبلي كفواووفوا وانا مع همسات الزهور
زوجك يدري انك تحبيه وتبيه وجالس يبتزك وهذا مو تصرف انسان شاري حط شروطه يا توافق عليها يا متوافق وفي كلتا الحالتين مو خسران شي بحسب تفكيره هوااااااااا فكري زي الناس وبالعقل بصراحه ما اقدر اقولك لا ترجعيله بس لو انا مكانك ما راح اقبل شوفي وضع الي خاطبك واستخيري والله يوفقك

انا اقولك طريقه فيها خبث بس جربيها هذي بعد الاستخاره اكيد

انتي من يوم ما عرفك ابو بنتك وانتي الحبوبه اللي تتمناه وتحب الحياه معاه

بصراحه لو شنو كانت درجة حبج لزوجج اذا ما كان هناك درجة من الثقل و التعزز و التغلي

تصيرين انتي و الكرسي اللي جنب السرير واحد عنده ولو ما هو كان حاس انه طلبه في ترك الوظيفه ممكن يجاب جان ما طلباه هو متعود منج الخضوع وعارف حتى يوم طلقج انه مو خسران

والدليل انج تواصلتي معاه ولو ان اللي سويتيه خطأ كبير شرعا لكن حتى تكتيكيا كان خطأ

وخصوصا انج تبغين الوظيفة وتبينه معاج عشان البنت يعني انتي حسستيه بسطوته حتى وهو

بعيد عنج حس انه قادر على انه يلعب بمشاعرج ويحركج مثل ما يبي فضعفتي اكثر امامه
....
المهم ...

الحين سوي سحب قوت بتنقطع يدج إذا مديتيها على التلفون اتصلتيله او حتى رديتي على مكالمته خلي حد ثاني يتفاهم معاه اذا بغى شي عن البنت عشان ما يأخذها حجه لااااااااااااااااا تعبرينه طنشيه....خلي حد يوصله خبر خطوبتج خل يموت من الغيره بس لا تعبرينه

خليه على هالحال يوم ويومين و إذا ما ترزز على البيبان وجه وطلب انه ترجعون حق بعض هذي ويهي و إذا انتي اوردي بطيتيها وقلتيله تقدملي شخص ردي عليه وقوليله هاليومين لا تتصل لانه ابي افكر فاللي خاطبني هذي مستقبلي ولازم افكر بروحي شوي

ولا تخافين اذا هدد عن البنت محد يقدر يأخذ بنتج منج و شوفي اللي خاطبج شنو فكرته عن الوضع اللي انتي به وهل هو متقبله ونصيحه فيه بعض من البشر ما يستحقون الجهد ولا التفكير في استرجاعهم فتركهم خلفنا ومواصلت الطريق بهذوء افضل بس

دايم تذكري انه هذي حياتج وانتي المسؤلة عنها وتصرفي على هالاساس

ولا تخافين ترى كلنا معاج وبندعيلج

تحياتي

انتبهي ما حد يقدر ياخد بنتك منك ترى محنا في غابه احنا في بلد ماشي بشرع الله وفيه قانون

قصدي على كل البلاد العربيه000لا يهددك ببنتك