زوجة أخويا سبب همومي.....

السلام وعليكم ورحمة الله وبركاته:
مرحبا أخواتي الحبيبات ....ترددت كثير قبل لا اكتب مشكلتي ولكني و سأعرض عليكم القصه وأريد منكن المشوره لان نفسيتي مره تعبانه وخايفه انه امرض او يسير لي شي من هذي المشكله وارجو الله أني ألاقي النصح الراحه ..
مشكلتي هي :مع زوجة اخويا بصراحه كنت اعتقد زمان ان اخت الزوج هي اللي تعمل مشاكل بس العكس وتكون الزوجه مستقويه على اهل زوجها سبحـــــــــــــــــــان الله
أخي متزوج من 3 سنين من قريبة لنا .. وهي كانت تعيش مع عائلتها في امريكا وبعد الزواج اتت لتعيش معنا هنا في السعودية وفي بدايه زواجها كانت علاقتها معنا جيده وكنت انا اقرب وحده لها وكنت انصحها كثير لانها وبحكم عادتها كانت مختلفه عنا فكان الكل ينتقدها سواء في اللبس أو أسلوبها و كنت دائما أحاول التقرب منها لانها لا لم تكن تعرف أحد في البداية رغم انها إجتماعيه والحق يقال انها كانت محبوبه من الكل رغم انتقادهم لها لان لها شخصية جريئه وبصراحه قليل من تتصف بهذه الشخصية في مجتمعاتنا المحافظه بحكم ان لنا عادات وتقاليد ورغم ذلك كانو يرونها منفتحه وذات شخصية جميله لانها لم تكن تكتم شي فبدو يرونها ككتاب مفتوح التي لاتكذب
وبعد ولادتها طفلها الاول بدأت تتغير طريقه معاملتها معنا لماذا لانعلم .. رغم اننا لانتدخل في امور حياتها مع زوجها ابدا وأصبحت تدريجيا لا تحب ان تتاتي لزيارتنا وإن جت تقعد زعلانه ومتضايقه وبدنا نشك في انفسنا وكل واحد يسال الثاني انه في احد مزعلها ولكنا والله كنا نعاملها مثل اخت لنا رغم عيوبها الكثيره فكانت تحب نقل الاخباروكانت تنقل لنا اخبار عن الكلام اللي ينقال علينا لانها وغير انها مهمله في بيتها وزوجها وحتى في ابنها ( تخيلو ابنها اللي عمره سنه ونصف كان لما يجي على بيتنا يدور على الاكل ويحلف اخويا انه كان يرجع من العمل ويلاقيها نايمه وولدها يبكي يبغى الاكل وكان يجيبو عندنا اكثر الاحيان عشان يلقى الرعايه بينا.. المهم مرت الايام وبدات أشك في الموضوع بس كنا دائما نلتمسلها العذر لانها حامل بالطفل الثاني ومتغربه من اهلها وماكنت ادري انها خبيثه إلين قبل أمس جت أنسانه أعزها قالت لي انها متكلمه علي من ورائ وانها مشوهه صورتي عند كل الناس اللي حولينا وعند عيلتنا وانا اصلا كنت في مصر لمده 3شهور وماادري بالسالفه بس كنت احس بتغير من ناحيتها وصرت اقول بس حسبي الله ونعم الوكيل من 3 ايام وانا ما ذقت طعم الراحه وعقلي يفكر فيها ياترى انا وش سويت انها تكرهني لهدرجه ومكرهه ناس فيني كمان عجيبه والله وحتى وانا هناك كنت اتصل عليها وماترفع السماعه احاول اعرف ايش في بس ماترد عليا ويوم رجعت كانت مسافره والحين بصراحه قلبي محروق يعني خيرا تعمل شرا تلقى..
والله يشهد على كلامي وانا صايمه اني حاسه اني خلاص ابغى انسى بس مش قادره واحس ان بداخلي لها كراهيه ماعمري كرهت احد مثلها والله احس انها جرحتني جرح عمري ماراح انساه وعمري ماراح اسامحها ومش قادره اكلم احد لاني من يوم مابد ا اتكلم اقعد ابكي مش متخيله
والله الشاهد ماكنا نعاملها الا بكل احترام ومااخدنا الا الشتايم وتشويه السمعه كانت تروح عند قريباتنا وتتكلم علينا وتقول علي اني كنت أطلع أسرار بيتها وأني كنت أتريق عليها من وراها وكلام كثير
وأصبحت تحتك كثير من المقربات الينا وأصبحت علاقتهم ببعض أكثر من علاقنا بهم
وكنت انا احذرها في التعامل مع بعض الناس اللي حوالينا ولكن قلبت علي انا وصارت تتامر معاهم ضدي وتوصل لهم كلام مو صحيح عني حسبي الله ونعم الوكيل حسبي الله على كل من ظلمني...أدعو لي يربي يصبرني و يفرج همي أمانه عليكم ....