الحمل بعد الزواج مباشرة!

ههههههههههههههه

اضحك على نفسي
ماصار لي 5 شهور الا اني حامل

مو بعد سنه على قولتج خيتو

يالله اكي بنتي صارت مره وقمر الله يخليها

وننتظر المولود الثاني

مرااااحب الغاليـــــة

انا بخبرج عن رااايي من خلال تجربتي
بصراحه انا حملت من شهوري الاولى من العرس
وما حسيت اني اتمتعت ويا ريلي مووول
من ناحية الطلعات ولا من ناحية اللبس ولا من نواحي واايد
وخص لانه حملي متعب كنت احس باللوعه من اول شهر
لآآخر شهر والحمدالله على كل حال والحينه اتريا بس اربي
وربي يسهل علي ولادتي ان شاااء الله ...

والحينه فخاطري اشياء وايد اسويها عقب ما اربي ان شااء الله
عشان اعوض عن اللي الراح
مثلا مخططة اني اطلع واحوط واتفسح ويا ريلي
وغير ها حتى الملابس مثلا جنزات وتيشيرت وتنوره وخصرات وغيرها
ونفنس الوقت اقول فخاطري انه يمكـــن ما بقدر اسوي كل ها
لانه بتكون عندي مسؤؤليه يديده وهيه تربية الياهل + اني اداوم فالجامعه

بس اللي اقوله الحمدالله على كـــل حال

انا وجهة نظري انا الوحده تتركها على ربنا ولا تستخدم اي وسيله لمنع الحمل حتى لو كانت طبيعيه

تخافي يجي اليوم الي تدورى على الخلفه وتكثر اسالت الى حولك بعد الاول تاخذ الوحده راحه كم

سنه يكون بالها مرتاح ايش رايك انتي

انا حملت بعد 3 شهور من زواجي والحين انا بالثامن ولسه ماصار لي سنه على زواجي << يعني يوم زواجي بكون توني والد << مسكين زووجي فدييته كلش ما استانس


بس انا ناويه اذا ولدت بالسلامه وكبر البيبي شوي - 3 او 4 شهور - نسافر ونغير جو



واحس اني ما استعجلت بالعكس حتى اني ما فكرت اخذ موانع ولا شي خليت كل شي على الله ولا فكرت بالحمل
والله واللي كاتبه الله بيصير مهما حاولت الوحده سواء تبي عيال او ما تبي عشان كذا انا ما فكرت وخليتها على الله

والحمدلله على كل شي

:dd: ذكرتيني بحال :dd:



ما صار لي شهرين الا وانا حامل


وطبعا ما لحقت تهنيت


وما كملت سنه الا وولدي عندي عتى بذكرى زواجنا

ما طهرت من الأربعين


بس الحياة حلوة


اما التأخير والله انصح فيه

اماا عنى انى حملت اسبوعييين من زواجى يعنى ماتهنيت بعرسي :sad:

بس الحمد الله على كل حال

بس الوحدة اذا تاخرة عن الحمل بتاخاف انهاا ماتحمل واذا جابت يعنى حملت من وقت بقول ياريت

ماحملت من وقت هذه الحياة بس اذا شفتواا النعمة الى الله يعطينا ايه حلوة والحمد الله على النعمة

العظيمة يارب ان شاء الله نشوف البنات الى ماحملواا الله يرزق كل محروم ان شاء الله

يا الله موفقين لكل خير

أختكم طفوف

انا اشوف انه كله خير

يمكن تحملين بسرعة وتتهنين

ويمكن ماتحملين بس بعد ما تستمتعين بحياتج اليديدة


يعني اللي ايي من الله حياه الله

وانا حملت بعد شهررين من العرس

والحمدلله على كل حال

انا عن تجربتى مختلفه
لانى حملت متأخر بعد مرور سنه ونصف
ولكن لم لتمتع كما تقولون
فعلا الواحده اذا حملت اول الزواج بتتعب وتأثر عليها عوارض الحمل وطبعا العلاقه بينها وبين زوجها تتأثر ولا تعرف تلبس ولا تعمل اى حركات


لكن ايضا اللى تتأخر ممكن يحدث معها مثلى
انا كنت متأثره نفسيا جدا جدا جدا جدا جدا من تأخر الحمل وكنت طول الوقت ادور على العيادات
والمستشفيات ولا كنت اهتم بنفسى
وكان فى موعد الدوره من كل شهر البيت مليان نــــــكــــــــــــــــــــــــــد
بعد ما حملت ولله الحمد شعرت انى كنت غلطانه وانى ضيعت ايام جميله جدا جدا فى التفكير فى نفس الشىء ولم انتبه لحالى وحال زوجى
بس انا الان بحاول دايما انه يرانى مهتمه جدا بنفسى والبس احلى قمصان النوم
رغم ان الطبيبه منعت تماما من ال.............
بس انا قلت لنفسى حتى لو مفيش ال ................ لازم على الاقل شكلى يكون جميل وده علشان زوجى ما يصيبه الملل
وخصوصا ان الوحم عندى بسيط ما فى اكتر من شويه مغص والام فى ظهرى تيجى وتروح

مشكوووره اختي (( ام الثامنه عشر )) على هالموضوع

بالنسبه لي .. انا توني معرسه من 3 شهور.. و الحين حامل " الحمدالله"

بيني و بينج ما كنت أبا احمل على طول.. مثل ما يقولون كنت ابا اتهنى في اول سنه من زواجي..

بس الحمدالله على كل حال.. وانا اشوف ان الوحده لازم تحمد ربها على هالنعمه لأنها أحلى هديه من رب العالمين ^__^

انا عن نفسي شربت حبوب لمدة سنه واتمتعت مع زوجي بالطول والعرض الحمد لله وبعد السنه وقفت الحبوب وحملت بعدها ب 4 شهور يعني قعدت سنه و4 شهور من غير حمل بس بصراحه بعد ماشفت الوحام والعيال حمدت ربي اني اخرت حملي .

ههههههه
انا كمان شهرين وعلى طووول حملت وولدت في الثامن يعني مامرت سنه على زواجي الا انا خلصت الاربعين وولدي بين ايدي
بس انا كمان اشوف الوحده ترتاح لها سنه او اكثر بشوي احسن

اما انا تعالي شوفي النكد اللي صار لي
جهزت كل الملابس(وقت تجهيز العروس)
لكن امي قالت لاتكثري يمكن تحملي او تجدي جديد وانتو تتمشو شهر العسل
المهم
اخذت شهر والضرس والاسنان توجعني
ااااااااااااااااااااااااااخخخخخخخخخخخخخخخخخخخخخخااااااااااخخخخخخخخ
وكل يوم بالمستشفى
وبعد شهر من الآلآم وانا عند اهلي برمضان
وحتى الفطور اكره
والدوره تجي بالليل برمضان وتنتهي قبل السحور باليومين اوليين
المهم طلعت حامل
ويافرحت ماتمت بعد يومين من الخبر السعيد سافرت مع اهلي لجدتي
وبعد مارجعت صار معي نزيف خفيف
تنومت بالمستشفى يومين طلعت
وزوجي وعليا عليه اخذ اجازه وتلعوز وحنا بالشتاء وصار ينام بالسياره المسكين
وبعد العيد باسبوع صارت مشاكل طويله عريضه(بسبب عمي الله يهديه)ليس ابو زوجي
عمي اخو ابوي
واخذت شهر بالمستشفى الى ان صار مر الجنين 3شهر
توفى بسسبب الحال النفسيه التي مريت بها
وبعدها ب3شهر حملت مره ثانيه
وتطورت المشاكل وكانت امي لاتريدني احمل لانها من صف عمي ضد زوجي
بس والله زوجي مظلوم
المهم اجبرني ابوي على السفر رغم انهم يبعدون عنا 1000كيلومتر
سافرت وانا بالرابع ولما رجعت نزل الكيس الجنين
واجهضت بعد تنويم 7ايام بالمستشفى
والحين لي سنه و9اشهر من زواجي
وحامل عسى الله يثبته بالحمل الثالث
ادعو لي

يوم كملت شهرين ونصف من زووواجي حملت


تعب والله مايديها الوحدة تتنفس والا ايش رايكم


انا بعد من راايي ان الوحدة تجلس مو سنة اقل من سنة على الاقل

السلام عليكم ليش هالنكد يا بنات ؟؟؟؟؟؟؟؟
ليش دايما نحط عوائق لحياتنا ؟؟؟؟؟؟؟؟؟؟
يعني الي تحمل ع طول اتقول ليش حملت؟؟؟؟؟؟؟؟؟
ولي تتأخر اتم طول هالفتره محتاه ونظرات من الأهل مالها اول ولا تالي .............
انا مبدأي في الحياة الوناسة واني استمتع بكل شي جي لازم نكون أنا مر ع زواجي شهرين وانا احين حامل بس حمدت ربي ما انكر انه يتني الوساوس صدقوني هي وساوس اتم الوحدة تقول ليش حملت ما بلبس ما بطلع......
انزين.........
بالعكس اطلعي مع ريلج طلعات خفيفة سينما او مطعم حلو
اذا ما في رقاد مع الزوج دايما رتبي الغرفة وجددي بكل شي ببجامات شعرج مكياجج
ولبس ثياب الحمال مافي احلي منه
ودايما حسي انج احلي واحلي بالحمال
واقري المعوذات عن الحسد وهالوساوس وهي نعمة حلوه واحنا عدنا بالعكس اللي تحمل بسرعة العين كلها عليها الله يحفظنا دوم يارب .......................

حملت بعد 11 شهر من زواجي
كنت استخدم الجدول لين الشهر السادس ووقفته ومن السادس لين ماحملت حالتي زفت انتظر الحمل والحمدلله على كل حال

مرحبا

عن نفسي حملت مباشرة بعد الزواج

والحين في الشهر السابع

بصراحة كنت مترددة بس زوجي هو الي صمم يبغي عيال على طول

وحسيت اني كلش ما تهنيت في زواجي نساة من البداية ولا ما اطيق زوجي بعد

لا اطلع ولا اشتهي اتكشخ يعني حالتي مأساوية وتوني عروس

الحمد لله الحين انا وايد مستانسة لاني بصير ام ان شاء الله


مشكورة اختي على الموضوع

انا حملت بليلة عرسي ومالحقت اتهنى بشي نساتي كانت جايدة ومسكين زوجي مادري شلون تحملني وطلعت مستعجلة بنتي الجوري بتشوف امها وابوها

هلا اختي...

انا معاج انه الحمل على طول مب حلو لان الوحدة مابتستانس بالطلعات واللبس ووايد اشياء مايعرفها إلا المعرسات,,,بس بعد يضل الحمل نعمة عظيمة واذا الله كتب وستوى ترا خير...

عن نفسي، ماكنت ابا احمل على طول وكنت امنع، وعقب وقفت بس ماحملت بسرعة، فوايد اتضايقت اني كنت امنع وتعبت، بس الحمدلله حملت في تاسع شهر من زواجي واحس كان عندي وقت مناسب اسوي فيه كل اللي افخاطري...يعني...خلو كل شي على الله، ترا اللي حملت على طول بتروم اتعوض عقب الولادة، بالعكس الطلعات بتكون حلوة والبيبي معاهم، والله احساس حلو...

واسمحولي عالاطالة...