شو ممكن أسوي وياه .. بلييييز

السلام عليكم ورحمة الله وبركاته ..
اللله يغفر لكل من ترد علي وتساعدني .. او تلاقي لي حل عشان أنقذ خالي !!

بقولكم المشكله باختصار .. لأنها واااايد كبيرة مال خمس سنوات وكل يوم فيها حدث.

انا اعز خالي هذا وااااايد من بين كل خوالي و علاقتي فيه واااايد طيبه الحمدلله و تقريبا هو يقولي كل شي لأنه ما عنده حد بعد رب العالمين يشتكي له إلا أنا .. باختصااار ما يهون علي:shy:
وهو ما شاء الله عليه رجل خلوق وملتزم وطيب واااااااااايد " والمشكله في طيبته"
هو متزوج وعنده طفلين .. بس قبل الزواج كان يفكر انه يرتبط بوحده ملتزمه وخلوقه .. و خطبوا له أهله زوجته الحاليه وكانوا الناس يمدحوهااا ويقولون عنها انها واااايد خلوقه وملتزمه .. وبعد ما تزوج تفاجأ.. يعني ما شاء الله الحين من خمس سنوات ولا مرة ختمت القرآن >> تصوروا.

بقولكم عن حياتها وانا ما ودي اذمها ولا احتقرها و لا حتى أهينها بس هي الأساس ف المشكله .. يعني لو ما عرفتو الياي بتسألوني وين المشكله؟؟

اللمهم هذي الإنسانه مهمله بمعنى الكلمه لنفسها و زوجها وعيالها وبيتها .. بالمرة ما تكلم زوجها الا إذا احتاجت منه شي .. في البدايه كان يظن انها تستحي فصبر عليها وقال لها انه لازم تكلمه وجي عشان يحس انه متزوج وفي حد يهتم فيه .. >> ولكن لا حياة لمن تنادي

وما تعرف تطبخ ولا تنظف البيت ولا غيره .. فصبر عليها اكثر وكلمها ونصحها بالطيب ونفس الشي ما فاد فيها الكلام .. وبعد كذا حملت فقال يمكن الحين تتغير لأنها بتصير أم يمكن مشاعرها وتصرفاتها تتغير .. لكنها دمرت أكثر و أكثر ..


نصحها اكثر .. وبعد كذا كلم أهلها " أبوها " ،، لكن أبوها عصب وقال إذا ما تبيها طلقها .. قال لهم انا ما ابي لها الطلاق بس ابيكم تنصحوها وتعلموها واجباتها اللي لها واللي عليها .. وبعد كذا اتبع اساليب ثانيه معها لأن الكلام مع ابوها ما فاد .. و يابت المولود الأول لكنها ما زالت على اسلوبها واكثر .. فضربها الضرب الغير مبرح و بعد كذا هجرها في الفراش .. وهو الحمدلله اصلا موووول ما مقصر معها بشي .. يعني تسفير و سفرها و هدايا وياب لها وكلام زين وقالها لعل وعسى انها تغير في اسلوبها لكن ما شي نتيجة ..

وحملت مره ثانيه و زاد تقصيرها .. يعني اليهال شو ذنبهم وصخين والقمل تارس شعرهم وهم يحليلهم صغار " الكبير بعده ما كمل 4 سنوات" .. لكن ابوهم الحمدلله ما مقصرمعاهم ابدا.. ياب لأمهم الدوا عشان تعالجهم من القمل و غيره لكن هي ابدا ما تستخدمه ،، فقام يعالجهم بروحه يوم يقدر >> لأنه ما يشفهم الا بالويك اند

ويحليله ولده الصغير عنده مرض الكساح .. والدكتور قال لهم انه السبب سوء التغذيه ،، يعني حتى بأكلهم ما تهتم ..

بعد ما كملوا 4 سنوات من الزواج وخلاص مل من كل الطرق اللي ممكن تغيرها ،، لأنه اتبع معها كل الأساليب وهي ولا فايده منها .. قام طلقها ،، ولكن ظل متضااايق لأنه وااااايد يحب عياله وما يريدهم يتربوا بعيد عنه وفوق هذا الناس كثير اتهموا انه هو المهمل وانه هو المقصر في حق زوجته ..

فتمت شهر و بعد كذا رجعها لأنه شاف اإهماااال لعياله واااايد .. يعني هو اللي واقف ع راسها عشان تتهتم شوي ..

المسكين هو بعده شاب والشيب تاارس شعره من الضيق والتفكير ،، ما عارف شو يسوي ؟؟
و فوق هذا كل ما يرجع بيته يوم الخميس يصدع راسه واااايد لدرجة انه ما يقدر يقوم عن الفراش و يتم يومين او ثلاث ع هالحال !!

و المؤسف في الأمر انه كان ما خذنها عشان يتعاون هو وياها ع الدين .. لكن حياته انقلبت صح انه الحمدلله محافظ ع صلاته لكن ابتعد عن حضور المحاضرات وسمعها،، ريال بلحيته مطوع اللي يقدر يسويه في حياته بس الصلاة...
والحين هو مريض صار له سنه تقريبا .. صح انه المرض بإيد الله لكن انا اكيد المرض النفسي والضيق هو اللي سبب له مرض عضوي ..

سااعدوني شو ممكن اسويه ،، بحيث انه يرد لطبيعته ولحياة الاستقامهوالصلاح عشان يرتاح .. او حتى اخلي حرمته تعدل اسلوبها .. ويرضى عليها زوجها..



و جزا الله كل وحدة ترد علي وتساعدني الخير