ربح مضموون مية بالمية واكيد ما بتخسرين شيء لكل بنات بو ظبي والعين...

وينكم يا بنات ما تبغون تربحون والله الربح مضمون وصدقوني فلوسكم ما راح تضيع .....

شو السالفة ماتبغون تشتركون مب مشكله بس عالأقل رد واحد يبرد الخاطر !!!!!!!!!!!

اختي الفكره حلوه بس شذمنج ان البنات يدفعون عقب كل وحده ماتستلم الفلوس ؟؟

صدقج والله هالنقطة ما فكرت فيها بس اللي ترضى تاخذ فلوس غيرها وتاكلهم بالحرام الله

بيحاسبها ولو حنا ما نعرف هي وين ومنو الله يعرف عنها كل شي وما تروم تنجي عمرها من

عذابه وعقاب رب العالمين صح ...

شكرا أختى على الفكرة بس سبحان الله فى ناس يستلذون بأكل الحرام

الله يعينه اللي يرضى على عمره ياكل من مال حرام لا يستهين بعذاب جهنم ....

الله يعينه اللي يرضى على عمره ياكل من مال حرام لا يستهين بعذاب جهنم ....

انا عن نفسي ابا اشترك معاج حاسه انج وحده تخافين من رب العالمين لاني فعلا محتاجه حق الجمعيه

بس ان شاء الله ربي يساعدنا ونحصل بنات عندهم ثقه وخوف من رب العالمين قبل كل شي

والله الموفق

أنا بعد أبي أشترك بس إنتي من أي إمارة

أنا بعد أبي أشترك بس إنتي من أي إمارة بس ياليت البنات يكونون أقل لأن البنت اللي راح تستلم آخر شي راح
تنتظر سنتين وشهر حتى تستلم ولا شو رايكم

انتو من اي اماره ؟
انا ابا اشترك بس تعرفين فديتج الربح مش مضمون اول شي عددنا صغير ثاني شي مثل ماقالت يمكن وحده تنقع نذاله بساعتها نحن الخسرانين

أنا أفضل ان تكون الجمعية بين بنات من نفس الإمارة وكل وحدة تدفع أو تستلم توقع على ورقة تكون عند رئيسة الجمعية ورئيسة الجمعية يفضل يكون عندها صور جواز المشتركات ورقم تلفون بيت ومحمول كل وحدة منهن
والأفضل والأضمن تحديد عدد العضوات من البداية يعني 12 بالكثير عشان ماتنتظر الوحدة أكثر من سنة ويحدد المبلغ من البداية
(واذا كان عدد المشتركات في الجمعية 24 ومدة سنة تاخذ المبلغ مشتركتين كل شهر مثلاً عشان ما ينتظرن باقي المشتركات أكثر من سنة)
ويجب عدم قبول دخول أعضاء جدد إلا بعد انتهاء الدورة (يعني بعد ما يستلمن كل المشتركات المبلغ)
والأضمن كل وحدة توقع على ورقة فيها اسمها والمبلغ اللي تدفعه كل شهر محدد فيه المدة وعدد المشتركين وأسماءهن وفيه أنها تلتزم بالدفع كل شهر......
ويمكن إعطاء الأولية للمحتاجة أكثر مثلاً علاج أو تعليم وفي حال الخلاف اللجوء للقرعة وكل هذي الأشياء لازم تنكتب من البداية في عقد الإتفاق

هذا لضمان الحقوق

والمسألة مافيها ربح لأن اللي بتستلمه الوحدة عبارة عن مجموع اللي دفعته وبتدفعه خلال مدة الجمعية
يعني ممكن الوحدة تقول ليش أشترك من البداية في الجمعية اذا مافيها ربح؟
والجواب ان هذا عبارة عن سلفية بدون ربا... كل شهر سهل انج تدفعين 500 درهم مثلاً لكن اللي بيتجمعلج (12 مشتركة) 6000 درهم في الشهر اللي بيكون فيه دورج وتقدرين تتصرفين في هذا المبلغ في أي شي تبينه.. وما تردين هذا المبلغ على الجمعية لكن تستمرين بدفع 500 درهم فقط في مدة الجمعية

إذا في بنات حابات يشتركن في الجمعية من إمارة أبوظبي أنا على الإستعداد (ممكن تحددون المبلغ الشهري والمدة) ويكون تجمعنا مثلاً في نادي السيدات مثلاً

انا بعد ودي اشارك واخاف الله وايد ومستعده لاي ضمان للدفع

لو الجمعيه حق سنه او اقل احلى وربي احسن ما ننتظر سنين انا مستعده اشارك واي ضمان مطلوب مني مستعده

أميرة البحار:
أنا أفضل ان تكون الجمعية بين بنات من نفس الإمارة وكل وحدة تدفع أو تستلم توقع على ورقة تكون عند رئيسة الجمعية ورئيسة الجمعية يفضل يكون عندها صور جواز المشتركات ورقم تلفون بيت ومحمول كل وحدة منهن
والأفضل والأضمن تحديد عدد العضوات من البداية يعني 12 بالكثير عشان ماتنتظر الوحدة أكثر من سنة ويحدد المبلغ من البداية
(واذا كان عدد المشتركات في الجمعية 24 ومدة سنة تاخذ المبلغ مشتركتين كل شهر مثلاً عشان ما ينتظرن باقي المشتركات أكثر من سنة)
ويجب عدم قبول دخول أعضاء جدد إلا بعد انتهاء الدورة (يعني بعد ما يستلمن كل المشتركات المبلغ)
والأضمن كل وحدة توقع على ورقة فيها اسمها والمبلغ اللي تدفعه كل شهر محدد فيه المدة وعدد المشتركين وأسماءهن وفيه أنها تلتزم بالدفع كل شهر......
ويمكن إعطاء الأولية للمحتاجة أكثر مثلاً علاج أو تعليم وفي حال الخلاف اللجوء للقرعة وكل هذي الأشياء لازم تنكتب من البداية في عقد الإتفاق

هذا لضمان الحقوق

والمسألة مافيها ربح لأن اللي بتستلمه الوحدة عبارة عن مجموع اللي دفعته وبتدفعه خلال مدة الجمعية
يعني ممكن الوحدة تقول ليش أشترك من البداية في الجمعية اذا مافيها ربح؟
والجواب ان هذا عبارة عن سلفية بدون ربا... كل شهر سهل انج تدفعين 500 درهم مثلاً لكن اللي بيتجمعلج (12 مشتركة) 6000 درهم في الشهر اللي بيكون فيه دورج وتقدرين تتصرفين في هذا المبلغ في أي شي تبينه.. وما تردين هذا المبلغ على الجمعية لكن تستمرين بدفع 500 درهم فقط في مدة الجمعية

إذا في بنات حابات يشتركن في الجمعية من إمارة أبوظبي أنا على الإستعداد (ممكن تحددون المبلغ الشهري والمدة) ويكون تجمعنا مثلاً في نادي السيدات مثلاً

انا ابا اشارك معاج بس ياليت الجمعيه ما طول عن سنه بشترك 1000 درهم والله ولي التوفيق

الغاليه الجمعيه مفيده للي ما يقدرون يجمعون بروحهم ...

بس عندي لج نصيحه ...

خليها بينج وبين معارفج و أهلج أضمن لج والله ..

يعني عن طريق معارف النت أحس ما فيها ضمانات .. وأنا عن نفسي مستحيل أشارك بجمعيه ويا ناس ما أعرفهم شخصيا عشان ما أتعرض لمواقف لا تحمد عقباها ...

وربي يوفقج ...

حبوبة ..
لوقريتي أنا شو كاتبة عدل، أكيد بتغيرين رايج.. لأن طريقتي فيها ضمانات
وأنا عجبتني فكرة أم سيافي

حيرانه في اسمها..
وأنا ممكن أشارك ب1000درهم شهرياً ((جمعية عرايس بوظبي))
ياريت لونكمل 12 مشتركة لمدة سنة


وين أم سيافي صاحبة الفكرة؟؟
يلا وينكم بنات بوظبي!