احد صار وياه مثلي !!!

مرحبا حبيباتي ...........والله هذي اول مشاركة لي:clap: .... واتمنى كل وحدة تدش ترد ولو رد بسيط علي يهدي نفسيتي شوي......انا صار وياي اول حمل السنة اللي طافت بعد ما تزوجت بشهر بس اجهضت ونزل علي دم واااااايد وكانت الالام شديدة جدا جدا كنت والله اتقلب بالبيت من الالم ....وبعدها بشهرين همن حملت واجهضت واهوا توه عمره اسابيع الجنين .......والحين صار لي سنة كااااااااااااملة ما حملت واحاتي وايد وايد الحمل الثاني بعد ما اجهضت الدكتورة منعتني من الحمل لمدة 6 شهور لان كان عندي انيميا حااااااادة واخذت ابر حديد كورس لمدة شهر وقعدت خمسة شهور مثل ما قالت وانا اتجنب احمل عشان يتحسن الدم عندي بس يوم بغيت الحمل ما صار !!!! صار لي الحين خمس شهور بالتمام والكمال ما قاعدة احمل اخذت كلوميدعشان ينشط البويضات ودوستينيكس لان كان عندي هرمون الحمل مرتفع حدددده من كثر التفكير والقلق والعصبية والبجي وحرق الاعصاب وما في فايدة......كل شهر اتخيل اني حامل واحلم بفرحة هالخبر وتجي الدورة الحمدلله على كل حال والله .........والحمدلله الذي لا يحمد على مكروه سواه........ حتى اليوم من لقافتي رحت سويت تحليل دم وانا منتظرة الدورة توها بتجيني يوم الجمعة بس قلت يمكن عندي حمل والله سويت تحليل الدم بس طلع ما عندي حمل !!!!!وبس طلعت النتيجة بطيتها بجي في المختبر احس اني بغيت اطيح غشيانة من الصدمة توقعت اني بفرح بالخبربس انصدمت !!!لاني من اسبوعين كله بس ابي انام واتعب من اي حركة ودقات قلبي احسها مرات بتوقف لانها سريعة جدا واقوم الفجر اصلي والله يكرمكم احس ان جبدي تلوع واحاول ارجع بس ماكو شي يطلع من بطني !!!!فكل هالاعراض وماكو حمل !!!!!!!!!!!ورديت ضايق خلقي على الاخر ....صار لي سنة الحين ما حملت ابدا بس قالت لي الدكتورة انها بتسوي لي اشعات وتحاليل وسوالف طويلة عريضة لو جاتني الدورة هالشهر .....مع اني والله للحين عندي امل اني اكون حامل هالشهر وانه التحليل يكون غلط ادعووووا لي وبدعيلكم.........

والله الغمزات والهمزات والضحك والتطنز يعور القلب .....وانا في وحدة حاسدتني اعرفها وما تبيني احمل تصير ام زوجة اخو وزجي وبنتها احملت وكل ما تشوفني بمكان تسمعني نغزات وضحكات استهزاء يعني شوفي بنتي احملت وانتي للحين ...وتخزني بنظرات احتقار من فوق لتحت يعني تراج ما حملتي وغيرج على بنتها بيولدون بعد جم شهر ...والضحكة الصفرا اللي تكون معووجة ...........كلما اشوفها بمكان ارد نفسيتي تعبانة وامووووووت من البجي .....والله اني ادعي لبنتها ان ربي يقومها بالسلامة وماني شايلة بقلبي عليها بالعكس اول ما احملت باركت لها من كل قلبي وقلت لها تدير بالها على نفسها وايد ما ردت علي ولا حتى قالت لي من ورا قلبها الفال لج .....ابدا طالعتني بنظرة والله ما راح انساها طول عمري نظرة من فووووووووق لتحت ووخرت ويها عني !!!!! ورغم هذااحس مرات اني احاتيها جنها اختي الصغيرة بس للاسف في ناس ما ادري اشفيهم ما عندهم ريحة الاحساس والحمة والحنان مووووولية!!!!....سامحوني طولت عليكم بس والله من حرقة قلبي .........الله يرزق كل اللي ما احملوا واللي يتمنون هالنعمة الله يرزقنا اجمعين قولوا امين :shy:
اتمنى الرد ..................

ما حيلتي ما سوي رقيق القلب والنية ولا ادري عن نواياهم؟؟؟؟؟:sad: