بصرااحة تعبت تعبت وبين نارين (( خطيبي)) و(( امي))

عالية المقام:
[frame="3 80"]بصراحة من موقف بسيط اقول في قلبي ابي اطلق:angry:

شهالكلااااااااااااااااااااااام :angry: ؟؟؟؟؟؟؟؟
انتي لو ماخذتييه كان مادري شنهو حالج <<<<<<< على حسب اللي فهمناه من مشكاكلج قبل وانج مصرره تبينه ومادري شنووو

وانتي اتعرفين ان ابغض الحلوول هو الطلاق ولا تييبين سيرته جداام حد :angry:

الغاليه اختي اسفه اذا كنت واايد شديت عليج بالكلام بس الصراحه تنرفزت من ردج

انتي قدرتي تقنعين هلج انج تاخذينه ( قرار الزواج مب سهل الاقناع فيه ) .. شلون ماتقدرين تقنعين الواااااالده بهالشي !!!!!!!!!
يعني تفهمينها بكلااام حلووو ان هالشي يخصج انتي وخطيبج واانتي بتسوين حفله بس للزواج ويبين ان شخصيتج قويه ماشاءالله .. اظن تقدرين تقنعينها ... والله يعينج غناتي :shy: [/frame]

حرف_عنيد:
اول شي صلي على النبي ولا اتيبني سالفة الطلاق بلسانج تراج اتهزين عرش الرحمان
دايما هالسوالف موجودة في كل خطبة يا من صوبكم او من صوبهم
انا نفس الشي هو ما قال لي ما راح انسوي خطوبة لا بس قال بنسويها عائلية لانه يستحي وامي تبي اتسويها في صالة
بس انا اصريت على رايي وسويتها في البيت وكانت حلوة وما شاء الله هم المعازيم وايد

يعني انتي يلسي عند امج وقولي لها يمه ليش كل هذا بس علشان فلانه اتقول واتقول

واتحججي بالظرف اللي عندكم قولي لها يعني مب حلوة

والاحلى انا انسوي عرس على مستوى وانتي من قطر يعني الحنة اكيد اتسوونها

حاولي تدخلين لها من اكثر من جهة
وبعدين قولي لها انج تستحين منه علشان جذي ما تبين انج اتكبرين السالفة لين ما تتعلمين عليه في ايام الخطوبة

الام تراها لينه مهم حاولت اتكابر هي اكيد اتشوف بنات العائلة وما تبيج اتكونين اقل مستوى

بس ترا شبابنا عندهم حق والله لان الحفلة بروحها جم اتكلف والعرس جم يكلف وغير الزهبه الله يكون في العون

والله يهنيكم ويسعدكم

master_student_2006:
اولا حبيبتي مبارك عليك الخطوبه
حبيبتي انا مثلك تمام مالكه و الحمد لله الرجال زين و ما يعيبه شي
لكن وضعه المادي متوسط لكن امي لما قامت تشوف الناس والبنات
الخاطبات قعدت تحن علي و احيانا تطلب منه اطلقه او تضضط علي او عليه نترك بعض
الحمد لله عقله كبير و متفهم يعني يقولي بس نصير بروحنا الكل من اهلي و اهلك يجونا ضيوف
يعني ما تهكلي هم انتي ما تزعلي اي طرف حاول اكسبي الجميع من صفك حاولي قربي
بينه و بين امك بس بدونلا يدري و لا يحس يعني خلهم يتقربوا من بعض
و دايما اذكري صفاته المنيحه قدام امك و لخطيبك نفس الشي
حبيبتي ساير الاهل في هذي المرحله هم يبلش حس الغيره يتحرك لانك ما صرتي لهم
اما الطلاق حبيبتي لا سمح الله لا تجيبين طاريه
اذا الرجال يحبك و يحترمك و تبيه لا تطلبي هذا الشي ترا مره طلبته و ندمت للحين يقلي انتي
ماتحبيني كثر ما احبك و مستعده تتركيني بهفه ريح دايما حسسي اهلك بحبك و انك
ما بتبعيهم و خطيبك بعد حسسيه انك له و ماتبين غيره و اسفه طولتها عليك لكن
استغفري ربك حبيبتي ترا الاستغفار يحل الكرب باذن الله
و الله يوفقك و يسمعنا عنك الاخبار الزينه