حــــــره ومنحـــــــــوسه ...بنوتة الرياض :)

السلام عليكم... في هذه الابيات تتطربنا الشاعره ,,شموخ الجرح ,,
بتحف كلماتها وروعة مشاعرها ,,اتمنى ان تنال اعجابكم ...

حــــــره ومنحــــــوسه,,,



ماني سعيده انا بالظلم مغموسه ,,,اعطي من الايام عمري وآخذ احزاني
عشت بظلام الألم حره ومنحوسه ,,,اعاني الهم والجاني هو الجاني
الحظ مايوم شفته غير بعبوسه,,,مايوم لو غلطه للخير وداني
يمكن انا غلطتي عجله ومهووسه ,,,ودي الاقي زماني قبل يلقاني
ويمكن بعد خطوتي ماهي بمدروسه ,,,ياكم تمنيت شي مابعد جاني
ياوجه الايام عقلي حافظ دروسه ,,,من كثر ماقلت له تكفى وخلاني
ادري بأيام عمري دوم معكوسه ,,,وادري زماني ابد مايوم واساني
اعيش بالهم والحرمان مغروسه ,,,من وين مارحت يامرني وينهاني
ياثوب الاحزان مل القلب ملبوسه ,,,متى على الله ببدل ثوبي بثاني
وارفع انا راية بالضيم منكوسه,,,وادل درب الفرح ويصير عنواني
ياخوف قلبي اعيش اموت منحوسه ,,,ويضيع عمري ولاودعت حرماني


بنـــ الرياض ــوتة...