تعالو اقولكم كيف استقبلت زوجي

بســـــــم الله الرحمن الرحــــيم
ماشــــــــــــــــــاء الله تبارك الرحمن
لا اله الا الله
الي تستفيد من موضوعي تدعي لي بالذريه الصالحه ولكم بالمثل من خيري الدنيا والاخره
رح اقولكم الفكره الي سويتها لما رجع زوجي من السفر وآآسفه ماصورت لان مااعرف
زوجي مسافر لمدينه ثانيه طبعا للشغل المهم الدوره هذي سته شهور ويجي احيانا كل اسبوعين
من اسبوعين كان ذكر زواجنا وجاء طبعا احنا متفقين اول انو يستقبله اخوه في المطار ويروح لبيت اهله يسلم على اهله ويتعشى ويجي يأخذني بس انا اتفقت مع اخوي يوديني لبيتي العصر علشان ارتب البيت وانظفه قبل يجي هو كانت رحلته 8العشاء انا رحت البيت العصر نظفت البيت وبخرته وعلقت لوحات استقبال عند باب الشقه وعند باب الصاله ووزعت الشموع والبلونات وغيرت المفرش ونثرت عليه الورد وجبت ورد طبيعي حطيته في فازه في غرفة الجلوس وكنت جايبه معي كيكه المارس من بيت الكيك وعصير وزينت الكاسات لبست وحطيت ميك اب حق سهره بس مو ثقيل لا وكثرت الاضاءه المهم ارسلت له مسج يمر البيت قبل يجي يأخذني يجب لي غرض ضروري المهم الساعه 10 دق علي يسألني عن مكان الغرض لانه بيجي يأخذني وهو قريب من بيتنا قلت له تلقاه في جلسة التلفزيون على طول انا طفيت الانوار وشغلت الفواحه والشموع والابجورات اول ما سعت صوت الباب اندسيت ورى الكنبه الا اسمع الضحكه وشوي دخل واطالعه الي يدورني في الغرف كلها دخل الجلسه وطلعت عى طول وكان جدااااااااا مبسوط جلسنا ناكل الكيك وقدمت هديته وقدم هديتي جاب لي تعليقه ذهب وانا جبت ساعه من سواتش ونظاره شمسيه الله يكمل حياتنا بالذريه الصالحه قولو آمين
بنات ابي منك خده زوجي خلاص خلصت دورته وراجع بعد يومين ابي افكار استقبله فيها غير الي سويتها ولكم مني كل الشكر