فكريتي إلي تنتظرونها لذكرى يوم زواجنا

حبايبي مثل ما وعدتكم اني بقولكم عن فكرتي يوم زواجنا طلعت تجنن بس للأسف ما اعرف انزل الصور
أول شئ قولوا بسم الله ماشاء الله ولا قوة إلا بالله الله يسعدنا نحن وأزواجنا جميعا ولا تنسون تدعولي
أولا: شئ فصلت فستان كلفني 520 درهم بس مش أي فستان فستان عروسه مع طرحه طلع يجنن حتى زوجي عجبه وقالي شكلج صج عروس.
ثانيا : شريت هديه قلم مع انه كان خاطري بالقران المطلي بالذهب كان خاطري اول هديه تكون قران
ثالثا: واحلا شئ حجزت سفينه خاصه لي ولزوجي بس محد معانا مع عشى وبوكيه ورد وما حبيت احط كيكه لان يوم ميلاد زوجي قريب
تجهيزا نهائيه:
سويت كل الاشياء الي تسويها العروس بالصالون عدا تشقير الجسم (حمام مغربي بالبيت – حف الجسم بالبيت- فيشل وبدكير ومنكير بالصالون – تشقري الوجه بالصالون – حنا بالصالون – شعر وتسريحه بالصالون )
الصبح نظفت الحجره وعطرت ملابسي وملابس زوجي وقميص النوم مال يوم زواجي بالدهن العود والمسك والعود مصدقه عمري عروس خخخخخخخخخخ وعلى فكره حهزت لزوجي دشداشه بيضاء وختره بيضاء وقلت له عندي موعد بالعياده نزلني الصالون ورجع المسكين ما يعرف انا شو مسويه
خذني عالصالون يوم طلعت قالي هاه عرفت شو السافه بس انا شطوره قلت له انا متعدله حق يوم بنرجع البيت والصالون بيسكر صدق بو الشباب رحنا السفينه واتفاجأ وايد ستانسنا مع انه السفينه مش راقيه وايد بس المهم التغيير
يوم رجعنا البيت عباله خلاص قفلت عليه باب غرفت التلفزون وخليته بلبسه الغتره والكندوره وانا مجهزه شريط العرس رحت بدلت لبست الفستان والطرحه ويوم فتحت البا ب قلت له شغل الفديو ودخلت ولا يتفاجا واااااايد عجبه وبعد عباله المسكين ما جبت له الهديه قلت له تعال نروح الغرفه الثانيه نتصور وبعد صدقني ولا الهديه عالسرير
اسمحولي عالاطاله بس جربوا ترى ريلي ما اتوقع الي سويته
وادعولي
أنتظر ردودكم عشان يوم ميلاد زوجي جريب وبعد عندي افكار شجعوني:shy: