للعظة والعبرة ...اربيعتي متحطمة من الحب الأولي (دعواتكم لها بالهداية والمغفرة)

مرحبا لكل عروس في منتدى عروس ...

اليوم راح أقولكم قصة وحدة من أعز صديقاتي ورفيجة عمري قصة أتمنى الكل يستفيد ويتعض أتمنى من إدارة المنتدى ماتحذف موضوعي لأنه في الفائدة لكل البنات


اندش في الموضوع صديقتي قبل سنة كانت مشتركة في هالمنتدى وطرحت مشكلتها اللي هو الحب الأول طبعا من ذاك اليوم مادخلت المنتدى لأنها اتزوجت وعندها بيبي مثل العسل الله يحفظة قبل مشكلتها كانت إنها اتحب واحد حب غييييييييييييييييير طبيعي الشخص هذا عمرة ما لمحلها بحبة بس دااايما لما يشوفها ايعاملها غير كانت تتصل فيه بين فترة والثانية علاقتهم استمرت 9 سنوات ولما عرف إنها انخطبت حاول يرجع لها ورجعته لحياتها وظلت اتحارب خطيبها وتطلب الإنفصال عنه عشان ترجع للأولي خطيبها صابته حمه وقطعها عشر أيام لجل اتفكر وهي داقة حب وغرامات مع الحب إكتشفت إن إختها السبب في فراقها عن الأولي كانت تنقله كلام ماصار وتنقلها كلام ثاني ما نقال واجهة إختها واكتشفت إن إختها سوت هالشي عشان اتكون هي القريبة من أخو الحب وعشان ماينكشف فضايح الإخت عند الأخو المهم سألته سؤال هل إذا انفصلت عن خطيبي بتخطبني رد عليها يمكن هي يمكن لأ انهارت وبعدت عنه ورجعت لخطيبها اللي استانس واااايد بردتها بعد فترة عرفت إنه الحب خطب وكان باقي ع ملجتها شهر إتصلت اتباركله وهي متحطمة أكتشفت إنه خذاه جذي يعني أمي إخطبيلي وبس ماكان متحمس لما سألته عن سبب لامباليته قالها بعدين بتحمس عرفت إنه سوة جذي عشان يقهرها ...مرت الشهور وكل واحد فيهم ملج عرفت من أمها إنه تندم وتمنى لو كان ماخذها اهي ع الأقل كانت اتحبه فرحت حست إنها انتصرت عليه ولما اتزوجت عرسها كان تحفة فوق الخيال طبعا هذا بفضل منتدى عروس ونصايحهم وسافرت مع زوجها ماليزيا تخيلو زوجها المسكين ماقدر يلمسها يعني ظلت عذراااااااء لين يوم ولادتها (عاد المزوجات يفهمون قصدي)زوجها المسكين تحمل وااااااايد فترة وحامها كره حياته تخيلو إنها لما كانت بالشهر الثاني كلمت الحب خلنا انقول الذيب وااايد أحسن كلمته بالتلفون وهو الذيب بدل مايمنعها من هالشي يكلمها وظل يقولها كل من إختج خربت علينا وإنتي ماصبرتي وانتي وانتي ومن هالكلام صارت تكره زوجها وتسوي أي مشكلة عشان ماتردله وبعد فترة صار شي بينهم وهدوا بعض رجعت كلمته وهي بالشهر الرابع تخيلوا شو سوت تواعدو بس كيف؟ أمه كانت امرقدة في مستشفى تبعد عن المنطقة اللي هي فيها ساعة قالت لريلها ايوصلها هناك في المستشفى عشان اتشوف الحرمة وشافت الذيب هناك والأم تدري إشقد اربيعتي اتحب ولدها مامنعتهم بالعكس قاعدة اتقولها ليش قاعدة ابعيد تعالي اهني إمخلية ريلها المسكين تحت في الحر لما نزلت حست بمحبة غريبة لزوجها قعدت ي السيارة تحضنه وتسمعه كلام حب ....غريبة ... المهم عقب يومين قام ايطنشها الذيب ويقولها بتصل فيج ومايتصل ردت تركته ورجعت اتكلمه في الشهر الثامن اسبوع وتركته وقامت اطرشله مسجات تمدح ريلها وذم فيه وهو الذيب إمطنش تركته وظلت مع ريلها أحلى من العسل كانت تزعل يوم اتشوف ريلها زعلان كانت اتعرف إنه مافي أحد أحسن من ريلها بس القلب ومايريد عقلها يقولها زوجي حبيبي وقلبها يقولها لأ الذيب وقت ولادتها زوجها وق معاها وقفة مافي ريال بيوقفها حتى في غرفة الولادة كان معاها يدلك ظهرها عشان ماتحس بالعوق وظل معاها لين ماربت ويابت ولد يجنن اللي يشوفه يقول أجنبي من جماله أشقر وعينه خضر مع إنه أمه وأبوه إماراتيين فترة النفاس كانت مضايقة عشان الذيب مابارلها بولادتها ظلت إطرشله مسجات وهو مو معبر بعد شهر من ولادتها إكتشفت إنه حرمته حامل طرشتلة مسج اتباركلة وهي ميتة من القهر
لما كان ولدها عمره 4 شهور انتهزت فرصة سفر زوجها مع زوجي للدراسة ورجعت إتصلت فيه طبعا هو بعد كان امسافر وبعد رجع ايكلمها بس هالمرة صار أحسن من أي مرة فكرت اتسافرله عساس ترجع في نفس اليوم مجرد اتشوفه وترجع لكا ماحصلت طيران روحة ورجعة في نفس اليوم فتحة سالفة الطلاق مع زوجها وانها ماتباه وزوجها رفض وظلت ع علاقة مع الذيب ألين يا اليوم اللي اتصلت فيه إختها وقالت لها إنتي بعدج اتكلمين فلان وهي اتحاول تجذب عليها عرفت إنه إختها خذت موبايلها وفتشت فيه وجافت أرقامه ومسجاته انهارت اربيعتي وقالت لأختها إنتي فرقتينا أكثرر من مرة قبل ومستحيل راح اتفرقينا هالمرة بندت عن إختها واتصلت فيه وخبرته اللي صار تخيلو شو رد عليها قالها أنا ماريد مشاكل وكفاية المشاكل اللي عندي بليز لاتتصلين فيني أحسن وكفاية اللي سمعته عنج انهارت قامت تترجاه إنه مايتركها لكن مندون فايدة كل ماتتصل فيه مايرد عليها كعادتها اطرشله مسجات سب كتبتله إت لايمكن اتعيشني العيشة اللي امعيشني إياها زوجي في نفس اليوم بالليل اتصلت أمه فيها تسأل شو اللي صار عرفت إرفيجتي إنه إختها اتصلت في أمه وقالت لها الذيب يبى إختي تتطلق وهي كل ماتكلمة اتصير مشاكل بينها وبين زوجها بليز كلميه انه مايكلمها طبعا هي سوت جذي عشان أخو الذيب مايقول إختج ......... وماراح يتقدملها ..سارت أم الذيب إتقوله لاتكلمها مرةثانية ‘ربيعتي شايفة إنه أنه كانت تتلاعب بعواطفها من البداية هي اللي عرفتهم ع بعض وهي اللي قربتها من ولدها ولما صارت مشاكل بينهم مابغت اربيعتي لولدها ويوم خطب وملج قالت ياليته خذ اربيعتي لأنها إكتشفت إنه اللي ماخذها ولدها الذيب إنسانه مغرورة ومشية الولد ع هواها وكله تتدعي إنها مريضة عشان الذيب يهتم فيها اربيعتي هدته وطرشت مسج لزوجها تعتذر عن كل اللي صار بينهم وانها راح تتغير للأحسن وفعلا اتغيرت وزوجها مستانس معاها لكن.....في قلبها حزن يهد اجبال ماعادت تضحك صابتها أمراض وشاكين إن فيها السكري وأهملت ولدها وكل عايشة ابعالم ثاني مستحييييييييييييل مايمر يوم ماتدعي عليه هو وأمه وإختها اللي لين هالساعة مايتكلمون لما أقعد معاها أحس في داخلها زعل كبيييييييييير لدرجة إنها صارت تدعي ع الجنين اللي في بطن زوجة الذيب وبعدين تستغفر الله مافي شي نساها الذيب ولا أي شي لين هاللحظة ...

الله أنعم عليها بزوج جميل ووسيم وأخلاقة عاااالية لوتبى لبن العصفور بيبه لها وولدها ماشالله عليه تبارك الرحمن مو ناقصها شي وهي عارفة كل هذا وتحمد الله وتدعي الله انه يحببها بزوجها ويكرهها بالذيب لكن مافي فايدة هي ماتبى إطلعه من راسها وتفكيرها وقلبها وحياتها
ورغم كل اللي تملكة يظل هالحب المخيف عقبه في طريج حياتها ع فكرة أخوها متزوج وحرمته أتمووووووووووووت فيه قامت اتصيبها غيرة ليش هذي اتحب زوجها وهي ماتقدر اتحس ناحية زوجها بأي مشاعر اربيعتي تغيرت وااااااااايد بنات اللي يقدر يساعدها يخبرني اللي دارسة علم نس اتكلمني أنا ودي أساعدها لأني أخاف ايصير فيها شي البنت بتنهار والله العظيم البنت حالتها صعبة واااااااااااااااايد الله يكون في عونها ياااااااااااااااااااارب ويساعدها ع تخطي الأزمة



هذي هي قصة اربيعتي اللي ماقدرت تنسى هاالحب رغم كل ماتملكة ,,,تخيلو لو هالشخص مانوجد كيف بتكون حياتها مع زوجها عسل في عسل الشي هذا وقف ي طريق سعادتها وسبب لها التعاسة


المغزى من ورا هالقصة

يابنات انتوا دانه لاتخلون هالحثالة يجذبون عليكم بأي طريقة سواء كنتي متزوجة أو فتاة لأنج عمرج مارح اتكونين للشخص اللي كلمتيه فبالتالي أبركلج تبتعدين أحسن ماتتعلقين في شخص وعشان تنسينه تتزوجين وتعيشين في كدر لأنج بعدج اتحبين وفي النهاية المظلوم هو زوجج وعيالج

يابنات أدري إن القصة ماتشرف بس هي غلطة ومعترفة بغلطها تترجاكم إنكم تتدعولها في كل صلاة لأنها محتاجة لدعواتكم ,,,,,اللهم بلغت اللهم فاشهد
أدعولها إنه الله يهديها ويحببها في زوجها

واسمحولي ع الإطالة
تحياتي للجميع