انا ببيت .....وزوجي ببيت ؟؟!!!!!!

هلا بنات
مشكلتي ماني سعيده مع زوجي
من تزوجنا مشاكل بمشاكل (زواجنا سنه ونص)
تعبت نفسيا والله وانا اكتب رسالتي تراودي افكار
شيطانيه ..........مليت من حياتي ومن زوجي أريد ابعده
عن حياتي بس ما أدري اشلون
المشكله ان عندي بنت تقدرون تقولون صعب الانفصال عنه
من تزوجنا كل ما تصير مشكله أشرد لبيت أهلي بالاسبوع
وبعدين الاسبوع صار أسابيع وألحين صار بالشهور
أقامتي عند اهلي صارت أكثر من اقامتي في بيت زوجي
بألف مره (لا مجال للمقارنه)
ما أدري انا اشرد من المشاكل أو من زوجي
كل واحد فينا عايش بروحه والحين كملنا الشهرين
تعرفون خلال الشهر والنص كان يزورني ويروح
احسه يخاف اني ارد البيت معاه ( احساس ) ؟؟؟؟؟؟؟
بس من اسبوع أكثر شوي بدى يطالبني بالرده انا كل يوم
اكذب عليه وأطلع سالفه جديده ما ودي ارجع
تصوروا حنا متصالحين من شهرين بس ما ودنا نرد لبيت الزوجيه
أحس من الصعب الاتفاق
انا عصبيه وهو كان بارد ( بس ألحين أحسه بس يبى يضارب)
كان يحبني وايد وما يرضى على زعلي
بس كثره المشاكل اللي بينا غيرته
وانا من تزوجته ما قدرت احبه صج اني اعزه بس ما أحس اني
احبه
بس الحين احاول اتغير يعني اطرش له مسجات حب بس محاوله
اني امشي هالحياه الزوجيه عشان بنتي
بس هو كلج ماشي أحساس يعني ما يساعدني في أني احبه
والحين برد بيتي غصبن عني طبعا
خايفه أني اسوي مشاكل أول ما أطب البيت ..خاصه انه قال
بتردين غصبن عنج البيت باجر
انا تعبت من المشاكل وما اريد ادخل في مشاحنات
وبعد أسلوبه معي ما أحبه وكل ما يعاملني هاللون
أحس اني لازم احول حياته لجحيم
بس بنتي كاسرة خاطري

انا حاولت الخص مشكلتي قدر الامكان
لاني لو كتبت لين باشر ما راح تخلص