سماعة الأطفال..سؤال - منتديات عروس

م

مناهل78

مشرفة سابقة

25-04-2007 | 08:39 AM

بنات عندي مشكلة بسماعة ولدي طبعا المشكلة من أخذنا السماعة يعني قبل سنتين ونصف.. أن أسمع من سماعتي صوت عيال الفريج وسوالفهم،، طبعا مو دائما بس يزيد بالليل.... وتصير وشوشه...

طبعا أنا مضبطة جهازي وجهاز ولدي على channel2 حسب ماهو موضح بالكتيب...

هل يفضل أضبط الجهاز على Channel1 مع أن مو مكتوب بالكتيب،، لأن سوالفهم تجينا وأحنا نايميين والصوت يصحيني وأفز وبعدها يطلع مو ولدي...:qaq:

بغيت خبرتكم إذا صاير عندكم نفس الشي يكون أحل هالمشكلة او أشتري جهاز ثاني...

ك

كتكوته نايمه

عروس فضية

25-04-2007 | 10:12 AM

حاولي تغيرين الموجه لموجه بعيده اذا فيه في جهازج موجات وايد
يعني بدال ch2ضبطيه على ch8او ch13 بس لا تحطينه على ch1
تدرين ليش لأن اكثر الناس اللي عندهم لاسلكي من يشترون الجهاز يكون مضبط على ch1فما يغيرون الموجه واذا غيروها يروحون على ch2
فانتي اختاري موجه بعيده هذا في حالة اذا كان في جهازج ميزة تعدد الموجات الى اكثر من 2

انشالله اكون افدتج

م

مناهل78

مشرفة سابقة

25-04-2007 | 10:28 AM

شكراً أختى نايمة بس آنه ماعندي غير 1 و 2 ماعندي أكثر.. شكلي آروح آشتري جهاز ثاني،، لأن ولدي الحين ينام بغرفه بروحه ولازم آسمعه زين بالليل لأن الواحد ساعات تاخذه النومة ومايحس بالدنيا.....

ا

الدمشقية

مشرفة سابقة

25-04-2007 | 07:27 PM

الله يكون بعونك مشكلة هالجهاز مشكلة فعلا دائما كنت اسمع اصوات وارتعب رعب مو طبيعي

اخر شي زوجي عرفني انه هو متل اللا سلكي ويلقط الاصوات ههههههههههههه (( مابعرف ))

شكلك حتشتري واحد تاني او جربي وغيري القناة ممكن ترتاحي

والف مبروووك لعبودي الغرفة الجديدة لااازم نشوفها

*

*جوهرة الدوحة*

عروس فضية

25-04-2007 | 09:43 PM

انا عندي جهاز بس ماركة شيكو وممتاز الحين عندي تقريبا من 5سنوات ولحد الحين استخدمه حق ولدي....

م

مناهل78

مشرفة سابقة

26-04-2007 | 08:11 AM

الدمشقية،، شكراً أختى الغالية على مرورك،، لا أنا كنت أعرف أن ممكن يلقط الأصوات لأن كان عندنا جهاز في بيت أمي نستخدمه لأخوي وكنا نسمع مكالمات التلفون منه،، بس اللي عندي نسمع كلام الناس مباشرة مو عن طريق التلفون،، وايد يحشرنا بالليل وأفز من نومي.. وإن شاء الله بتشوفين غرفة عبودي الجديدة.

هياووووي.. ماشاء الله بس لاتحسدينه ويخترب... أنا هذا لجهاز حصلته هدية بولادة عبودي وممتاز بس مشكلته أصوات منتصف الليل (حشه أشباح)...

u

umm_7amoody

عروس رائعة

26-04-2007 | 04:42 PM

يصير احيانا اختي رانيا نسمع اصوات الجيران و بعد فترة استفسرت منهم ان هم عندهم بيبي و يستخدمون نفس الجهاز و حاطين نفس الموجة ف اتفقت معاهم ان نحنا نكون رقم 1 و هم 2 و الحين ما قمنا نسمع

ف انتي جربي تبدلين الموجة و شوفي شو بيصير

و اذا نفس الحاله مالج الا انج تشترين جهاز يديد

ا

الجوري29

عروس برونزية

26-04-2007 | 07:57 PM

الأخوات ما قصرو

م

مناهل78

مشرفة سابقة

26-04-2007 | 11:05 PM

unhamoody مشكورة أختى وماقصرتي على النصيحة،، خلاص الليلة باغير الموجة على 1 وباشوف...

مرام 2006.. أسعدني مرورك....

ج

جمـــانة

مشرفة سابقة

27-04-2007 | 02:41 AM

بيه رانيا... تخيلي بس العكس؟!!! اقصد يسمعونكم بعد مثل ما تسمعونهم !!

احسه احراااااااااااااااج... :o

جربي وان شاء الله توصلين لنتيجة مرضية :)

م

مناهل78

مشرفة سابقة

29-04-2007 | 08:38 AM

جمانة.. دايما هالفكرة كانت تجيني ، ومرة كنا مشغلين السماعة وفجأة قلت حق زوجي لا تذكر أسامي يمكن الحين هم بعد يسمعونه.. واي إحراج من الزين...

ماقصرتي أم حمودي ، أنحلت المشكلة طوال هالثلاث ليالي وأنا مبدلة الموجة على رقم 1، والحمدلله أفتكينا من الإزعاج، ليش ماخطرت على بالي هالفكرة،،، لأن بالكتيب مكتوب لازم نضبطها على 2 بس.....