طــــــاح الفـــــاس بـــالـــــراس....... ابي مساعدتكم

السلام عليكم
اختي والله حاسه فيج وقلبي معاج وادعيلج من كل قلبي ونصيحتي لج بما أني انا وياج من ديره وحده يعني كويتيات ونعرف ماية رياييلنا شنو

اول شي ادعي واكثري من الدعاء بصلاتج ان الله يهديه لبيته ويلتفت لج ولعيالج وانتي حامل الله يعينج بس بيني وبينج ..... سمعيني زين توددي له أكثر وقربي منه واخذي شغلتج منه بالمساحل مثل ما نقول احنا يالكويتيين ترا الريال ينقص عليه بالكلمه الحلوه والتدلع والتميع من المره صدقيني اختي تدلعي جدامه وسوي نفسج تعبانه حيل بيني له هالشي من غير ما تتذمرين يعني وانتو قاعدين سوي نفسج تعبتي فجأه وانج بتطيحين غشيانه صيري حيه ولهلوبه مثل ما نقول وخلج فطينه واستغلي نقاط ضعفه بكل وقت طيحي بحضنه سوي نفسج تعبانه وابجي بحضنه صيري الطفله اللي دايما بحاجته اذا طلعتي تشترين الاغراض ورجعتي وهو مو مهتم قولي له انا طلعت وانا خايفه لاني بروحي صدقيني حاولي اكثر من مره مو بس مره وحده ترا الريال يبيله مقاقه يعني حاولي لين يلين وياج مو بس مره رغم اني مو متزوجه لكن اقول لج هالشي عن تجربة خواتي وبنات عايلتنا والله يوفقج ويهدي سرج ويا ريلج وبشريني حبيبتي اذا تحسن الوضع وصار شي يديد ... بنت ديرتج شيخة الصبايا :shy: :shy: :shy:

حبيبتى انتى اللى عودتيه على كده متعمليش حاجه علشان يحس هو بالمسؤليه شويه متخليش الحمل كله عليكى كده وبرده رائيى من رايى الاخت السابقه انك تحاول تتقربى منه اكتر من كده واتكلمى معاه مره واتنين وعشره

والله يهديه ليكى يارب

الله يكون في عونج اختي

ممكن تحاولين تخلينه يتعود عالنشاط في امور اهو يحبها
مثلا نزهات او نادي رياضي

حاولي تهدينه اشرطه دينيه تشرح مسؤوليه الزوج (واجبات وحقوق الزوجين )

شوفي اهو منو ممكن يؤثر فيه دينيا وخلي يعطي نصائح عامه لان عادة الرجل لا يحب ان تطلع امور بيته بره
ممكن يكون شيخ او غيره
والله يسهل امورج

والله اختي ما ادري شقولج الله يعينج

طيب باسالج، لو في شي ضروري وانت ما سويتي، كيف يتصرف؟

يا ترى ممكن مثل ما تعود يكون كل شي عليج، يتعود يتحمل مسئولية شوي؟

يعني مثلا يوم تربين، تمارضي شوي وشوفي شو يسوي

او مثلا تدلعي عليه، سوي ليلة رومانسية من الافكار اللي فالمنتدى، و لعبة مثلا تكوني مجهزة فيها طلبات للبيت بسيطة في البداية، وكل واحد يلعب يطلع له واجب يسويه وفي المقابل شي يحبه يكسبه. يعني ممكن مثلا يطلع لريلج انه يصلح سيارته ويطلع له جلسة مساج حلوة او شي هو يحبه وحركات شي

وبعد الريال مثل الياهل

يعني بكلام حلو ممكن يسوي معجزات، الله لا يحرمني حبيبي اللي مدلعني ويريحني والله من غيرك ما ادري شلون البيت يمشي، وامدحي اي شي زين فيه. يمكن يتشجع ويحب يسمع منج مديح اكثر
وطمنينا شو يصير

[glow=FF0000]الله يساعدج أختي[/glow]