ساعدووووووووووني ارجوكم طفرت والله

السلام عليكم


خواتي بدخل في الموضوع على طوووووووول

مشكلتي مع بنتي الكبيره

بعد شهر تكمل 7 سنين وهي حاليا في الصف الاول ابتدائي

وهي اكبر بنت عندي

ماشاء الله عليها شاطره في دراستها ربي يحفظها

وانا شاده عليها وايد من ناحية الدراسه

المشكله كل مااروح اسال عنها

كل المدرسات يشتكون منها

كثيرة الحركه في الفصل وتتكلم وتقطع الشرح في نصف الحصه

+

على طول تبي تروح التواليت عزكم الله او تشرب ماي>> مع العلم مطارتها معاها

بس لانها تبي تسوي اي شي ثاني غير الانتباه لشرح المعلمه

اسالهم عن دراستها جمييييييييييييييييييع المدرسات يقولون لي نفس الكلام

دراستها زينه لكنها كثيرة الحركه في الصف ومشاغبه

مع انها في البيت اذا عصبت عليها تخاف وتسكت

هي مو من النوع الي ممكن يضرب او يكسر او يخرب

بالعكس

شخصيتها قياديه وتحب البنات يسمعون كلامها يعني هي بتختار اللعبه عشان يلعبون مع بعض

ماعرف ليش طلعت جذي يمكن لانها ا لكبير وعندي بنتين اصغر منها وهي الي تختار شو بيلعبون مع بعض

والبنتين يوافقون

وطبقت هالشي مع باقي صديقاتها في المدرسه او غيره

لدرجه ان المعلمه مره قالت لي ان بنتي قامت تسحب البنات من مريول المدرسه عشان توقفهم في الطابور بكيفها هي

كلمتها وقلت الها انتي مالج دخل الي تبي توقف ورا او قدام على راحتهم لكنها ما تسمع الكلام

واذا صارت مشكله بين بنتين هي لازم تدخل بينهم وتروح مع وحده فيهم وتخبر المعلمه عن المشكله حتى لو كان ماالها دخل في هالمشكله تحشر نفسها من بينهم

ودايما تقولي البنات يسوون ازعاج في الفصل اذا ما جاتهم المعلمه وتحاول تسكتهم وما يسمعون الكلام اقولها بكيفهم تقولي انا رئيسة الفصل ولازم يسمعون كلامي ( رائدة الصف اختارت بنتي ووحده معاها عشان يكونون رئيسات للصف)

والله تعبتني وطلعت الشيب في راسي من اول سنه دراسيه :confused:

الله يعيني السنه الجايه شو بسوي اختها بتروح المدرسه معاها

مع العلم ان اختها شخصيتها ضعيفه وما لها دخل في اي شي

اذا حد قالها روحي بتروح واذا قالولها تعالي بترجع

ساعدوني ارجوكم

نفسيتي تعبت منها

والله حتى الضرب ضربتها وماشي فايده من هالشي

حاولت اكلمها بطيب ما نفع

قلت الها اذا ما شاغبتي في الحصه وقعدتي باذب راح اييب لج هديه وماشي فايده

قلت الها الشيطان يوسوس في راسج ويقولج لا تسمعين كلامي ماما وشاغبي في الصف لكن اذا وسوس على طول قولي اعوذ بالله من الشيطان وماراح تشاغبين مره ثانيه

رجعت اليوم الثاني تقولي الشيطان كان بيوسوس بس انا تعوذت من الشيطان وما شاغبت

اليوم الثالث نست الموضوع وشاغبت

اقولها الصبح قبل لا تروح بضربج اذا شاغبتي بسال المعلمه ويوم ترجع اقولها شاغبتي تقولي نسيت
اروح المدرسه تقولي المعلمه بنت مشاغبه وابد ما تجلس هاديه

وفي نص الشرح تقطع كلامي عشان تقولي فلانه خذت قلمي او كتابي


ساعدوني ارجوكم
:sad: