أحس إني أموت موته بطيئه أرجوكم لاتتركوني

حبيبتي الله يعينك موضوعك جدا حساس،لكن ارجعي الى الله واستخيري ماخاب من استخار ولا ضاع من استشار والله بيدلك على الطريق الي فيه صلاح لك وبعدين شوفي مستقبلك وين بيكون وولد بلادك غير فكري في الايام وعيالك لما يحملون جنسية غير جنسية امهم ولا قدر الله صار شي ورجعوا معاك بلادك ماراح يكون لهم حقوق و و و و .............. اشياء وامور مالها اول من تالي وفي الاول والاخير الاستخارة بتنهي الموضوع وطمنيني عليك

اميرة البط:
حبيبتي الله يعينك موضوعك جدا حساس،لكن ارجعي الى الله واستخيري ماخاب من استخار ولا ضاع من استشار والله بيدلك على الطريق الي فيه صلاح لك وبعدين شوفي مستقبلك وين بيكون وولد بلادك غير فكري في الايام وعيالك لما يحملون جنسية غير جنسية امهم ولا قدر الله صار شي ورجعوا معاك بلادك ماراح يكون لهم حقوق و و و و .............. اشياء وامور مالها اول من تالي وفي الاول والاخير الاستخارة بتنهي الموضوع وطمنيني عليك

تسلمين فديتج على ردج وان شاء الله يصير الي فيه الخير
ان شاء الله راح اطمنج بس انتي ادعي لي ياعيوني

lonelyqueen:

بيبتي..

أول شي أكيد استخيري ربنا واكثري من الدعاء.. واطلبي نور الله وتيسيره..

وبعدين بالنسبة للشخص الأول فرأيي طالما انك مو متفقة معه بولا موضوع فليش تتورطي بموضوع زواج ومشروع حياة طالما وانتو قبل الدخول بمعترك الحياة مختلفين ..؟؟ فكري كويس بهالشغلة ..

بعدين طالما الشخص الثاني كامل المواصفات .. فحاولي تعرفي شخصيته وتقربي اله اكتر.. يمكن تتفقي معه وتحبيه ويخليكي تنسي الأولاني !!

الله يكرمك ويفرج همك ويوسع صدرك ..

وطمنينا على أخبارك ..

ماعرف ليه بكاني ردج اختي :cry:
ياربي فرج همي
انا بجد حبييييييييييته حب مو طبيعي :sad:
مشكووووره ياقلبي على دعواتج الطيبه

اختي ..

اول شي الله يعينج على معاناتج ..

بس سمعيها من اخت اكبر منج بالعمر ..

انا لاحظت من كلامج انج ماتعرفين الحياة عدل لانج صغيرة في العمر ..
ولا انطحنتي فيها وميزتي الزين من الشين

يمكن اللي بقوله ماتتفقين فيه معاي ولا اكثر اللي راح يدخلون ويردون

لكنه الواقع ..

الحب فديتج مو كل شي في الزواج .. ويمكن انتي سمعتي قصص كثيرة لزواج عن حب
لكن النهاية كانت فاشلة والعواقب من هالعلاقة كانت وخيمة .. مشاكل وجروح ومحاكم وغيره
غير المشاكل اللي توصل للشك والخيانة والضرب .. و المعاير

كله بسبب الاندفاع اللي سبته الحب والعاطفة القوية اللي لغت العقل والتفكير في هاللحظة والرغبة ان بس يكون الاثنين مع بعض واي شي ثاني مو مهم


الحب مايكفي لبناء حياة زوجية سعيدة .. وناس وايد تزوجوا عن اقتناع .. يعني زواج عقل
والحين حياتهم سعيدة .. مرتاحة مع زوج يحبها ويحترمها وشايلها على راسه

انا ماقول لج اخذي واحد ماتحبينه ولا تواطنين تشوفين وجهه .. بس على الاقل فيه راحة نفسية تجاهه واقتناع

قعدي مع نفسج .. فكري وحكمي عقلج ..

زوج عاقل سوي .. مشاعره وتفكيره ناضج .. مسئول .. تقدرين تنامين وانتي مرتاحه وراج رجال يحميج .. يلبي لج طلباتج .. حكيم .. مايتسرع في الحكم في المشاكل اللي تصادفكم .. ويعرف يحلها وياج بهدوء وتعقل .. يحترمج ويقدرج ومايرفع صوته عليج عند أي مشكلة بل بالعكس يقعد معاج ويتفاهم بهدوء ونضج

والا زوج تموتين عليه .. ويموت عليج .. لكن غير ناضج في تصرفاته .. يهاوشج على اقل شي .. غيرته غير مبرره ولا يعالجها بروية وحكمة .. طايش .. يسوي من الحبة قبه .. ويرمي عليج اللوم كله لو حد التفت عليج في الشارع ؟؟

اختاري !!

اختي لازم تفكرين لقدام .. مو بس في يومج وبكره ؟؟
لاتخلين مشاعرج تغلب عليج .. انتي اليوم صغيرة بس بكرة راح تكبرين وتفهمين الحياة صح .. وراح تنضج مشاعرج ويتغير تفكيرج ومفهومج للاشياء ..
واللي تحبين اليوم تسوينه بكره يمكن ماتحبينه
وفيه امور راح تشوفين لما تكبرين اكثر وتنضجين انها كانت تافهة

ذيك الساعة راح تكتشفين ان اختيارج كان خطأ وانج تسرعتي .. خصوصا مع استمرار المشاكل معاه .. وفقدانج لصبرج .. ماراح يظل شعورج نفس الشي ..

هذا انتي الحين .. للحين معاه على البر .. ومليتي من تصرفاته .. شلون باجر سنوات عشرة وحياة,, ووجهج في وجهه طول اليوم؟؟ وهو مع تصرفاته هذي ؟؟

فكري زين حبيبتي .. الحياة قدامج واسعة وانتي بعدج صغيرة والفرص راح تجيج
ويمكن تحصلين اللي أحسن منه ,, ومحد يموت من الحب .. ومرد الايام تنسيج

والله عطانا نعمة النسيان .. ياما ناس فقدوا غالي .. اهل عزيزين علينا توفوا .. ومتنا وفركنا قلوبنا بالارض حسرة وحزن على فراقهم .. وحسينا ان الدنيا ماتسوى عقبهم ..

لكن وينا الحين ووينهم .. هدينا ونسينا .. والجرح اندمل ..
نترحم عليهم ونذكر محاسنهم بالخير


ويمكن لو فكرتي بعقل وخذتي واحد فيه المواصفات الطيبة ..
اكيد مع معاملته لج وهو بكل هالاطباع الحلوة راح تحبينه وتموتين عليه بعد

صدقيني الحرمة مشاعرها طيعة لينة ..
واذا لقت رجال طيب عاقل رزين ناضج حنون عليها .. راح تحبه غصب ..
واللي بيزيد من هالشعور .. انها حلاله وهو حلالها .. هذي بحد ذاتها عامل انجذاب لا شعوري


اختي ..

لاتضيعين فرصة حلوة .. على احتمال يمكن انه يرجع ..
وحتى لو رجع ..
هل بيغير من تصرفاته ويعقل؟؟
واذا مارجع وطال الزعل .. بيخليج يعني معلقة جذي ..
وانتي تضيعين فرصة ورا فرصة وكل وحدة احسن من الثانية
علشان ماتشوهين صورتج قدامه .. وشلون عن صورته قدامج؟؟ ليش مايفكر هو جذي ؟؟

اختي ..
حلو ان الانسان يرضي الطرف الاخر بس مو على حساب نفسه ..
لازم يكون هناك توازن ترضين غيرج وترضين نفسج علشان تعيشين مرتاحة
ومايصير الشي فوق طاقتج وبعدها تملين والا تجيج امراض بسم الله عليج


وبعدين عقب هذا كله

اذا تخلى عنج خطيبج .. انتي اتمين تتحسرين على عمرج ؟؟

اذا هو جاد خله يرجع ويصلح اخطائه اذا فعلا متمسك فيج ويحبج .. ويبي هالعلاقة تستمر وتنجح

مو يقول لج كيفج !!! وين تمسكه فيج ؟؟ وين التنازل منه علشان تنجح علاقتكم ؟؟ ..مافيه

اختي فكري في كلامي

حطي النقط على الحروف معاه .. قولي له .. علاقتنا بدت تخترب لان تصرفاتك كذا وكذا وكذا

واذا انت فعلا تبيني وتحبني ومتمسك فيني .. حط لهالشي حد ..
وصلح تصرفاتك لان بهالشي ماراح تستمر الحياة

واذا عاند .. عرفي ان مامن وراه امل .. وفعلا مايناسبج .. وبجذي سويتي اللي عليج
وقوليله هالشي ..


وتوكلي على الله وشوفي حياتج ونصيبج .. قبل لايفوت الاوان .. وتتندمين


وبالتوفيق ان شاء الله ..

هلا الغاليه...

الله يسر امرك و يفرج همك...

اول شئ استخيري انتي...يعني لا تخلين حد يستخير عنك...

ثاني شئ...الغاليه الجواب و اضح من عنوانه....

اذا من الحين في مشاكل...

و انتي تقولين ابيض و هو يقول اسود (( معناه مافي تفاهم ))

او افكار مشتركه...

بس بعد انا ما بظلم الريال...يمكن ما عرفتوا تتفاهمون بحكم صغر السن....

الاستخاره ثم الاستخاره...

و دائما استغفري و اذكري و ادعيه

ان يفرج همك و يسر امرك...

على فكره الاسلوب اللي يتبعه معاكِ

انه يقولك خلينا نفترك اذا انا اعذبك بس انا فعلا حبيتك...

ترى هذا اسلوب تانيب الضمير...

يعني يخليك تحسين انك خطيتي في حقه...

بكذا تتعلقين فيه و ما تتركينه...

امسحي هالاسلوب...

و مره ثانيه توكلي على الله...

اختي لاتتضايقين ولاشي

استخيري ربك وطيعي شور اهلك والله يوفقك

دام انتم مب متفاهمين من البدايه لكم دينكم ولي دين

شوفي اللي تقوله امك وربي يوفقك

عزيزتي انا شايفة انه بالحب كل شي يهون يعني اذا في بينكم حب لاتتخلي عن حبك
لانه مافي شي يقدر يعوضك عن اللي تحبيه نصيحة حطيها في بالك ...
يمكن ماتعرفي قيمة نصيحتي الان لكن حتعرفيها اذا انتي تخيلتي انك ممكن تفقدي الانسان دا
...كل اللي بينكم انه كل واحد فيكم يحاول يثبت انه الصح وطبيعة كل البشر كدا ..
لاتتوقعي انه يكون في كل شي تتمنيه ...ومن جهة تانية دوري على الطريق اللي تفهمي فيها
اللي تحبينه..دوري على حل لخلافاتكم ,,,لكن!!لاتضيعي حياتك لانه الانسان التاني يختلف عن الاول


واتذكري !!



المزايا قبل العيوب

وصدقيني حتقدري تتفاهموا بس لازم تفكري كيف ..
وكلنا نعاني نفس الشي لكن مااتخلى عن حياتي مع انسان حبيته لانه في انسان احسن من وجهة نظر الناس
فكري واتخذي قرارك..

الله يعينج حبيبتي
مثل ما قالوا الخوات استخيري اول شي. بعدين من طريقة كلامج انج تحبينه بس مش مرتاحه معاه .. حبيبتي مثل ما قالت الاخت الحب مش كل شي في الدنيا .. اهم شي التفاهم وراحة البال بعدين يجي الحب .. انتي صغير واكيد هذا اول انسان اتحبينه او تتعلقين فيه .. بس فكري حبيبتي عدل هذا زواج .. يمكن الثاني احسن لج دام قلتي انسان ما ينرفض
استخيري حبيبتي ولا تزعلين .. الله يسعدج ان شاء الله ويقرب الي فيه الخير

اانا مع الاخوات الي قالوا استخيري

و اذا عن القلب .. لا تخافين القلب مايعووق يحن و تتبدل مشاعره .. المهم راحت البال

استخيري اختي ..بس انا اقولج حطيها في بالج زيييييييين لو مافي تفاهم الزواج ماينجح ولا
تعتمدين عى الحب يا اختي يضيع مع المشاكل اللي هي نتيجة عدم التفاهم والتصادم
ياما ناس قالوا صار ماضي ..بعدين فكري زين مازين ترى الغربة ابد ما ترحم الله يهديج
بس احس نفس ما قالوا خواتي صغيرة عالهم لانه انا متاكدة انه يوم الواحد يكبر يفكر بعقله
مو قلبه لانه الزواج حكم ابدي على البنت ....اسالي الله انه يدلج على اللي فيه خير لج انشاءالله
واكثري من الاستغفار عشان نفسيتج تهدا

الحب مو كل شئ الدنيا
لازم يكون انسان يقدر يتحمل المسؤلية
وانتى بعد استخيري
واكيد اللى كاتبه ربي بيصير
والله يوفقك

رونــــــــــــــــي:
عزيزتي انا شايفة انه بالحب كل شي يهون يعني اذا في بينكم حب لاتتخلي عن حبك
لانه مافي شي يقدر يعوضك عن اللي تحبيه نصيحة حطيها في بالك ...
يمكن ماتعرفي قيمة نصيحتي الان لكن حتعرفيها اذا انتي تخيلتي انك ممكن تفقدي الانسان دا
...كل اللي بينكم انه كل واحد فيكم يحاول يثبت انه الصح وطبيعة كل البشر كدا ..
لاتتوقعي انه يكون في كل شي تتمنيه ...ومن جهة تانية دوري على الطريق اللي تفهمي فيها
اللي تحبينه..دوري على حل لخلافاتكم ,,,لكن!!لاتضيعي حياتك لانه الانسان التاني يختلف عن الاول


واتذكري !!



المزايا قبل العيوب

وصدقيني حتقدري تتفاهموا بس لازم تفكري كيف ..
وكلنا نعاني نفس الشي لكن مااتخلى عن حياتي مع انسان حبيته لانه في انسان احسن من وجهة نظر الناس
فكري واتخذي قرارك..

انا مع الغاليه رونى بردها

عزيزتي الغاليه

استخيري الله هذا احسن شي في اختيار الزوج وكمان عشان ترتاحين نفسيا

وادعي اللي فيه الخير ربي يسره لك ولاتتغترين بمدح الرجل الثاني لانك بعد ماعرفتيه

اذا كان هذا اللي يحبك يحترم المراه وخاصه انه يحبك لاتفرطين في اللي شراك

والخلافات عادي بين اي انسان لازم يكون في اختلاف في وجهات النظر بس لازم تكونين حكيمه وفطينه

وتتنازلين وتبدين وجهة نظرك بشكل يتقبلها الذي امامك

ولاتخلو الحياه من ملحها الا وهي المشاكل عزيزتي استخيري ثلاث مرات كل يوم مره استخيري

اسال الله ان يكتب لك ماهو خير لك

طمينا عليك يالغاليه

تحياتي لك000

عزيزتي الغاليه

استخيري الله هذا احسن شي في اختيار الزوج وكمان عشان ترتاحين نفسيا

وادعي اللي فيه الخير ربي يسره لك ولاتتغترين بمدح الرجل الثاني لانك بعد ماعرفتيه

اذا كان هذا اللي يحبك يحترم المراه وخاصه انه يحبك لاتفرطين في اللي شراك

والخلافات عادي بين اي انسان لازم يكون في اختلاف في وجهات النظر بس لازم تكونين حكيمه وفطينه

وتتنازلين وتبدين وجهة نظرك بشكل يتقبلها الذي امامك

ولاتخلو الحياه من ملحها الا وهي المشاكل عزيزتي استخيري ثلاث مرات كل يوم مره استخيري

اسال الله ان يكتب لك ماهو خير لك

طمينا عليك يالغاليه

تحياتي لك000

اختي نواعس عسلية
تسلمين لي حبيبتي والله احس كلامج لي من قلبج الله يسعدج يــــــــــارب
وراح احطه ببالي وان شاء الله بحط النقط على الحروف وبحط حد للي قاعد يصير ماقصرتي والله

اختي ندايم
مشكوووره على النصيحه وعن الاسلوب انا عمري مافكرت فيها بهالطريقه بس فعلا لما يقولي جذي قلبي يحن وينكسر له زياده

اختي اسيرة قلبه
أمي الحين قالت لي هذي حياتج فكري برويه واختاري:(
يعني صرت انا الوحيده الي لازم يقرر
تسلمين حبيبتي وماقصرتي فديتج


اختي روني والله حاولت احل الخلاف بس الخلاف ان احنا مانتفاهم
وحاطه دوم مزاياه ببالي بس جرح ورا جرح يقل الحب مع اني للحين أحبه والله :( وأتعذب واحس نفسي حقيره لاني افكر بغيره بس شاسوي ..ربي عيني
تسلمين حبيبتي

اختي سرايا الحب

اهم شي التفاهم وراحة البال بعدين يجي الحب

صدقتي والله الحب جنني ياريتني ماحبيت
بس اختي شاسوي اذا انا افكر اني بجرحه يوم اتركه :( ؟؟ يعني افكر فيه اكثر مني

اختي دلوعة باباتها تسلمين ياقلبي

اختي الينبوعه انا مقتنعه فيه حبيبتي بس مومتفاهمه معاه :(

تختي شمس حياته مشكووورة فديتج والله يخلي لج زوجج يارب ونصيحتج بحطها ببالي ان شاااء الله

اختي غموض الورد اشكرج على ردج والله يعطيج العافيه

اختي ورده قست عليها الايادى يعني انتي مع الحب. تسلمين حياتي والله يسعدج يارب


الوابل الصيب اختي نكج غريب جداً :) بس كلامج منطقي والله ينور دربج مثل ماتحاولين تنورين دربي انتيي وجميع البنات الي ردوا على موضوعي ..

الله ييسر امورك يارب العالمين ويكتب لك الستر والصلاح والسعاده

آمين يارب العالمين

تسلمين اختي على الدعاء