ما اقدر اتحمل اكثر

بسم الله الرحمن الرحيم
السلام عليكم ورحمة الله تعالى وبركاته
بنات اكيد انتو تعرفوني وسبق وقلت لكم مشاكلي وانا مالي احد غيركم والله ان كلامكم يريح البال ويشفي الخاطر علشان جذي اقول لكم
لكن ابي اقول لكم شي واستحلفكم بالله تقولولي اذا هذا الشي يرضي رب العالمين والبشر ؟؟؟
خواتي انا اختي الكبيره عمرها 41 واحد واربعين سنه اختي بالنسبه لي القدوه وتعتبر هي اللي ربتني واختي من النوع الهادي وانسانه ملتزمه واقرآن ما يفارق كفوفها من كم يوم ابوي تخانق معاها ويا ليت على شي هي غلطانه فيه تخيلوا يا بنات انه على علاجها اوبي جاب لها علاجها مع انها كانت رايحه هي تجيبه لكنها ضيعت المستشفى لانها بعيده شوي والجو يومها كان غبار فرجعت للبيت وقال لها ابوي انا اجيبه هي رفضت وقالت لا انا بجيبه بس يوم ثاني لانها تعرف اوبي من النوع اللي اذا سوا لنا شي يقعد يعايرنا فيه ثاني يوم المهم راح جابه لها ولما شافته قالتله يبا هذا مو علاجي انت جايبه غلط والله انها تحلف بصلاتها وتقول اني ما قلت له غير هالكلمه تدرون شنو رد عليها قال لها ((( انتي مو شريفه ))) والله العظيم يا بنات يعني بنت وبهالعمر والبنت الكبيره تسمع من ابوها هالكلام وعلشان علاجها يعني يا ليت هي غلطانه بشي علاج ! واحنا بس بنتين بالبيت ولا عندنا اخوان ولا خوات وامي ولا تحرك ساكن ودايما لا تتدخل وتزيد النار حطب بدل ما تصالحنا ويا بعض لا تفرقنا ودايما تقول كلمتها المعهوده فرق تسد ... شفتو يا بنات وامي مكرهه ابوي فينا صاير يكرهنا مع ان احنا بنات ما نطلع وهاديات والكل يشوفنا يقول لامي الله ما اعطاكي الولد لكنه اعطاكي بنات مثل القمر ينحطون عالجرح يطيب والله ان احنا بنات خايفين ربنا وبارين بأهلنا لكن ليش يعاملونا جذ يابنات لا تقولون تحملو لأني والله بذبح نفسي من كثر ما تحملت اناو اختي والمشكله الاكبر ان ابوي وامي قاطعيننا عن اهلنا تخيلو يجي العيد ولا احد يجينا ولا حتى يدق التلفون يبارك لنا نمرض وندخل مستشفيات بالاشهر ونعمل عمليات محد يدري عننا والله ان اختي تقول بكرا لا سمح الله لو توفى ابوي والا امي بعد عمر طويل والموت حق علينا من بياخذهم للمقبره ؟ن بيحضر العزا ؟ من بيصلي عليهم ؟؟؟؟ من ؟؟؟؟ امي اقطعتنا عن العالم وابوي قعد سنسن وهو يعقد فينا ويخبينا عن الناس وحتى اذا تقدم لنا واحد يطلعون فيه ألف عيب وانا امي من سنتين اجبرتني على انسان حقير والله ما يستاهلني انسان قذر حرام تنقال فيه كلمه انسان واجبرتني اني اتزوجه وملك علي لكن الحمدلله انا صارت مشاكل وبالغصب تطلقت لكن من غير دخول والحين لما اقول لها يمه حرام عليج الله سويتيه فيني ليش تجبريني ؟ تقول يووووه انتي اذيتينا وبعدين السالفه اخلصت من زمان ودايما تعايرني انا واختي وتقول عن اختي يالعجوز يالمخرفه يا الصمخه لان اختي اذنها كانت مسويه فيها عمليه من كانت صغيره استغفر الله العلي العظيم يا رب