بنات ضروري بليز..

هلا اختي,,,

أكيد في شي مضايقنه,,, يمكن عنده غازات,,,

قوليلها تعطيه منقوع اليانسون أو النعناع,,,

وفي دوا يبيعونه في الصيدلية اسمه انفاكول عبارة عن قطرات في الفم,,,

تحاول اتجرب اللهاية يمكن يهدى,,,

والله يعينها ويهدي ولدها,,,

واي مستفسار انا جاهزة,,,

شكله ولدها مثل ولدي

الحين له 6 شهور ومطفر النوم من عيني


بس طبعا بعد 40 يوم يصير يطول في النوم

وبعد 4 شهور بعد ما ياكل ينتظم النوم عنده اكثر

وبعد 6 شهور يبداء يتحرك ويصير يفهم اكثر وراح يكون اهدى اكثر

وكل شهر يتعلم مهاره جديده من الجلوس والحبي والوقوف والمشي

راح يكون تركيزه على الحركات اللي يسويها وما راح يبكي مثل قبل


واهم شي ان صياحه ما يكون من مشكله صحيه

مشكورين البنات اللي ردوا علي..
لكن هو مشكلته إن من يوم انولد عودوه على الشيل وهي ما بغت هالشي يستوي... وألحين بس يبي يشيلونه حتى لو مو يوعان أو نعسان... وما عنده غازات...
والله مب عارفة كيف تتصرف مطلع عينها وهي حالتها حالة.. وصحتها هي شوي شوي تروح يعني يوم عن يوم تتعب أكثر.... وايد تعبانة مع ولدها... وحاولت تلعبه باللهاية بعد ما فاد... وشرت له سرير الهزاز بعد ما فاد... تقولي حاولت بكل الطرق... ما في أي فايدة..


بنات ما عندكم أي أفكار ثانية؟؟؟


أرجوكم اللي تعرف لا تبخل علينا...

الله يعينها ..

بنت اختي نفس الشي ويمكن ازيد .. يوم تشوف اختي او امي ..يالله تشردون من صياحها ..اللي

يسمعها يقول قارصها شي او شي معورها والله تخلي الواحد يتروع من صراخها .. وهم عودوها

على الشيل .. ومستحيل تسكت عند حد ..وماترقد في الليل ..والله اختي تكسر خاطري لان بنتها

ماترقد في الليل والصبح وراها دوام ..لو انا منها عطيتها منوم ..والاابرة بنج خخخخخخخ

اتغشمر لاتصدقون ..بس صج صج سنداره ..وماتاكل واي شي تحطه في حلجها تسوي روحها

غاصه .. جربت ماي غريب وجربت كل انواع الاعشاب المهدئه وراحت حق اكثر من دكتور ومافي

فايده محد عارف ليش هالصياح باستمرار..

خذتها من عندها مره وخليتها عندي في البيت .. كانت اختي رايحه مشوار هي وامي ..

البنت ساكته رضعتها وغيرت لها والله مافيها شي وتلعب وتلاحق عيالي بالعربانه .

.بس سمعت امها تقول السلام عليكم توها داخله من الباب ..وقسم بالله سوت روحها بتطيح من

العربانه .. وصرخت صرخه جنها تشتكي علي هههههههههههه..الهيسه .. بغيت اذبحها ..

بس لازم واحد من العيال يطلع نكدي على مايقولون ..

يخلي امه تتحسف انها جابت عيال ..

اهم شي قولي لها الصياح مايموت الياهل فلاتخاف .. اذا هو راضع ونظيف وماهو مريض خله يصيح

وتحاول تسوي لها شغله صج قلبها بيتقطع بس تتحمل اول الايام بعدين راح يتعود انها تبتعد عنه ..

طولت عليكم ..سوالفي ماتخلص ..

السموحه ..

الله يعينها:(

انا ولدي الحمدالله زين بس اللحين متعود يصرخ من قلب ومسندرني عدل:(

مشكورات البنات اللي ردوا علي..
بس والله هي وايد تعبانة مع ولدها مو عارفة شلون تتصرف وياه..
والله هي وايد تعبانة.. حالتها أبدا ما تسر لا عدو ولا صديق...







بنات الله يخليكم لو عندكم أفكار ثانية ساعدوها فيها....
هي محتاجة مشورتكم...

مرحبا هذا مثل ولدي طفرني خلاني أكره اليهال ويتني حالة إكتآب حاد وقمت أصرخ مثل المينونه لين كمل 5 اشهر و ديته عند دكتور و عطاني درزن أدويه و الحمدلله سكت وهدى شوي.الله يصبرها بعض الأطفال خبال و مثل ماتقول أمي ما يشيبو لين مايشيبو. بس يمكن هيه تاكل أكل حار وفيه فلفل وايد تراه يطلع في الحليب و يعور البيبي, وخليه اطنشه عادي لو صاح وايد بعد نص ساعه بيسكت بروحه و يتعود.
الله يساعدها

عزيزتي ياليت لو توضح لنا صديقتك من شنو البكاء

بالضبط علشان انساعدها بصوره دقيقه ،،، ومضمونه

في الانتظار عزيزتي ،،،

مشكورات كل البنات اللي ردوا علي..
هي ولدها متعود على الشيييييييييييل.. ما يصيح من مغص أو غيره..
هو بس متعود على الشيل... وماااااااااا يرقد الفليل... متعود على السهر..
وأكله قليييييييييييييييييييييييل وأعتقد إنه ماخذ هالطبيعة من أمه..
لأنه أكلها قلييييييييييل.. هي تخاف يصيبه سوء تغذية بسبب قلة شربه للحليب..
وهي فطمته يعني وقفت رضاعته.. لأنه من الأساااااااااس ما كان يشرب..
كانت دايما تحاول وياه أيام وليالي إنه يشرب.. يصارخ ويصيح ما يبي صدرها..
مشكلتها صدق مشكلة... وهي صحتها تدهور يوم عن يوم.. وايد تعبانة...
يعني مشكلة ولدها النوم... ما ينام الفليل أبدا... كله صياح ويبي شيل...
وثاني مشكلة الأكل... يعني ما يشرب أبدا الحليب... غير قلييييييييييييل وقليل جدا..
ثالث مشكلة هي تبي تعوده على السرير بس مب قادرة مافي أي فايدة..


دلووووووها يا بنات الله يخليكم...