* * * سؤال لطلبه العلم ... بخصوص الحـــجــــامه * * *

3

3asoolah

عروس رائعة

28-04-2007 | 08:44 PM

السلام عليكم ورحمه الله و بركاته ..

عندي استفسار عن شي .. و من فتره محيرني ..

و قلت بسألكم .. يا ليت القا اجابه عندكم ..

وراح اطرح موضوعي بالتفصيل الممل .. عشان توضح الأمور :)

الوالده الله يحفظها تعاني من االام فالظهر والرجل و صداع ..

كثير نصحوها بالحجامه .. لما فيها من فوائد ..

وماكنا نعرف احد يسوي الحجامه

.. ووحده من قريباتنا يزاها الله الف خير .. دلتنا على وحده..

وقالت انها دارسه طب نبوي .. و وتقيه و فاهمه في امور الدين..

واتصلنا عليها و سوينا موعد معاها ..

اول ما جت .. دقينا سوالف معاها .. و كانت اتكلمنا عن دراستها

و قالت انها حافظه للقران كامل .. و انها درست في معهد ........

و تمارس هالشغله (الحجامه ) عشان تصرف على عايلتها .. مع انها وايد متضرره هيه و عيالها ..

قلتلها ليش ؟؟ و كيف متضررره ؟؟ قالت .. الجن دايما يهددووني و يهددوون عيالي ..

استغربت انا .. قلت شو دخل الجن ؟؟ المهم قااالت كلاام وااايد و قصص مالها اخر ..

عن الجن .. و عن المواقف اللي صارتلها .. ... ألخ ..

بصراحه وقتها كنت وايد مرتاحه لها .. بعدين حجمت للوالده ..

وبعدين يا دور اختي .. (لانها تعاني من الام فظهرها )

سوتلها .. وهيه تسويلها .. قالتلها انتي عندج 3 اخوان صح ؟؟

قالتلها اختي صح .. قالتلها .. شو ترتيبج من بين اخوانج كلهم ؟؟ و اختي جاوبتها ..

بعدين قالتلها .. يييييييي ميين هاد ابو كرش ؟؟ اختي استغربت !!!

قالتلها ابو كرش !!! قالتلها ايه مين ابو كرش .. زوجك ولا اخوكي ولا ابوكي ..

اختي ما فهمت عليها .. قالت .. مين عنده بطن كبيره من اهلج ( ماشالله ) قالتلها الوالد .. ليش ..

قالت .. بتحبييه كتييير .. صح .. قالت اكيد ..

و قالتلها اهو زعلان منج .. صح ..

قالت صح ..

و قاااالت اشيااااء واااايد خااصه .. يعني محد يعرفها ..

و قالتلها انتي فيج عين ..

وعطتها كم معلومه عن اختي اللي اكبر عنها .. وهي ماكانت موجوده وقتها ..

المهم .. انا و اختي .. استغرررربنا ..

ووقتها كانت تتكلم ان الحجامه تنفع حتى للأمراض الجلديه ..

وقلت انا فيني بقعه لونها غامق .. و من قريب طلعتلي ..

قلت بسألها .. عنها .. يوم شافتها .. قالتلي هذا مس .. اعوذ بالله من الشيطان ..

و تقولي جني ظربج .. و علمت .. و و و و الخ ..

مع اني اخاف من هالسوالف .. بس وقتها ابـــد ماخفت .. بس صدقتها

و نصحتني اني احجم ..

وقلتلها ان شالله مره ثانيه .. لاني انا كنت ناويه اصلا احجم .. بس قلت اشوف اذا نفع مع اختي بسوي

يعني مو عشان البقعه ولا شي .. لاني اعاني من الام معينه ..

المهم .. قبل تطلع .. قالتلي .. لاااازم تحجمين ..

ترا الجن و الشياطين بيوسوولج و بيقوولوولج لا تحجمين ..

قلتلها لا لا ان شالله الاثنين الجاي بتصل عليج ..

المهم .. قبل ارقد .. فجأه حسيت اني مو مرتاحه لها ..

قلت كيـــف تعرف ؟؟ ليش ما تكون عرااافه استغفر الله .. .. ان بعض الظن اثم ..

بعدين اتذكرت كلامها ..يوم تقول ترا الشيطان و الجن بيوسوسولج .. وتعوذت من الشيطان

بعد كم يوم .. قلت للوالده بسوي الحجامه ..

قالت اوكي .. بس شوفي حد ثاني غير ام ...... لاني ابد ما ارتحتلها ..

وسألنا .. و دلووونا على وحده بعيـــده عن منطقتنا ..

ورحنالها .. والحمدلله حجمت عندها .. و حسيتها وايد طيبه و تخاف ربها ..

و قلت بسألها عن سوالف ام ..... شو تفسيرها

اول شي سألتها .. هل اللي يحجم .. يتأذى من الجن ؟؟ و قالت .. لاابد .. ليش .؟؟

و سألتها كم سؤال و كنت اقصد فيها ام ......

قالت لا .. ما يسوي هالسوالف اللا ساحر .. اعوذ بالله ..

بس وضحتلي الأمور .. ان اللي يحجم .. مايعرف اي شي عن المريض ..

سواء اشياء شخصيه .. او ان كان فيه .. سحر .. مس .. عين ..

المهم .. ادري طووووولتها . بس كنت ابي اوضح الأمووور ..

الحين سؤالي هوو ..

لو نوييت اسوي الحجامه مره اخرى ..

و انا اعرف ان ام ....... لها فالسحر .. و انا رحت لها لغرض العلاج ففقط ... حرام ؟؟؟؟؟؟

يعني .. مو فنيتي اسمع كلام الدجل ..

لان الثانيه .. لازم انا اروح بيتها .. و مسافه طويله لين اوصل عندها ..

اما ام ....... اهي اتيي البيت .. اسهل لي بوااايد ..

ابي اعرف .. هل يجــوز .. او لا ؟؟

انتظر الرد منكم ..

و مشكورين ..

تحياتي ..
عسوله :shy:

م

مجموعة من طلبة العلم

دعاة من المملكة العربية السعودية

28-04-2007 | 09:40 PM

أجاب عن هذا السؤال / فهد الصقعبي
يظهر أن هذه المرأة مشعوذة وتتعامل مع الشياطين ، فلا يجوز الذهاب إليها ولا طلب العلاج عندها ، ويجب عليك وعلى من عرف حالها تحذير كل من يتعامل معها ، ورفع أمرها إلى السلطات ، لإيقافها ، ومعاقبتها .

3

3asoolah

عروس رائعة

11-05-2007 | 10:58 PM

يعطيك العافيه اخوي عالاجابه ..

و انا والحمدلله بعد ما قريت الرد .. حذرت كل اللي اعرفهم و يتعاملون معاها ..

بس ماهان علي ابلغ عليها .. لاني اخاف بهالحال اكون ظالمتها .. او ظالمه اسره بأكملها ..

لانها اهي اللي تصرف على عيالها ..

الله يستر علينا و على جميع امه محمد ..

تحياتي .
عسوله و بس