•¦×¦ :: ..الجزء ال3 من لقــــاء مع العــروس (دوحـــانية) حياكـــم... :: ¦×¦•

مساء الخير ^^

..

fu55ll55a:
السلام عليكم أختي دوحانية الله يباركلك انشاءالله

سؤالي هو شلون ومتي حددتي المبلغ الخاص بمصروفك وهل سهل انك تطلبين وجزاك الله خير

و عليكم السلام و رحمة الله و بركاته

هلا فيج :)

بصراحة لين الحين ماعندي مصروف خاص .. :gum:

متى مااحتجت طلبت من ريلي .. و هو فديته مايقصر احتجت و لا ما احتجت يعطيني على طول ..

إذا حابة يكون لج مصروفج الخاص .. اتفقي مع زوجج يحول لج مبلغ كل شهر

و يكون في حسابج ..

و الله يجزيكِ بالمثل ..
.
.


حياج الله في أي وقت (f)

بنت قطر2007:
هل فيه فرق في المستوى التعليمي بينج وبين زوجج؟وهل ياثر؟

هلا فيج :)

و اسمحي لي ما انتبهت للجزئية الأخيرة من ردج ..

مستوانا التعليمي واحد :cool2:

و حتى لو كان فيه فرق تأثيره ما راح يكون الا في الحالة المادية بس .. و أنا أشوفه عادي ...
.

حياج الله في أي وقت (f)

واااااااااي غلاوي

اختيار فمحله


استانس اقراا ردود دح دح

كلها حكم

والله استفدت وايد

خصوصا جزئيه اهل الزوج

أمل 2005:
ما عندي أسألة أختي الغالية

غير أقول ربي يوفقج ويسعدج ويهنيج ويرزقج كل خير

ويرزقج الذرية الصالحة إلتي تفرح قلبج أنتي وريلج .

تسلمين ,, و لا تترددين في طرح أي سؤال (f)

..

لورا قطر:
<<< متابعه الموضوع

عشان تستفيد للمستقبل :o


والله يرزقج بالذريه الصالحه ان شاء الله

يسلمووو بنت الغالي على الموضوع المفيد

جزاج الله خير .. و هلا فيج و بمتابعتج و لا تترددين في طرح أي سؤال (f)

..

سديم79:
أختي في الله دوحانيه ..

الله يعلم اني احبج لله وفي الله .. ربي يوفقج ويرزقج الذرية الصالحة ويسخر لج زوجج يارب ويعينج على عمل الخير ..

واشكر الغاليه بنت الغالي على هالموضوع الحلو اللي ممكن منه نستفيد ونعرف تفكير البنات اكثر واكثر ..

متابعتكم من اول الردود بس ماعندي شي اسأله ..

اتمنى التوفيق للكل ان شاءالله ..

أحبكِ الله الذي أحببتني فيه :)

جزاج الله خير حبيبتي ..

لا تترددين في طرح أي سؤال (f)

..

مرام_QaTaR:
والله انها قالت اللي ف خاطري وصج صج خطيره طلعتي يا دح دح:shy:
وفديت صاحبه الفكره والله ياناااااااااااس احبهاا واتمنى لها كل خير :shy:

أحبك الله الذي أحببتني فيه :)

و ماخطير الا الشيطان ههههههه

لا تترددين في طرح أي سؤال (f)

..

حصابي _ قطر:
اول شي اشكر الغاليه بنت الغالي على هالموضوع المفيد لكل العرايس وغير العرايس ..
ثاني شي : كنت انتظر استضافة دوحانيه من زمان .. لأن مشالله تبارك الرحمن احس انها ( مره سنعه ) .. :)
كانت في بالي أسأله معينه لكن مشالله البنات ماقصروا اسألوها عني ..

دعواتي لج يالغاليه ان ربي يسعدج مع زوجج وأهله .. ويحببكم في بعض أكثر وأكثر .. ويرزقكم الذريه الصالحه .. (f)
وانشالله نشوف بنت الغالي أحلى عروس ونستضيفها معانا .. ونهريها أسأله :gum:

هلا فيج حصابي :)

أخجلتيني ..

جزاج الله خير على كل كلمة .. و أنتظر أسألتج (f)

احساسي اماراتي:
ماشاء الله عليج يا الدوحانيه عيني عليج بااارده:clap:


بصرااااحه اجوبتج واااايدعيبتني:shy:




انا احس انه في باااااالي واااايد أسإله أبا اسألج يااااهااا بس وين رااااحت ما ادري:gum:




امممممممممم






امممممممم




بما انج سافرتي شهر العرس


ممكن اتساعدين باللي احسه


شوفي حبيبتي انامالجه وعقب 4 شهور بيكون عرسي اذا الله راد وتمم اذا على خيير



وريلي حاب انه نسافر ماليزياااا



بس انا ما ابا اسافر خايفه

ليش ما ادري ؟؟


يمكن لأنه بنكون بروحنا في بلاد غريبه وانا ما تعودت اسافر الا ويه اهلي&#61516;



والله ما ادري وفي واايد شغلات في السفر يمكن انواجها ؟
ويمكن لأني ما اعرف انجليزي&#61514; هههههههههااااي
هذا الي عندي انتي شو رايج؟



واذا يه شي في بالي ما بقصر بالاسئله&#61514;:shy:


ومشكورة ويزاج الله كل الخير

هلا فيج :)

لا تخافين و لا شي .. و تطمني لأن ريلج بيكون على طول وياج و سبحان الله راح تحسين إنج

بأمان حتى لو كانت الديرة جديدة عليج أو أول مرة تروحين لها .. و ترى هالأيام ماتتعوض

و السفر مع الريل مافي أحلى منه <<< تشجعج هههه

و بخصوص الإنجليزي .. صدقيني يا أختي إن اللغة مب مشكلة كبيرة .. لأن مثل ما قلت لج بتكونين

على طول مع ريلج .. و لا تدرين سوي مثلي .. انا أعرف انجليزي لكن لما سافرت مع ريلي أنا

ما تكلمت دايما هو .. سواء المطاعم أو المحلات .. خلاص هو متكفل بكل شي ههههه

الله يوفقج و ييسر أمورج كلها ..

.
.


حياج الله في أي وقت (f)

بنت الغالي:
دحدوحه اقصد اخطاء التجهيزات ... نسيتي تودين شي اوتاخرتي بشي أو أي موقف صار ممكن انه يفيد العرايس ...



فديتكم بنات الي دعوالي وشكروني والله مادري شاقولكم الله اعلم بغلاكم


مراميه ... وانا بعد احبج يادبه ... يللا سألي ماخبرج مب ملقوووفه


حصابي ههههه بنشوف الي بيسال اخاف تعرسين وتنسيـــــنا ...يللا خلج شطوره نفس دحدوحه ولاتقطعين مالنا غنى عن بعض

هلا فيج مرة ثانية :)

اي عرفت شتقصدين ..

أنا ذكرت في أكثر من رد لي .. وشو الشغلات اللي نسيتها أو ما كثرت منها و قلت

ملابس الزيارات و الإستقبالات ماكثرت منها ..

ملابس الدلع ماخذت منها لأني كنت أشوفها مب ضرورية وايد في أول حياتنا .. لكن نظرتي كانت

غلط .. شفت إني أحتاج لها لكسر الروتين و تغيير الأجواء ..

..

عندج بعد العرابين .. أنا من طبعي ما أحب اعطي عرابين كبيرة ..

فلما كنت أحجز على أساس التاريخ القبلي دفعت مبلغ للكوشة / للتصوير .. فلما تأجل العرس

و تغيرت الترتيبات .. بعض المحلات مارضت ترجع لي العربون .. أو رجعوا بعد طلووع الروح

فأنا أقول إن الوحدة المفروض ماتعطي مبالغ كبيرة كعرابين تحسبا لأي ظرف طارئ ..

..

تذكرت بعد إني ما طلبت ستيج لما رحت أحجز الكوشة .. و يوم العرس نبهتني وحدة على هالسالفة

فاضطريت أطلب منهم ستيج في نفس اليوم .. و الحمد لله إنه تركب لكن بتكون مشكلة إذا صار

و المحل ما يقدر يركب لي أو عنده مشكلة ما يقدر يوفر لي ستيج :angry:

..

شي ثاني .. ترى مهم إنج تنتبهين لخوات ريلج و لنوعهم .. هل هم من أصحاب الماركات و مب

أي شي يسوونه ... لأنج تبين تكونين مثلهم و ماتحسين بفرق بعد العرس ..

..

أذكر وحدة قالت لي عن موقف صادها .. شرت بودي مرة من محل من المحلات الوسط مب الغالية

و لا الرخيصة .. و لبسته في جمعة أهل ريلها .. و اكتشفت إن وحدة من البنات الصغار لابسة نفس

البودي .. تقول انحرجت و عقبها صارت تشتري الشغلات اللي تعرف إنهم مايقدرون يشترونها ..


هاذي أغلب الشغلات اللي أذكرها ..

.
.


حياج الله في أي وقت (f)

نونو القطريه:
الله يعطيج العافيه يا عمري وروحي دحدوحه

والله يوفقج يااارب ويرزقج بالذريه الصالحه يااارب

وتحملين وتجيبين لنا بيبي

قولي اميييين

وعندي لج سؤال ؟؟

زووج هل مره طلب منج تطبخين له ؟؟

وانتي الحين تطبخين ولا لاء واذا تطبخين ؟؟ اشلون بديتي بالطبخ ؟؟

وشنو تنصحين البنات المقبلات عالزواج ؟؟

هلا فيج :)

1. مرة بس ؟ قولي أمرار هههه اقصد مرات .. الا وده كل يوم أطبخ له :qaq:

2. أطبخ بس مب كل يوم .. و إذا سويت غدا ما أسوي عشا .. لأن بصراحة أنا مب مالت طباخ ..

و الله يسلم الكتب اللي تارسة المكتبات .. و الوصفات في النت .. آخذ و أطبق .. و أحاول قد

ما أقدر ابتعد عن الطبخ الروتيني : العيوش ماعيوش ..

و في كتاب وايد حلو و يصلح للي ماتعرف الطباخ .. اسمه " نخبة الأطباق " تلقونه في جرير لكن

مب دايما .. إذا عندج هالكتاب انتي بخير ..

و أنا أنصح المقبلات على الزواج .. إنهم يتعلمون قبل العرس مب كل شي .. و إذا اضطريتي

تطبخين بعد العرس لا تتهربين دخلي و سوي و طبقي اللي تعرفينه .. يوم بيطلع ماصخ - يوم

بيطلع حالي وايد - يوم بيحترق .... بس في الاخير بتطلعين فنااااااااااااانة ..

" و الرياييل ياكلون اي شي مايهتمون مثلنا خخخخخخ "

وجدان الشوق:
واااااااااي غلاوي

اختيار فمحله


استانس اقراا ردود دح دح

كلها حكم

والله استفدت وايد

خصوصا جزئيه اهل الزوج

فديتج و الله ..

أي حكم ^_^ ترى أنا والله صغيرة ههههههههه

إن شاء الله تستفيدين و أنتظر أسألتج بفااارغ الصبر (f)

السلام عليكم

شخباركم بنوتات؟؟ شلونج ابله دحدوحه (( اختي تقول ابله وانا معاها))

الله يوفقج حبيبتي ويهنيج ويرزقج بالذرية الصالحة وتجيبين كتاكيت صغار ودحدوحين امدحدحين مثلج جذي يارب وتسمين وحده علي خخخخخ

أما بعد :cool2: احم

شنو الشي اللي خلاج ترتاحين لزوجج وتوافقين عليه ؟؟كلام الناس عنه ؟؟ سمعته ؟؟ شكله ؟؟؟ عايلته ؟؟ ماتكلم عن صلاة الاستخارة :)

في فتره الملجة ... حسيتي انه غير عنج يمكن فاسلوب الكلام او الاطباع وطريقة التعبير.. او انه غير عن المواصفات اللي كنتي تتمنينها في فارس الاحلام ^-^ هذا شي اكيد طبعا مافي انسان بيرفكت وكوبي بيست نفس اللي تبينه .. هل هالشي ضايقج ؟؟ شحسيتي وقتها ؟؟ وشسويتي بالضبط عشان تتأقلمين ؟؟


وتسلمين فديتج
يااااااااااااااااي اول مره اسأل ^-^ وناسه

رجعت بسؤال

دايما اسمع يقولون الرجال ايام الخطوبة غير وبعد الزواج غير؟ يطلع المستخبي ؟؟ هل هذا صح ولا لا ؟؟ يعني فيه اختلافات بين الخطوبة والعرس ؟؟ ولانفس الشئ

وميرسي دح دح

ماشاء الله لاقوة الا بالله
الله يوفقج اختي الغالية دحدوحة
بس هالله هالله في التحصينات والاذكار
((ولا تنسين كلام الحبيب صلى الله عليه وسلم:
داروا اموركم بالكتمان))

قلب قلبي:
السلام عليكم

شخباركم بنوتات؟؟ شلونج ابله دحدوحه (( اختي تقول ابله وانا معاها))

الله يوفقج حبيبتي ويهنيج ويرزقج بالذرية الصالحة وتجيبين كتاكيت صغار ودحدوحين امدحدحين مثلج جذي يارب وتسمين وحده علي خخخخخ

أما بعد :cool2: احم

شنو الشي اللي خلاج ترتاحين لزوجج وتوافقين عليه ؟؟كلام الناس عنه ؟؟ سمعته ؟؟ شكله ؟؟؟ عايلته ؟؟ ماتكلم عن صلاة الاستخارة :)

في فتره الملجة ... حسيتي انه غير عنج يمكن فاسلوب الكلام او الاطباع وطريقة التعبير.. او انه غير عن المواصفات اللي كنتي تتمنينها في فارس الاحلام ^-^ هذا شي اكيد طبعا مافي انسان بيرفكت وكوبي بيست نفس اللي تبينه .. هل هالشي ضايقج ؟؟ شحسيتي وقتها ؟؟ وشسويتي بالضبط عشان تتأقلمين ؟؟


وتسلمين فديتج
يااااااااااااااااي اول مره اسأل ^-^ وناسه

هلا فيج :)

عادي فديتج اخذي راحتج ..

مو أنا يوم أبلة يوم ماما باجر جدة هههههههههههه

الله يوفق الجميع و الله يرزقج بالزوج الصالح .. و يبلغنا ذاك اليوم اللي نشوفج فيه عروس :shy:

1. بصراحة وايد أشيا .. خلتني أتمسك برايي فيه قبل لا أستخير .. منها :

- دينه

- أخلاقه

- كلام الناس عنه لما كنا نسأل ..

- سمعته

- عجبني إنه عصامي .. مثل ماتقولين شايل نفسه بنفسه على الرغم من إن أبوه الله يطول في

عمره ريّال عنده خير .. بس علم اعياله الإعتماد على النفس ..

أما شكله ما كان يهمني وايد أو بالعربي ماعندي سالفة طويل و أبيض و وسيم ..

الحمد لله الحمد لله اللي عطاني ريّال مثله .. ما كنت أتمنى أكثر .. (f)


2. خليني أقول لج شي .. أنا لما بديت أفكر مثل أي بنت بالزواج و مواصفات فارس الأحلام ..

ماحطيت في بالي نموذج صعب و تمسكت فيه .. حتى شروطي اللي حاطتها واقعية100%

" على دين - سمعته طيبة بين الناس - سجله نظيف ما في مغازل و هالخرابيط - جامعي "

بعد فترة و على أساس اللي أشوفه من شبابنا إنهم يكتفون بالثانوية و عقبها يفكرون بالشغل

قلت شكلي باتنازل عن الشهادة الجامعية لكن ما راح أرضى بأقل من الثانوية .. و تنازلت .. بس

الله عوضني خير و عطاني الريال المواصفات اللي فيه هي اللي أبيها بالضبط ..

لما تملكت كنت خايفة من كم نقطة ماكنت أقدر أتأكد منها لما كانوا هلي يسألون عنه .. مثل :

العصبية : اخاف يكون عصبي أو العصبي اللي محد يتحمله ..

الإهمال : مابي واحد يقول الحين ابي اتزوج و لما تصير عنده المرة خلاص يهملها .. اسمه مب مقصر

عليها بشي من ناحية الماديات ..

عدم التقدير : ريّال ما يقدرني و لا يحترمني و اسمي بس زوجته " يسمح أمره مابيه " ههههه

هاذي كم شغلة كنت خايفة منهم بس الحمد لله ما لهم وجود " و الله لا يغير علينا " :)

امممم أما الاختلافات .. مافي اختلافات كبيرة .. بس انتبهت لشغلتين فيه " الدقة + الحرص الزايد "

تعرفين هالشغلتين ضايقوني فترة .. و أنا ما ألومه لأنه ينظر للموضوع من باب " زوجتي يعني

شايلة اسمي " أو " مرت فلان " .. لكني فهمّته ليش هالشي يضايقني .. و الحين خفف

لأنهم طبايع فيه صعب تغيرينها ..


اسمحي لي لو طولت في الرد لكن حبيت أوضح اللي في بالي بشكل أكبر ..

.
.


حياج الله في أي وقت (f)

elegant_QR:
رجعت بسؤال

دايما اسمع يقولون الرجال ايام الخطوبة غير وبعد الزواج غير؟ يطلع المستخبي ؟؟ هل هذا صح ولا لا ؟؟ يعني فيه اختلافات بين الخطوبة والعرس ؟؟ ولانفس الشئ

وميرسي دح دح

هلا فيج :)

صحيح بس مب بشكل يخليج تخافين .. و فيه إختلافات ما أسميها إختلافات يعني يطلع ريّال ثاني

لا لا أنا أسميها حقائق هههه

مثال :

الريّال اللي يزورج في البيت فترة الملجة مايجي الا هو على سنقة عشرة و تكتشفين عقب الزواج

و مع العشرة إنه من النوع اللي يعفس لج كبته قبل لا يطلع كاشخ هههه

بالعربي طبايع و شغلات عن الريال بتعرفينها عقب الزواج ..
.
.



حياج الله في أي وقت (f)

أم نونية:
ماشاء الله لاقوة الا بالله
الله يوفقج اختي الغالية دحدوحة
بس هالله هالله في التحصينات والاذكار
((ولا تنسين كلام الحبيب صلى الله عليه وسلم:
داروا اموركم بالكتمان))

هلا فيج :)

جزاج الله خير حبيبتي .. و الله يوفق الجميع ..

و منتظرة أسألتج

أختي دوحانية قريت ردك على سؤال وحدة من البنات وكان من ضمن الإجابة إنك لازم تنتبهين على مستوى خوات الزوج ..........سؤالي هو لوكانوا من الناس الكشيخات زيادة واللبس عاري زيادة وأنا كطبيعة مب جذيه شلون أقدر أتصرف خاصة ان الزوج متعود على هالشكل

fu55ll55a:
أختي دوحانية قريت ردك على سؤال وحدة من البنات وكان من ضمن الإجابة إنك لازم تنتبهين على مستوى خوات الزوج ..........سؤالي هو لوكانوا من الناس الكشيخات زيادة واللبس عاري زيادة وأنا كطبيعة مب جذيه شلون أقدر أتصرف خاصة ان الزوج متعود على هالشكل

هلا فيج :)

شوفي أختي .. أنتي تقدرين تكونين مثلهم في نفس الوقت تحافظين على طبيعتج ..

هم كشيخات .. اكشخي مثلهم " إذا كانت هالكشخة ماترهق زوجج ماديا " مو في كل شي

بتكونين مثلهم لكن بتحاولين ماتكونين اقل .. و إذا هو متعود لازم ماتحرمينه من هالمنظر ..

يعني أنا عندي خوات ريلي .. ما ياخذون أي شي .. سواء في ملابسهم شنطهم حتى هداياهم

ما شاء الله عليهم يهتمون فيها أحسن إهتمام ..

فصرت الحين مثلهم لأن أنا عندهم " مرت فلان " و فلان هذا مب أي واحد :gum:

بإختصار : حاولي قد ماتقدرين تكونين مثلهم بالشكل أو الطريقة اللي تناسبج و لا تنسين

ريلج :ok:

.
.


حياج الله في أي وقت (f)

مرحبا دوحانيه

ومتابعتج :) ومتابعه ردودج الحلوه

عندي سؤال

اي عمر تشوفينه حلوو للزواج؟

دوحانية:

مثال :
الريّال اللي يزورج في البيت فترة الملجة مايجي الا هو على سنقة عشرة و تكتشفين عقب الزواج
و مع العشرة إنه من النوع اللي يعفس لج كبته قبل لا يطلع كاشخ هههه
(f)

دوحانية:
هلا فيج :)

1. 9 شهور من تزوجت :shy:

2. يمكن خذت 5شهور لحد ما تأقلمت بشكل كبير مو تماما ..

.
.

حياج الله في أي وقت (f)

موفقه يالغلا والله يعطيج اللي فبالج شو ما كان

شواقه ^^:
مرحبا دوحانيه

ومتابعتج :) ومتابعه ردودج الحلوه

عندي سؤال

اي عمر تشوفينه حلوو للزواج؟

هلا فيج :)

ما في عمر محدد .. لأنه يعتمد على العقول إذا كانت ناضجة و لا لا ..

يعتمد على المسؤولية .. إذا الشاب قادر يتحمل مسؤولية بنت ناس عنده و مسؤولية حياة كاملة

ليش ما يتزوج .. و البنت نفس الشي .. .
.

حياج الله في أي وقت (f)