محتارة

رحبات اعضاء المنتدى حابة اعرض عليكم مشكلة صديقتي هي
مب مشكلة بحد ذاتها لكنها مب مرتاحة للموضوع

صديقتي متزوجه من اربع سنوات مون سنتين زوجها تعرف على واحد في الدوا م صاروا اصدقاء ومن فترة بسيطة لاحظت الزوجه انه اتصالات زوجها بربيعه كثرت حتى هم في الدواام يتصلون في بعض وما يمر يوم من دون ما يكلمون بعض حتى
اسلوبه مع صديقه هذا مختلف عن باقي ربعة مستحيلل يطوف عليه مكالماته وحتى لماا سافر ربيعه كان بتصل
فيه لدرجه انه كان يطلب من ربيعه انه يصحيه للدواا م

ولما تكون صديقتي طالعة ويا زوجها هم يتصل فيه بالرغم من انه ربيعه متزوج حتى في الدواام ملا حظين عليهم انهم ويا بعض
ولما يكلمه تشوفوونه اخر وناسة
واذا صادف يوم ما كلمه يتضايق
ومستحيل انه ما يتصل. لا لازم يتصل ويتاكد ليش ربيعه ما كلمه
لكن صديقه هذا مب ملتزم ولا محافظ على صلاته ومتزوج اجنبية مب مسلمه ما في اي خوف على انه يتغير من الناحية الدينية لانه المرء على دين خليله
وزوجها مستحيل يقوم حق اي صلاة اذا نايم لكن اذا اتصل فيه ربيعه ورن تلفونه بسرعه يقوم ويرد
فهي ما تدري هل هذا شي طبيعي

حتى لما صارحته قالعا ليش هذا ريال مب بنت عشان تتصرفين بهالطريقة
وبعدها قام بتصل وهو في الدوام عشان حرمته ما تحس لكنه كانت تشوف مكالماته
وحتى انه مرات يتصلون في بعض في وقت الفجر وهم رايحين الدواام
وهي تقوول هي مب معرتضه اذا كان عنده ربيع زين وملتزم ويا بعض واايد
لكن مرة ما في اي نوع من الالتزام
ولا انه وااايد رياييل نفس الطبع والسموووحه عالاطالة
واتري ارائكم بالموضوعا