السلام عليكم ورحمة الله وبركاته
شكرا على تجاوبكم معاي وهذا الشي شجعني اكتب .................
والحين مع قصتي ...............
انذار كاذب
ويا كثرها الانذارات في الشهر الاخير المهم 14/12/2006 طوفت موعد الولادة اللي عطوني اياه المستشفى كنت نايمه وحسيت بويع في ظهري مثل الدورة وكان الويع ايزيد وكنت يومها ماخذه زيت خروع مع نص قلاص بيبسي ومشيت ساعة وسبحت بماي حار ........المهم انا ماقدرت انام وعيت ريلي قلتله مب قادرة انام سبحت ولبست وكانت الساعة 3 من الليل وخذت شنطتي وركبنا السيارة كنت خايفة فقلت حق زوجي اتصل حق امك لانها اقرب ولان امي عندها يهال وانا علاقتي مع ام ريلي قويه هي امي الثانية مرينا عليها اذكر كان ينزل مطر وام ريلي اتوصيني ادعي لانه الدعاء في المطر زين ومستجاب وصلنا الحوادث طبعا سولي تخطيط وكان في طلق بس خفيف كشفت علي الدكتوره قالت "1"سم:sad: وقالت يمكن الولادة الصبح وقالتلي راجعي باجر عيادة الحوامل ............رجعنا البيت ام ريلي قالتلي باتي عندي لانج روحج في الشقة نمت عندها وريلي المسكين رجع البيت لانه دواااام المهم ان ماقدرت ابات تميت لين الصبح واعية ام ريلي نايمة عدالي ......وكان المطر ينزل صبيب دخلت اتوضا حق صلاة الفجر شفت دم خفيف نازل .......:smile: فرحت قلت اكيد بولد اليوم المهم الالم كان ايروح ويرد رحت عند امي يلست عندها وعقب رجعت بيت اهل ريلي سوتلي زعتر وجرفه المهم اتصلت دكتورتي تتطمن لانها كانت عاطتني ولادة 15/12/2006 قلتلها قالت هاي علامات ولادة امشي وااااااايد ولين المغرب بدا الالم يخف ......ويافرحة ماتمت
قالولي وعية البنت باااردة ........
شكرا على تجاوبكم معاي وهذا الشي شجعني اكتب .................
والحين مع قصتي ...............
انذار كاذب
ويا كثرها الانذارات في الشهر الاخير المهم 14/12/2006 طوفت موعد الولادة اللي عطوني اياه المستشفى كنت نايمه وحسيت بويع في ظهري مثل الدورة وكان الويع ايزيد وكنت يومها ماخذه زيت خروع مع نص قلاص بيبسي ومشيت ساعة وسبحت بماي حار ........المهم انا ماقدرت انام وعيت ريلي قلتله مب قادرة انام سبحت ولبست وكانت الساعة 3 من الليل وخذت شنطتي وركبنا السيارة كنت خايفة فقلت حق زوجي اتصل حق امك لانها اقرب ولان امي عندها يهال وانا علاقتي مع ام ريلي قويه هي امي الثانية مرينا عليها اذكر كان ينزل مطر وام ريلي اتوصيني ادعي لانه الدعاء في المطر زين ومستجاب وصلنا الحوادث طبعا سولي تخطيط وكان في طلق بس خفيف كشفت علي الدكتوره قالت "1"سم:sad: وقالت يمكن الولادة الصبح وقالتلي راجعي باجر عيادة الحوامل ............رجعنا البيت ام ريلي قالتلي باتي عندي لانج روحج في الشقة نمت عندها وريلي المسكين رجع البيت لانه دواااام المهم ان ماقدرت ابات تميت لين الصبح واعية ام ريلي نايمة عدالي ......وكان المطر ينزل صبيب دخلت اتوضا حق صلاة الفجر شفت دم خفيف نازل .......:smile: فرحت قلت اكيد بولد اليوم المهم الالم كان ايروح ويرد رحت عند امي يلست عندها وعقب رجعت بيت اهل ريلي سوتلي زعتر وجرفه المهم اتصلت دكتورتي تتطمن لانها كانت عاطتني ولادة 15/12/2006 قلتلها قالت هاي علامات ولادة امشي وااااااايد ولين المغرب بدا الالم يخف ......ويافرحة ماتمت
قالولي وعية البنت باااردة ........
اليوم المنتظر
17/12/2006 كنت حاسة بويع بس قلت بتريااا نزلت بيت امي وريلي راح الدوااام "نسيت شي في السيارة ":بقولكم عقب المهم قلت حق امي اني حاسة بويع امي قالتلي اصبري المهم اتريقت ويا خواتي وراحو المدرسة وتميت اوني بنااام ماقدرت اتصلت حق ام ريلي وقلتلها مرت علي ورحنا انا وهي وامي واختي "كانت غايبة "كشفت علي الدكتوره 2.5سم قالتلي بندخلج بس لحسن حظي كانت اتعرفنا وشي الثاني كنت ناسية؟؟؟؟؟؟؟؟؟بطاقة المتابعة وريلي في الدواام فقلتلها انا برد البيت بييب البطاقه وبمشي شوي .قالتلي اذا حسيتي بأي ويع ردي بسرعة رجعت البيت ومشيت ساعة في الرمل وشربت جرفة وحاولت انام طرشت مسج حق ريلي قاللي انت مابتربين اليوم بعدج المهم العوار كان ايزيد العصر دخلت اسبح شفت دم سبحت رحنا المستشفى كشفت علي :sad: :sad: بعده 2.5 بس قالت لازم اندخلج طبعا البطاقة عند زوجي وقالي بييبها دخلوني غرفة ماقبل الولاده ركبولي التخطيط وكانت الساعة 6 المغرب وامي وام ريلي يدخلون ويطلعون علي والحمدالله محد كان في الولادة غيري ووحدة عاطينها تحاميل "كنت ادعي انه محد ايكون وياي عشان ماخااف "المهم استوت الساعة 8 والوقت ا يمر شوي اشوي ريلي يه ودخل وقرا علي حليله وانا الويع ايزيد علي اذكر كنت امشي سايرة رادة وام ريلي اتصيح و تمشي وياي امي روحت لانه اخواني بروحهم الساعة 11 كانو بيعطوني ابره شرجية لانه بطني كان يعورني المهم قبل ماتعطيني الممرضة كشفت علي قالتلي 5 سم وماقدر اعطيج الابرة الشرجية عطتني ابرة مسكنة ونمت لين 12 نايمة ومب نايمه الساعة 12 يت الدكتورة قالتلي 7سم ولادة انا كنت مثل المدوخة مافيني اي حاسية من الابرة ام ريلي اتقولي اني كنت فرحااانه وكانت اتهمزني وانا أأشر بإيدي 7 سم المهم خذوني الغرفة اللي عدالي وجهزوني اكسجين محلول وكانت الساعه مجابلتني 12.30 حسيت اني بروح عزكم الله الحماام وازعج علىالممرضة بروح الحماااااام لانه مرت عمي قالتلي انه الولادة مثل روحة عزكم الله الحمام ..يت الممرضة قالتلي ماشي ه ي ولاده يالله بش بش بش يت الدكتورة الساعة 1 شفت ريل بنتي حبيبتي شالتنها الدكتورة تشفط الماااي اللي شربته وعقبهاااا صاحت وكنت اسمع ام ريلي اتقول هاي بنت............وتتفداهاا لانها اول بنت في عائلة زوجي ماعنده خواات يابوها عندي والدكتور يالسه اتخيط وكانت مب راضية ترضع يالسة تتطالعني ........وخذوها ونمت لين الساااعة 4.30 وطلعوني 6 لاني اتأخرت لين رحت الحمام المهم الحمدالله الله سهل علي ولادتي وسخرلي الممرضات لانه محد كان في الولاده لانه هذا كان اهم شي عندي.........
وبنتي تشبه ابوهااا وااااااايد
وبنتي تشبه ابوهااا وااااااايد
ادري طولت عليكم وهذي هي قصة ولادتي من أإلى ي واسمحولي اذا طولت عليكم واذا في ا ي غلطات كتابية لاني اكتب وبنتي على ريلي ...............