جهاز ليزر لازالة الشعر للاستخدام الشخصي والمنزلي .. !

تكلمة الموضوع


من يوم ما شفت الجهاز وانا ابي اخذه بس مادري هو تماااااااااام شغله ولا شلون؟؟


رحت النت ودورت عليه حصلت انوااااااااع واشكااااااال


من اجهزة ازالة الشعر بالليزر وايضا بالـ electrolysis


وطرق ثانية كثيرة .. اجهزة الليزر اللي حصلتهم في النت كانت متفاوتة في الاحجام


والاسعار تفاوت كبير من 140 الى 700 الى اللي يصل سعره للالاف

هذا مثلا





وسعره 700 ريال

وانا اكتب الموضوع قاعدة على ادور على اشكال ثانية من الجهاز


حصلت منه ينباع في تسكو ( تسكو هي الجمعية اللي دايما نروح لها )



وكل هالانواع يوصولن الجهاز للبيت والشراء عن الطريق النت

ثمن ( يعني بعدين) رحت محل بوووتس Booots


وسالتهم قالوا لي كان موجود عندنا بس وقفناه ( سبحان الله يوم انا بغيته وقفوه)


بس عندهم واحد ثاني يزيل الشعر بالـ electrolysis


هو تقريبا نفس الليزر يساعد في التخلص من الشعر تخلص نهائي


لكن مشكلته ان يشيل الشعر حبة حبة وكان سعره خيالي في بوتز 140 ريال تقريبا

هذه صورة الجهاز الصورة السابقة كان فيها صور تبين طريقة الاستخدام بس لان فيها صورة وحدة ( حرمة , فتاة )

بسم الله الرحمن الرحيم


السلام عليكم ورحمة الله وبركاته



مستانسة على ردووووووودكم :)



كتبت الموضوع أبي أسأل وين احصل الجهاز في محل ثاني غير ارجوس


Argos هو محل في بريطانيا مشهوووووووور


طيب؟؟ انا كنت ابي اسألكم وين احصله



وانا اكتب الموضوع حصلت في النت انه ينباع في تسكو Tesco


وتسكو هذا دايما نروحه هو عبارة عن جمعية بعد مشهووووووور في بريطانيا



هو موجود في بريطانيا بس ممكن تطلبونه عن طريق النت

هذا شكله



سعره ب 1400 ريال


في هالرابط تحصلون انواع واشكال منه

http://go.3roos.com/fvXuxWwKDFW

]وكلهم ينباعون عن طريق الانترنت


بحاول احط معلومات اكثر ان شاء الله

مثل ما قلت في انواع واشكال وباسعار مختلفة


يعني اللي شفته في ارجوس كان ب 700 ريال مع انه نفس الشكل


حتى في موقع ثاني حصلت اثنين نفس الشكل بس واحد ب 700 وواحد 1400


طيب نكمل


هذا مكتوب في الموقع انه مصمم للاستعمال المنزلي


ما اقدر احط صورته لان مع صورة الجهاز صورة الحرمة وهي تستعمله


وهذا غير مسمووووووح في المنتدى بس من الصورة يبين ان استعماله سهل


شوفوه على هالرابط الصور موجودة والمعلومات بعد موجودة


((يمنع وضع الروابط على العام))
مشرفة الركن

هذا يشيل الشعر حبة حبة .. ولازم اكثر من جلسة عشان يختفي الشعر نهائي


ولا يصلح لذو البشرة ابلافروكاريبيان اللي هم اصحاب البشرة السمراء


يمكن استخدامه لجميع مناطق الجسم لكن تجنب المنطقة حول الحلمة


ومناطق الوشم ( لانهم يسون وشم ) ومناطق المكياج الدائم ( اتوقع يقصدون

اللي سولها عمليات تجميل مثل اللي يحددون الشفايف تحديد دائم .. اتوقع )

لا تعرضون المنطقة للعلاج اكثر من مرة في الجلسة الوحدة


يعني لازم تريحون المنطقة بعد العلاج والا تصير المنطقة حمرة وتنتفخ

عدد الجلسات اللي يحتاجها الشعر حتى يتم التخلص منه نهائي حوالي خمس او

ست جلسات وتختلف من شخص الى اخر ومن منطقة في الجسم الى منطقة اخرى

يعني ناس يحتاجون اقل وناس اكثر

بارسل الرد وباكمل اخاف اللي كتبته ينمسح ويضيع تعبي بعدين مالي بارض اعيده

هلا وغلا ام غلا


مادري هو نفسه الليزر ولا غير بس اتوقع الذبذبات هو اللي حصلته اول مة وانا سميته موجات


اهم شي انه يخفف الشعر وفي النهاية يمحيه من الوجووووووووود سواء ليزر ولا ذبذبات ولا موجات


طيب نكمل تفاصيل هالجهاز


ملاحظة هالمعلومات نفسها في معظم الاجهزة


يعني اقرا عن كذا جهاز وكلهم تقريبا نفس الكلام من طريقة الاستعمال والاعراض الجانبية


وغيرها طبعا اللي يقصدونه بالاعراض الجانبية الاحمرار والانتفاخ الموضعي البسيط المؤقت





يقولج قبل لا تستملين هالجهاز لا تحفين بالحلاوة او الملقط 4 شهور لكن موس مب مشكلة


اهم شي الشعر يكون طالع موجود في الجذور



بعد الاستعمال سيكون هناك احمرار خفيف والجهاز غير مؤلم ( هم يقولون الموقع يعني )


الا من شعور بالوخز مثل وخز الابرة هذا طبعا مع الاستعمال الصحيح للجهاز


مب اللي تروح وترجع على الشعرة كذا مرة بنفس الوقت وما تبيها تحرقها


بعد الاستعمال تجنبي التعرض للشمس لمدة اسبوع الا بكريم واقي من الشمس

تجنبي كريمات التقشير والمنظفات القوية

تجنبي السباحة بماء الكلور ( اتوقع ان الدوحة ماينا فيه كلور ) والسباحة بماء ساخن بعد الاستعمال لمدة 48 ساعة


لان الكلور في الماء ممكن يسبب حكة


وتجنبي مزيل اعلرق لمدة يومين او ثلاث اذا كنتي استعملتي الجهاز فهالمنطقة


بعد استعمال الجهاز حافظي على نظافة المنطقة ( طبعا انتي محافظة على نظافتها دايما وابدا ان شاء الله )


الاحمرار والانتفاخ اللي يظهر بعد استعمال جهاز يستمر لمدة 24 ساعة ثم يختفي


الجهاز يصلح للبشرة الحساسة لان الجهاز يعمل على الشعرة وليس البشرة او الجلد


يمكنك استعمال الجهاز مرة ثانية على نفس المنطقة بعد 24 ساعة اذا اختفى الاحمرار والالم


يمكنك ازالة الشعر بالموس او الـ epilator اللي هو جهاز براون


نظام الامان في الجهاز :

مفتاح امان ( يمكن انه مفتاح يقفل الجهاز) وقوة الليزر امنة للشعر

والليزر موجه للشعرة وليس للجلد وكذا شي ما فهمتهم

هذا اللي موجود في تسكووو





وسعره 1400 وميزته انه عندة طريقتين


طريقة شيل الشعر شعرة شعرة يعني حبة حبة نفس اللي سبق


وطريقة تمررين الجهاز على المنطقة ويشيل الشعر على المنطقة يعني بكمية


وهو ينفع للمناطق مثل الارجل والايدي يعني اريح وافضل


وطريقة الاستعمال والاثار الجانبية وكل اللي ذكرته في الجهاز السابق تقريبا نفسه ينطبق على هالجهاز


وعلى معظم الاجهزة الثانية .. قريت المعلومات الخاصة باكثر من جهاز والمعلومات كانت متشابهة

بسم الله الرحمن الرحيم


السلام عليكم ورحمة الله وبركاته


وانا اقرا الموضوع مرة ثانية اكتشفت اخطاء مطبعية غيرت المعنى والمعلومة


ذكرت انج ماتحفين بالحلاوة لمدة 4 شهور قبل العلاج هو المفروض 4 اسابيع


اهم شي الشعرة تكون موجودة وقت استخدام الجهاز


وكتبت ان الماء يسبب حكة .. ماء المضاف له الكلور هو اللي يسبب حكة للمنطقة المعالجة




جزاج الله خير بيااااااااااان والله يسعدج ويوفقج دنيا واخرة ويرزقج الفردوس


صحيح اللي تعاني من مشاكل في الهرمونات الافضل لها انها تعالجها


لان الهرمونات الملخبطة تؤثر على اكثر من مجرد شعر في الجسم


اما بالنسبة للجهاز فهم ذاكرين في الموقع ان اللي عندها مشكلة في الهرمونات


العلاج ممكن يطول معاها اكثر وتحتاج لجلسات اكثر يمكن هم قصدهم بعد

ما تضبط من هرموناتها وتتفرغ حق الشعر



الضوء الله يحفظج ويحفظ بشرتج من الكي والحرق

الموقع يقول ( انا مالي خص ) هم يقولون ان امن ونسبة الليزر اللي فيه آمنة


واذا اتبعتي التعليمات ما بتضرين نفسج ان شاء الله


ترى انا ما استعملت الجهاز ولا جربته فما اقدر انصحكم فيه


انا حطيت الموضوع ابي اسال اذا في احد جربه؟؟ وينصحنا فيه ولا لا؟؟


مع اني اتوقع ان بعد فترة بيصير مثل جهاز براون موجود في كل بيت


والكل يعرف يستخدمه (( ترى الموضوع مليان اخطاء املائية لاني شايلة بنتي في حضني


وانا اكتب الموضوع مرة بصبع ومرة بصبعين فاعذرووووووووونا ))


وجزااااااااااااكم الله ورزقكم الفدوس الاعلى

اللهم اغفر لامي واخي وجميع موتى المسلمين