شنو اتسقطينه اختي حرام عليج !!!!!!!
حمدي ربج على هالنعمه .. في ناس يحملون على عيالهم عقب الاربعين وانتي عمر ولدج زين تسع شهور
واذا ع الاكل والرضاعه ياكثر انواع الحليب الصناعي .. ومصيره بيجوع ويستسلم وياخذ الصناعي بس الايام الاولى بالفطام صعبه
وترا اذا سقطتي نفسج الله بيعاقبج اذا مو في الدنيا في الاخره
والله ييسر لج امرج اختي
اختي شنو تسقطيه اذا حامل بالحرام بعد ما يجوز تسقيطه اشلون حلال الله ورسوله ثانيا عندي اقتراح لما زوجش يقول لش سقطيه عطيه ولده وقولي له اذبحه شوفي يقدر قول لي ليه مثل ما انت ما تقدر تذبح ولدك هاذي بعد ولدك اشلون اتذبحه والله انتوا عندكم ما ذبت في الروح يعني ميت مثلا اصلا من اول ما تتلقح البويضة خلاص هاي حياة والحياة ما تكون بس في ملوج الروح فيها حتى قبل اشلون ترضين على نفسك وانت اتقولين مثل هاي الكلام الله يسامحك بس والله بكره يوم اتشوفينه يلعب قدامش بتندمين على كل كلمة قلتيها اليوم شنو اسقط الجنين اهو لعبة الموضوع والله ما فيه نظرة الي رب العالمين وهو عالم بكل شي
اشكر ردوكم وكلامكم اللي يريح
والصراحه فرحت كثير بس زوجي رافض اصلا يقولي لاتفكري تحملي ثاني الا بعد خمس سنين وواحد بس مايبغى غير اثنين
ودحين زعلان مني ويقولي ماراح اهتم فيه والا اشيله والا شي
كلامكم ريحني كثير هذا الكلام اللي ابغى اسمعه لانه زوجي طول اليوم وهوا يزن عليا سقطيه سقطيه واذا قلت لي امي عارفه ردها تقولي نفس الشي بحجه تعب عليا وولدي صغير ومن هاذا الكلام
اختكم دوده
وآنه ردي ما راح يختلف عن مسافرهـ وام جعفرين
استغفري ربج إنتي وريلج وتعوذوا من الشيطان إنتوا مراح تصيرون أرحم من رب العالمين على الولد ولا تعرفون صلاحه أكثر منه
وإنسي الموضوع وخليها على رب العالمين بيتكفل بولدج واللي ببطنج
هلا اختي,,,
انا قصتي نفس قصتج
حملت بسرعة وولدي عمره تسع شهور,,,
بس الحمدلله ابدا ما واجهتني متاعب,,,
الله سهل علي اموري وأقدر اهتم بولد بدون شخص يساعدني,,,
حمدلله رب العالمين,,,
وانا الحين في الشهر السابع,,,
وان شا الله الله يسهل عليكي امورك,,,
هلا والله باختي
اني اايد كلام خواتي الي تفضلوا وقالوه هو الصحيح وحاولي انت تقنعي زوجش ان هذا الشي حرام وهو في الاخير بيرضخ لحكم رب العالمين وخصوصا لما يشوف المولود قدامه ما بيقدر ما يحبه ولا شي والحكي الي يقول في وقت انفعال ولا اكثر وخلي اتكالش على رب العالمين وهو الي بيحلها من صوبه
والله حرام عليكم ... فيه ناس يذبحون نفسهم علشان يحصلون طفل ما يخلون ابر وعلاج وكشف واحراج واطفال انابيب بس علشان يسمعون كلمة ماما وبابا
والغلط مب غلط الطفل اللي حملتي فيه الغلط عليج انتي وابوه .. يوم انكم ما تبون عيال ليش ما خذتي مانع ليش مب ابوه خذ احياطاته وقت الجماع
اسمحيلي اذا كان كلامي قاسي شوي بس قهرتوني .. تدرين انا الحمد لله عندي طفلين والحين احاول اني احمل ومن خمسة شهور وانا قاطه المانع لكن ما صار حمل ... لو تشوفين حالتي كلما جاتني الدورة احباط وحالة نفسية زفت حتى الصياح صحت
علشان جذي احمدوا ربكم على النعمه
ز
زهور بنفسجيه
عروس برونزية
24-04-2007 | 04:17 PM
حرام تقتلين نفس
ماعليج من زوجج هو حاليا بس فايخ ومعصب
بس بعدين بيهدأ وانشاء الله اذا ولدت بتفرحون به
يا أختي انتي في وضع الله يعينك عندك طفل و حامل و زوجك الله يسامحه
انا رأيي انك ما تسقطيه لأنه رزق من الله و صدقيني الله سبحانه بيسهل حمله وولادته م تربيته كمان
بس انك تنزليه حرام
خلي حد من الكبار يفهم زوجك حرمانيه هالشي
ان شاء الله بيتراجع
انتي شو ذنبك؟؟
و شو ذنبه ؟؟؟
ريم81:
يا أختي انتي في وضع الله يعينك عندك طفل و حامل و زوجك الله يسامحه
انا رأيي انك ما تسقطيه لأنه رزق من الله و صدقيني الله سبحانه بيسهل حمله وولادته م تربيته كمان
بس انك تنزليه حرام
خلي حد من الكبار يفهم زوجك حرمانيه هالشي
ان شاء الله بيتراجع
انتي شو ذنبك؟؟
و شو ذنبه ؟؟؟
انى اييد كلام الاخوات لا تصقطية
الله ييسر ليش ان شاء الله
وموفقين لكل خير
أختكم طفوف
حبايبي ردوكم زي العسل على قلبي نفسي اشتكي احد من اللي حولي بس والله عارفه ردهم كلهم راح يقولولي نزليه اخت زوجي حملت بالثالث وامها هي اللي تشربها اعشاب عشان تسقطه وامي نفس الطريقه بنت خالتي حملت كمان بالثالث وخلوها تسقط وانا مستحيل اقولهم وزوجي يقولي اذا مانزلتيه راح اكلم امك تقنعك
ماتعرفون حالتي اليوم عايشه بجحيم كل شوي يقولي شربي اعشاب ونزليه والله مايصير لك شي طيب
قولتله بكرا الظهر اتصل على شيخ قالي لا راح يقولك لا تنزليه
وانا عندي شغلي تصميم دروس بالفلاش والبوربوينت ويادوب اقدر اطلع منها حق لبسي ولبس ولدي حق الطلعات هو مايصرف عليا من ناحيه اللبس بسبب ظروفه وانا عاذرته (لان احب اتكشخ انا وولدي وقلت مايخالف راح اوفر من دخلي واصرف قد ما اقدر على البيت وماراح اشتري غالي ومن هذا الكلام بس مو مقتنع)
يقولي اذا خليته ماراح اعترف به لاني ماني راضي على جيته واذا ولدتي راح اسيب لك البيت وانتي راح تمسكي مسؤليته وتصرفي عليه قولتله مايهم المهم اجلس بالبيت وما اسقط حملي وبرضوا مو راضي كل شوي يقولي ماعقلتي
ووحده من الاخوات في ردها الله يجزاها خير قالت اقوله هذا ولدي اللي في بطني وعندك ولدك الثاني اقتله قولتله يقولي هذا غير اقوله واللي في بطني غير جنني مو راضي يقتنع
بحاول اصبر فيه كم يوم لين يلين
وادعولي اذا ولدت يحنن قلبه عليه
سامحوني طولت عليكم بس مالي غيركم بعد الله يساندني
اختي حرام عليك واحمدي النعمه اللي غيرك يدور عليها:mad2:
اعرف وحده حملت على بنتها عمرها4شهور
ولدي عمره سنه ونصف وافكر احمل