ارجو الدخول

السلام عليكم ورحمة الله وبركاته

اشحاااااالكم شخباااااركم؟؟؟

اسمحولي من زمااااااااااااااااان مادشيت المنتدى لاني كنت وااااااااايد مشغولة بالكلية وغير هذا ان نفسيتي وايد تعبت من بعد ماعقيت


بخبركم سالفتي ويا الحمل:

مثل ماتعرفون ماعندي عيال حملت المرة الاولى بس الله ماراد ان هالحمل يكتمل والحمدالله على كل حال وحملت للمرة الثانية. سرت عيادة في الشارجة وكنت في الشهر الرابع وقالت لي الدكتورة كل شي عندج اوكي وبعد اسبوع نزل علي سائل لزج واتصلت للدكتورة وقالت لي ها شي طبيعي وبعد اسبوع نزل علي دم وسرت المستشفى وقالوا لي الرحم متوسع عندج والكيس طالع شوي يعني مافي امل ان الياهل يعيش والله ماتتخيلون شو استوالي واااااااايد اضايجت وصحت لان هاي المرة الثانية اني ماكمل حملي وانا فقدت الامل وعقب يوا خواتي وقالولي يمكن يعيش الياهل انتي ماتعرفين شو اللي الله كاتبه لج ونحن بنحولج مكان ثاني وردوا الامل فيني وقبل ما الياهل ينزل بيومين سارت بنت عمي عند الدكتورة وقالت لها نحن بنوديها مستشفى الوصل في دبي بس الدكتورة قالت لها ما شي فايدة لان نص الكيس طالع والياهل مستحيل يعيش لانه في الشهر الرابع ونص واذا مانزل اليوم بينزل باجر او اللي عقبه ونحن بنعطيها طلق صناعي عسب الياهل ينزل بس انا رفضت لاني كنت حاطة امل انه يعيش بس ياني نزيف ويت الدكتورة وقالت لازم طلق صناعي لان مب زين انج تمين جي يمكن الياهل يتيبس فبطنج وخضعت للامر ونزل الياهل بس اول مانزل كان يرتجف وعقب توفى وعقب 10 دقايق تقريبا زقروا امي ( نادوا ) وسارت امي وشافت الياهل ويابوه عندي سبحان الله طول طول قلم رصاص والاذن ماكانت مكتملة فيه. الحمدالله على كل حال يمكن هالشي خيرة لي والله يعوضني ويرزق كل محروم ومحرومة
بس تعرفون انا كل ما حد يزورني يقول لي انتي ما كنتي مهتمة وماكنتي ترتاحين .لو انا ماكنت ابى هالياهل يعيش جان ماتميت 4 شهور حامل فيه والله اني ترييت هالحمل بس الله ماراد هم مايفهمون كل شي بيد الله ليش يحطون اللوم علي.
وخاطري احمل بسرعة بس الدكتورة قالت لازم ماتحملين 3 شهور وانا ابى احمل بسرعة
لازم اصبر 3 شهور والا عادي احمل؟؟؟؟؟ اتمنى انكم تفيدوني الله يخليكم

اسمحولي عالاطالة بس والله وايد مضايجة وماحسس حد اني مضايجة وقبل ما ارقد فليل لازم اصيح لان هالياهل كان جزء مني .