خواتي الغاليات شلونكم والله يقومكم بالسلامه وتفرحون بعيالكم والله يجعلهم من الذرية الصالحة
انا عندي مشكله بسيطة مع الحمل انا بالسادس الحين تقريبا اواخره ودايما اسمع ان النوم على جنب هو الافضل بس انا ارتاح وانا انا على ظهري؟؟عندي كذا سؤال
لان اول حمل لي ما عندي خبرة كلش قلت ما كو الا خواتي حبيباتي
1- نومه الظهر انا اطول فيها يمكن الليل كله وانا ما اتحرك ونايمه على ظهري ورافعة رجولي مثل المقص مو ممدتهم فهمتوني؟؟ هل خطرة على البيبي؟؟
2- النوم على جنب منو الافضل الايمن والا الايسر؟؟
3- اذا حابة اقلب من جنب الى جنب شلون الطريقة يقولون لي قومي واقعدي وبعدها اقلبي صراحة متعبة هالطريقة واحب اقلب وانا نايمه وممدة على الفراش
وشاكرة لكا من راح يرد علي ويساعدني
خواتي ساعدوني شلون انام؟؟
ا
02-05-2007 | 10:15 AM
ا
02-05-2007 | 10:49 AM
افضل نومة هي اتكون على جنب اليسار لانه البيبي يكون مايل لجهةاليمين عشان انه مايصير ضغط عليه وعشان اوردة الرحم بعد ما تنضغط بعد النوم على الظهر يقلل الأكسجين الواصل للجنين وبعد يضغط على الرحم لانه الثقل كله راح يكون عليه فأنصحك انك تنامين على الجهة اليسرى ومافيها شي لو تقلبتي ساعة يمين وساعة يسار ولو حتى نمتي اشوي على ظهرك عشان تريحيه بس ما تطولي
ا
02-05-2007 | 11:10 AM
الي سمعته ياأختيى أن النوم على الظهر موزين ..
وأنا كنت نفسج أفضل النوم على ظهري لما كنت حامل بس الدكتورة نصحتني اني أنام على الجنب اليمين وأحط تحت بطني مخدة بس موعاليه ,,,
والله يسهل يالغاليه وتولدين بسلامة وتبشرينا .. :smile:
وأنا كنت نفسج أفضل النوم على ظهري لما كنت حامل بس الدكتورة نصحتني اني أنام على الجنب اليمين وأحط تحت بطني مخدة بس موعاليه ,,,
والله يسهل يالغاليه وتولدين بسلامة وتبشرينا .. :smile:
ج
02-05-2007 | 11:34 AM
الاخوات ماقصروا حبيبتي ولاتطولي لما تنامي على ظهرك ونامي على الجنب الي يريحك لانو راحتك من راحته ولما تحبي تقلبي من جهه لجهه وانتي نايمه مو مشكله بس على مهلك وامسكي بطنك ولفي 00والله يسهلها علي وعليك
ا
02-05-2007 | 12:18 PM
و الله يا اختي انا الحين في الثامن و كنت عند الدكتورة من اسبوع و سالتها عن النومة قالت تنامين مثل ما تبين و ما في اي خطر على البيبي و بعد ما ادري
e
02-05-2007 | 02:24 PM
مره سالت الدكتورة عن الرقاااد وقالت لي البيبي روحه بيعلمج كيف ترقدين،، كنت مثلج ما احب ارقد الا على ظهري وايد ارتاح في هالوضعيه واذا انقلبت انقلب بدون ما ايلس،، بس بعدين حسيت اذا رقدت على ظهري قلبي بيوقف وفي شئ ضاغط عليه فبطلت ولما انقلب احس انه بطني يعورني فانجبرت اني ايلس وبعدين انقلب،، وظهر كلام الدكتورة صح
*
02-05-2007 | 02:39 PM
انا سمعت انه النومه على الظهر لمدة طويلة مب زينة على البيبي وعلى الحامل
بس شوفي الوضع اللي يريحج لكن لا تطولين عليه حاولي انج تغيرين وضعيتج كا ما تنبهتي
بس شوفي الوضع اللي يريحج لكن لا تطولين عليه حاولي انج تغيرين وضعيتج كا ما تنبهتي
s
02-05-2007 | 04:54 PM
الرقاد على الظهر يخلي الحبل السري يلتف على الجنين معلومة خذيتها من دكتورتي متخصصة في هالسوالف
حاولي ما تنامين على ظهرج انا لو انام على ظهري اموت يعورني خاصة لما حامل
الله يقومنا بالسلامة يا رب
حاولي ما تنامين على ظهرج انا لو انام على ظهري اموت يعورني خاصة لما حامل
الله يقومنا بالسلامة يا رب
ط
02-05-2007 | 08:50 PM
*~JeWeL~*:
انا سمعت انه النومه على الظهر لمدة طويلة مب زينة على البيبي وعلى الحامل
بس شوفي الوضع اللي يريحج لكن لا تطولين عليه حاولي انج تغيرين وضعيتج كا ما تنبهتي
م
02-05-2007 | 11:21 PM
نفس معاناتي لا وهالايام انام على بطني ساعات <<مسطوله المهم ياعزيزتي يفضل انك تنامين على الجنب اليسار والمفروض كلما بغيتي تتقلبين على الجهه الثانيه انه تقومين تقعدين وتنا مين على الجنب الثاني سالفه صح بس يله الله يعدي الايام على خير وتولدين وتنامين على الجنب اللي يريحج
ف
02-05-2007 | 11:26 PM
من الافضل النوم على الجنب الايمن كما وصانا الرسول صلى الله عليه و سلم
و ضعي مخده أسفل بطنك او بين رجليك و ستشعرين بالراحه
و ضعي مخده أسفل بطنك او بين رجليك و ستشعرين بالراحه