مرحبا خواتي
بصراحه أنا على الإسبوع القادم راح أتحول في شقتي الجديده
أبغيكم تسو لي لسته أو قائمة الأغراض إلي أشتريها للشقة
من أثات وفرش وأدوات مطبخ وحمام بالتفصي الملل
وأنتظر ردكم
أنا من البحرين يفضل كتابة الشي ومن وين أشتريه بعد يكون أفضل
كيف ؟؟ أجهز
ا
23-04-2007 | 12:19 AM
ا
23-04-2007 | 11:42 PM
اولا منزل مبارك الله يعطيكم خيره ويكفيكم شره
امممم الموضوع يعتمد على حجم الشقه وكذلك على المبلغ المحدد
بالنسبه للأثاث اشتري دولاب لغرفة الجلوس وتحف تحطينها عليها
وكنب وسجاده متوسطة الحجم وطاولة عليها فازه ولاتنسين طاولات الخدمه اذا جاك ضيوف
وابجورات والأبجورات اللي تتعلق بالجدار وكذلك لوحات مناظر وعلب لحفظ المناديل
وللحمام اشتري طقم كامل من سجاد الى دروج وارفف ومناشف و لأدوات المعجون وفرش الأسنان والصابون
وخذي حلقات اللي تحطينها على مناديل السفره وحافظات للأكل وعلب بلاستك لحفظ الأكل بالثلاجه
وطقم للشاي والسكر والبهارات وملاعق وسكاكين وشوك والملاس والمغرفه والصحون
والعلاقات اللي تحطين عليها مناشف المطبخ والمغارف وطقم اباريق وزمزميات وعلبه للوضع الفناجيل اذا جاك ضيوف
وطقم سفره لغرفة الطعام تحتوي على طاولة كبيره وكراسي ودولاب للبوفيه
وخذي لك فواحات لغرف النوم والمجالس
وصندوق لحفظ سجادات الصلاه
ودرج للجزم تكرمين
وشماعه و برادة مويه وانواع الخلاط سواء عجن او غيره
وعلب لحفظ المجلات والسيديات
انصحك بإكيا لكن الموكيت والسجاد خذيه من مكان ثاني
هذا اللي طلع معي تعبت وانا فكر بيت كامل يحتاج من الى ويبيلك كل المحلات تمرينها
