ارجوكم ساعدوني يا عرايس يا حلوين

qaq: حبيبتي الصراحة اني ما متزوجة بس ما اعتقد اني اعوف نفسي مثلج لو كنت بمكانج ابدا
لان راح يصير ملل بلحياة وروتين متجدد لا حبيبتي
تكدرين انتي تقسمين وكت بلبيت اوكي انتي تكولين اني بلبيت حاليا
انتي الصبح اكيد عندج تنظيف البيت وتنضرين زوجك يجي من الشغل صح يعني فترة الصبح تكونين مشغولة من تكعدين نضفي بيتك جددي دائما بي مو القصد اشتري كل يوم لا طبعا بس غيري ولمعي ومن وهاي الامور بعدين بلشي بالاكل من يجي زوجك اكيد تتغدون سوية بعدين تاكلون سوية الف عافية عليكم هو من يروح ينام يرتاح من الشغل
عاد انتي استغلي هاي الفرصة وهو نايم روحي سوية لج شي حلو وشاي وقهوى وحضري بالصالون الكعدة وين تكعدون ومن يكعد اكيد هو ما بيطلع بسرعة يكعد يمك عاد انتي حضري كل هذا وهو اكيد بيكعد معاج لمدة واذا طلع
انصحج بشي يروح عنج كل الملل انا جبت كتاب القران الكريم مع التفسير صدكيني مراح تندمين لانج راح تعرفين ما شاء الله تفسير وبعض الايات الي ما تعرفين تفسيرهم اني هيجي اسوية هاي وكت العصر اكيد
تكونين بوحدج
وافضل من مكابلة التلفزيون انتي ما عندج صديقات ؟
شوفو تكدرين انتي وصديقاتج الي مثلج تسوين كل اسبوع عند وحدة كعدة عصرونية يعني كل اسبوع عند وحدة تسون حلو وكيك وشاي وقهوى ومن هلحجي
تعرفين شي ان الله سبحانة وتعالى راح يحاسبنا على ضياع الوقت وشنو سوينا بي؟


انتي نفسج كلتي اني معرف شو اسوية طول النهار والله تكدرين تسوين هواية امور
جيبي كتب للبيت عندج القران شوفي تفسير الاحاديث اشياء تزيد من حسناتج بدل ضياع الوكت كلة بدون فايدة ولة شنو رايج عزيزتي
اني كنت مثلج اضيع وكتي بس الحمدالله بديت قبل كم يوم اقرء القران الكريم واشوف تفسيرة ما شاء الله فرحت من فسرت بعض الايات والله ما كنت افهم شنو المعنى
عندي بسم الله الدروس الي اخذها من منتدى عروس ودورة علوم الحديث للاخت ام اسامة اني الصراحة ما اكدر افهمها بوحدي تجي عدنا جارتنا الله يبارك بيها ونكعد اني وياها تفسر لي وتشرح لي المعنى وكل شي لان اني مدرست دراسة عربية وطللعت صغيرة من العراق وكنت عايشة بلغربة ورديت كملت الدراسة الالمانية
وما تعلمت بعض الامور اهلي ما قصرو معاي بس مو كل شي لان اكو امور هوايه المفروض احد بيساعدني بيها زين عيني
واني اكعد وكت العصر اني وية صديقتي وندرس سوية شكد حلو والله صديكيني
بعدين يجي وكت المغرب ترحين تصلين الله يبارك بيج وتحضرين نفسج لزوجك من يرجع للبيت وتحضرين العشى الة
وبعد الامور الباقية معرف بيها انتي اعرف بيها الله يبارك بيج ويوفقج ان شاء الله
اسفة حبيبتي اذا زودت بكلامي لو اطلت عليج بس احب تكونين سعيدة وبنفس الوكت مستفادة من الوكت يار ودة
(f) (f) (f) (f) (f) (f) (f) (f) (f) (f) (f) (f) (f) (f) (f) (f) (f) (f) (f) (f)