قصة مستحيلة التصديق واتوقع حلها مستحيل

اول شيء احب اسلم على جميع اعضاء المنتدى انا كنت معاكم قبل زواجي بس انقطعت عنكم تقريبا لي سنتين

وادري مو حلوة ابداها معاكم بمشكلة بس انا قلت لصديقتي انة مالها غيركم وتشوف الردود والحلول الممكنة لمشكلتها

ابدى معاكم القصة من اول تزوجت من ولد خالتها قبل سنة ونص بالبداية عاملوها معاملة طيبة وهي كانت ساكنة معهم بنفس البيت وبعدها توفت خالتها

وللة يشهد انها كانت معهم قمة بالطيب والاخلاق........حتى اذا طلعت للسوق تشتري لهم قبلها.........المهم كانوا اذا يبون يروحون مكان يقولون لها بس مو دايما على حسب رغبتهم وكان عندها الموضوع عادي جدا

بعيد الفطر لاحظوا عيد الفطر يا ناس عيد.............زاروا اهلهم كلهم وطبعا بالليل كل وحدة اطلعت مع زوجها.........صديقتي قالت لزوجها ابي تزور بنت خالتها مسقطة وممنوعة عن الحركة......وقبل لاتروح دقت على اخت زوجها الكبيرة وقالتها انها بتروح وطبعا اخت زوجها قالت لاتروحين ماتستقبل احد......وواضح انها ماتبي لصديقتي تطلع بالزينة قدام الناس.........والمشكلة دقت عليها اربع مرات تقولها انها بتروح اذا تبي تروح معها

المهم هي راحت وزارت البنت وواستها يوم العيد ورجعت بيتها الا خواتة باستقبالها مالهم خلقها ولا وحدة تبي تكلمها؟؟؟!!!!!................هي حسة انهم مالهم خلقها فراحت لغرفتها وهي كانت متفقة معهم على ثاني العيد توديهم لمطعم معين وقايلة للكل بدون اسثناء.....يوم صحت من النوم وراحت تشوف اهل بيتها مستعدين للطلعة لين الناس توهم راجعين من نفس المطعم اللي قالتلهم عنة !!!!وغير كذا محد فكر يقولها.....طبعا هي رجعت لغرفتها وقالت لزوجها نروح انا وياك ......يوم سالها لية قالتة انهم راحوا بدونهم..........زوجها جن لانه كان يعتبر خواتة ملائكة..........توقعوا شنو سوو خواتة؟؟

دقوا على ابوهم وقالولة مع زيادة بهارات.......الا الشايب جاي البيت ويطر ولدة وزوجتة من البيت

طبعا صديقتي اسمعت كل شيء صار تحت وسوت شنطها ونزلت وراحت لبيت اهلها..........على اساس مراح ترجعلهم الا بعد ما يطلعها زوجها بشقة لحالها...........بس بعد شهر رجع زوجها واقنعها ترجع معاه وانه مايقدر يطلعها بشقة

ورجعت معاة..............طبعا هي بدت عليهم بالسلام وهم شوي شوي بدو يردون عليها.........مع تطنيشها بكل وجبة ............لان ما عندها مطبخ وحضراتهم مايخلون لها غداء بس لاخوهم .كنها هي قطوة من الشارع.......وطنشت عشان خاطر زوجها...........وتصير عزايم وجمعات تحت في بيتهم ولا احد فكر يقولها بس محبوسة بغرفتها

بعد فترة ام صديقتي دقت على خوات زوجها اللي هم بنات اختها.....وبعدها صاروا يسلمون عليها ويسولفون معها شوي..........وقلنا ماشي عدت المشكلة

الا بعد فترة خوات زوجها مايردون عليها السلام؟؟!! ولا حتى يطالعون فيها..........مع زيادة تحريش عمها عليها اللي هو ابو زوجها لدرجة انة بس يرد السلام ومن غير نفس بعد ومستمرين بقطع الاكل عنها..............


المشكلة صديقتي اجتماعية حيل انتقلت لوطن زوجها بعد الزواج وصارت بدون صديقات ولا حتى امها وخواتها كلهم بعاد عنها وهذا تعب نفسيتها زيادة حتى حمل مو قادرة من نفسيتها ..........مافي احد يكلمها من اهل البيت ((الا الشغالة طاقتها صحبة معها )) والمشكلة المعاملة الزفت وعدم الاحترام حتى الناس صاروا يدقون عليها يقولون احنا تحت في بيتكم لية ما نزلتي وهي دايم ترقع الموقف تقول تعبانة ولا طالعة

من جد شفتوا ناس بهالقلوب هذي؟؟..........حتى مشكلة مافية سوالف تافهه والحين يبون يطفشونها من البيت بكل طريقة


وهي محتارة شنو تسوي ترضي زوجها وتقعد...ولا تروح لاهلها ولا شنو تسوي؟؟

هذي هي السالفة من طقطق لسلاموا عليكم................. واسفة على التطويل