تبين تشيلين المنطقة الحساسة بالموس ومترددة تعااااااااالي بعلمج شلوون

إزالة الشعر من المنطقة الحساسة:

هلا حبيباتي بحط لكم الطريقة هني عشان الكل يستفيد ،،، وهذلين كلهم من نصائح أخواتي الغاليات بنت عذاري .. روح البحرين .. دلوعة القصيم .. أسيرة قلبه ما قصروا علموني الطريقة الصحيحة ،،، لاني الاحظ ان الكل يسال عن الطريقة الصحيحة ويا ريت مشرفاتنا يعطوني رايهم فيها ،،،


قبل بيومين من إزالة الشعر قشري المنطقة بالبيكنغ صودا بشرط أن يكون بيور يعني نقي لو تاخذين ماركة ارم اند هامر بتكون روعة لون العلبة برتقالي على ما اظن ،،،

بعدين غسلي المنطقة بماي دافي وغسول مطهر مثل سايتيل وتلقينه بالصيدلية ويفضل لو كان الشعر قصير عشان ينشال أسرع لا تراكمينه شيليه كل 3 او 5 ايام


بعدين جيبي رغوة وموس فينوس من جيليت لونهم وردي ومعه شفرة اضافية للتبديل وتقدرين تشترين شفرات إضافية يبيعونها من جيليت بعد فيها 4 حبات حطي الرغوة دقيقتين وبعدين استخدمي موس فينوس وشيلي المنطقة الي فوق بس


نجي الحين الى منطقة البيكيني (المنطقة اللي بين الجوانب) شيليها من تحت لي فوق وشوي شوي عشان لا تجرحين روحك ،،،

خذي جل لازالة الشعر من جيليت اسمه بيكيني بروتكشن من جيليت لونه ازرق وغطاه وردي وحطيه على المنطقة دقيقتين وبعدين جيبي أمواس صغيرة اسمها بيكيني فيها 3 بس (واحد ازرق وواحد وردي وواحد بنفسجي) عشان المنطقة بتكون ضيجة ويبيلها أمواس صغيرة وشيليها وخلاص

وبعدين غسلي بماء بارد جداااااااااا لتسكير المسامات وبعدين جيبي خلطة مكونة من ملعقتين أكل خل تفاح بحموضة 4 % الى 5 % مو أكثر مع ملعقتين أكل جلسرين سائل وحطيها في قطنة وامسحي المنطقة وخليها ربع ساعة تجف وبعدين جيبي ثلجة ماء ورد ومرريها على المنطقة

بعدين غسلي المنطقة بغسول سايتيل مرة ثانية ،،،، ونشفيها زين واستخدمي منقوع المر لانه مطهر وقاتل للجراثيم


طريقة منقوع المر من عند روح البحرين :

المنقوع

ينقع المرفي الماء المغلي بمعدل ملعقتين أكل لكل لتر من الماء لبضع دقائق ، ثم يصفى هذا المنقوع ويؤخذ منه.


وهذي نصائح إضافية من بنت عذاري الله يحفظها ،،،

بعد ازالة الشعر مهما كان نوعها افضل غسل المنطقه بالتالي:

1.مخفف غسول سيتيل او نوباكتر

2.مخفف خل التفاح المطهر الطبيعي والرائع

3.مخفف البيكنج صودا

4.خل التفاح بالثلج المجروش وزيت الجليسرين
وكلهم لهم دور في قبض مسامات الجلد وتسكيرها لتجنب الحبوب

بفعل البكتيريا وطبعا مسح المنطقه بمكعب ثلجي (ماء ورد) تحفه
ودهن المنطقه ليلتها بمخفف خل تفاح وبعد مايجف ادهنها بزيت جنين قمح

والنتيجه لاحبوب ولا ترهل وبياض وبشرة اطفال مرطبه ملمسها ناعم جدا


ولو بغيتي طريقة لتفتيح المنطقة استخدمي خلطة مكونة من زيت الورد مع زيت اللوز الحلو
او زيت اللوز الحلو مع زيت جنين القمح
او زيت اللوز الحلو مع زيت الخروع

ممكن تسوين خلطة منهم كلهم بالتساوي وتستخدمينها كل يووم للترطيب والنعومة والتفتيح ،،،

استخدمي طريقة المسك بعد كل دورة خذي مكعب مسك حجر من عبد الصمد القرشي وحطيه في كيس نايلون وكسريه بايدك وخليه ناعم بس فيه كسر شوي وجيبي كوب موية ورد وربع كوب موية صحة معدنية وحطيهم مع بعض في زجاجة نظيفه واستخدميهم بعد الدورة 3 ايام ورى بعض فقط لانه سنة ،،،


بعد يومين من إزالة الشعر قشري المنطقة بالبيكنغ صودا مرة ثانية ،،،،،

لا تحكين لانه طبيعي عند ظهور الشعر مرة ثانية بتحسين بالحكه تجاهليها وكل ما شعرتي بالحكه مرري ثلجة موية ورد على المنطقة بتروح الحكة ان شاء الله ،،،،

لا تخافين الموس ما راح يسود المنطقة لو استخدمتينه بالطريقة الصحيحة واتبعتي كل التعليمات الي فوق ،،،، اهم شي النظافة أكيد ،،،،

لا تنسين تنشيف المنطقة جيداا لا تتركين اثر للماء فيها ،،،،،

البسي ملابس داخليه بيضة قطنية وخلاص لا تشيلي هم ،،،،،،


وبس نعيما ان شاء الله وحمام الهنااااااااااا :shy: