شورو علي .... تعبانه ..... ممكن تريحوني شوي ....
:: سهر الليل ::
19-04-2007
16 رد
1,077 مشاهدة
:
:: سهر الليل ::
عروس جديدة
19-04-2007 | 08:06 PM
السلام عليكم ورحمة الله وبركاته ....
بنات والله انا تعبااااااااااااااااااانه .... وابغي نصيحتكم ومشورتكم السريعة ليه...
انا انخطبت من 8 شهور تقريبا.... الريال من منطقة بعييييدة عنا .... وهوه مش من الاهل بس من معارفنا ونحن اصلا اصلنا من منطقتهم .....
كان شرطهم اني اترك الشغل وادور شغل بمنطقتهم و وافقت رغم ان عملي كل حياتي..... واني اسكن بعيدددة عن اهلي ....و وافقت....
اهلي ما اتفقو على شي مع انه الجماعه سلمو المهر عقب رمضان على طول لان الظروف ما كانت تسمح هاك الوقت.... وقبل اسبوع جو عندنا بعد ما طلبهم الوالد عساس يحددون تفاصيل العرس والوقت ....
الوالد خبرهم انه يريد العرس بمنطقتنا (مكانا الحالي) ... وهم في البداية ما وافقو على اساس ان المكان بعيد عليهم .... وان جماعتهم كبيرة ... يعني ما افتكرو فينا واني انا البنت ... وعقب ما اقنعهم الوالد وافقو .... بس شوفو كيف كان ردهم.... ما حد من اهلهم بيحضر العرس .... حتى خوات المعرس .... وان الملجة يبغونها عندهم ... وهي بتكون بالنسبة لهم مثابة العرس ....!!!!
انا انصدمت .... بس ابوي قال ما عليه و وافقهم ..وقال لهم لازم تتكفلون بمصاريف القاعة والكوشه ...بس اخوي خذهم على جنب وقال لهم ما عليه انا بساعدكم .... واتفقوا على ان المعرس يدفع 12 ألف بس !!! حق القاعة وتكاليف العرس والملجة !!!! اتصورو .... مع ان المصاريف تفوق ال 50 الف ... بس قلنا ما عليه .... وكان وايييد متعاون معاهم
المهم .... هذا كان بالليل يوم الاربع.... يوم الخميس الصبح ... اتصل الريال ... وقال حق اخوي وهوه معصب هاه ....نحن ما نقدر ندفع ولا فلس .... إذا بغيتونا ادفعو كامل تكليف العرس او ردولنا مهرنا ..وردو علينا الخبر اليوم او باجر.!!!
اخوي سكر السماعة وهوه ...مب مصدق اللي سمعاه ...والله صار حاله يصعب على الكافر ...(اخوي يحبني وااااايد) .... يعني لو قالو حق اخوي ... نحن ما نقدر وادفعو انتو كل شي والله ثم والله ما كان عندنا أي مشكله ... بس هالجملة ردولنا مهرنا هاي هي العوق ...
المهم .... اتصلت ام الولد بالليل .... وقالت نفس الكلام لامي ...وقالت لها .... بنت فلان ردولها مهرها... واكينها يالسه بالبيت ....
كل هذا الكلام .... وهلي ما ردو وقالو لي استخيري ... لان الولد زين ... ويمكن هذا بس من ضغوط العرس ...
المهم استخرت مرة وثانيه وعشر .... ومن تعبي النفسي ما قدرت اقرر ....
.... التفكير كان مجننني ما كنت قادرة اقرر شو ابا ...
واخر مرة صليت استخارة ووكلت امري لله ... ونزلت الصالة لقيت امي واخوي .... والهم كان باين على وجوهم ... سألوني عن ردي ... قلت لهم ما اعرف ولاني قادرة اقرر ... وقلت لهم انتو الوحيدين اللي تهتمون لامري ... وانتو شوفو وقررو واللي تبونه يصير ... امي مشكلتها انها تخاف تقول رايها عقب تندم ... وانا قلت لها ان رايها هو اللي يهمني .... المهم اخوي خبرني ان امي مب مقتنعه لان هالمشاكل اللي ظهرت ممكن تزيد وتأثر علينا بالمستقبل ... قلت لهم اللي تشوفوه .... وقررنا ان نرجع المهر ونفج الخطبة ....
هل هذا نتيجة الاستخارة وتوكيل امري لله ؟؟؟
انا تعبني التفكير لين احين افكر .... اولا بالريال انه حرام نرده ... وانه كان يبغيني ..... وثانيا في نفسي ... وصلت لعمر يمكن ها يكون اخر واحد يتقدم لي خصوصا انا هنيه ما نعرف ناس وايد .... وايضا فكرت في نظرة الناس لي بعد فج الخطوبة ...
ما ادري هالاحساس عادي ... ام هو احساس بالذنب .....
ادري واييييد طولت عليكم ...بس يمكن رددودكم ..تحسن من حالتي النفسية ....
حبيــــبة قلبي والله ماتساهلين الي صار
بس الي سويتيه عين العقل .... شلون تقولين يبيج وشاريج وهو من اولها يقولكم تبونا دفعوا ولاردوا المهر .... لوفكرتي فيها شوي تتوقعين هذا الانسان بتقدرين تعيشين معاه بعدين .؟؟ اذا ابسط حقوقج ( المهر) نازعكم فيه .... ودام انه مب قادر على تكاليف العرس ليش خطب من الاصل .... حبيبتي الرجال الي يبي يتزوج ويكون اسره وبيت اقل شي يسويه انه يقدر هالاتفاق ويتحمل المسؤوليه وانتوا من البدايه شفتوا ترددهم ... اول شي مب حاضرين العرس والملجه عندهم !! ( من متى الملجه في بيت المعرس ؟؟ ) ... وثاني شي يقولون تكفلوا بالعرس ؟؟؟ ماصارت .... واخرتها تبوني ولاردوا مهري ؟؟ يعني كأنه يقول تبوني انتوا دفعوا لي مهر وتكفلوا بعرس بنتكم ...... حبيبتي ادري الامور الماديه مب كل شي في الدنيا لكن هذا واضح انه عديم مسؤوليه وماظن انج تبين رجال فيه هالصفه حتى لوكل مواصفاته زينه ..... سوري اذا كلامي ضايقج عنهم ... بس جد انتي تستاهلين الي احسن وصدقيني الي صار كله نتيجة استخارتج لرب العالمين وهو سهل الامور الي فيها الخير لج .... وان شاءالله ربي بيعوضج بالي احسن منه وبتقولين بنت الغالي قالت
يللا ابتسمي عاد :shy:
انا برد عليج بس كلامي مب حل......بس والله بغيت اخفف عليج شوي اولا الغاليه لازم تستخيرين وانتي موكله امرج للاه عزوجل وانتي مشتته مابتقدرين تقررين....
وثانيا هم ماخذين راحتهم وايد ومب حاطينج على راسهم جنج انتي اللي يايه تخطبين مب هم
وانتوا ماقصرتوا فيهم انا بصراحه مضايقه منهم على طريقتهم يعني يبون كل شي جاهز ليش طلبوج عيل.....
والله انقهرت يعني يشوفونج كبرتي ويستغلون نقطة ضعج لا يالغاليه مب من البدايه جيه
انا مب قصدي احبطتج بس من كتابتج باين كل شي....
بس ارد اقولج لو الله كاتبلج هلالنسان بتتيسر لج امورج وياه بشكل ماتتخيلينه انه قادر على ذلك وحده
واذا الله مب كاتبلج اياه بتزيد المشاكل وهم بيصرون على رايهم ومابتاخذينه
بس نصيحتي لاتفكرين في كلام الناس اللي ماينفع في شي غير الهم والتفكير
انتي ردي واستعيذي بالله وكملي الاستخاره وهدي اعصابج وتوكلي على الله القادر على كل شي
ان قال كن فيكون......لاتحاتي الغاليه وان شاء الله الله ييسرلج امورج ويفرجها عليج عاجلا غير اجل
اولا حبيبتي كل شي قسمه ونصيب
انا شايفه ان الوضع كده مش مطمئن بالنسبه ليكي وامك في رايها معها حق لان رد خطيبك علي اخوك وحش جدا في حقك وحق اهللك كان ممكن الرد يكون افضل من كده لو هم فعلا ميقدروش يعملوا الفرح
الاستخاره نتيجتها مش بتكون انك تشوفي حلم بس لا النتيجه انك ترتاحي للشخص ده اكتر او لا
او ان الامور تسير بسهوله او تتوقف
ويا حبيبتي اوعي تقولي تاني اخاف يكون ده اخر شخص يجي انت متعرفيش الخير فين يمكن حصل ده لان ربنا هيبعتلك حد تاني احسم منه ويستاهلك ودايما ادعي دعاء الاستخارة
وان شاء الله ربنا يسهلك الحال ونفرح بيكي بس خليكي حكيمه في اختيارك لان الجواز ده عشرة عمر مش يوم ولا شهرين ولازم تختاري الراجل اللي يخاف ربنا فيكي ويراعيكي
واقولك علي حاجه جميلة جدا والله
كل يوم تقراي بعد صلاة الصبح سورة ( يس ) وبعدها تقولي اللهم صلي علي سيدنا محمد وتدعي ربنا بالزوج الصالح وبعدين تقولي عليه الصلاة والسلام
وبعد صلاة العصر تقراي سورة ( الواقعه) وتقولي بعدها اللهم ارزقني رزقا حلالا طيبا مباركا فيه
وبعد صلاة المغرب تقراي سورة ( الممتحنة) علي كوب ماء وتشربيه
واظبي عليهم كل يوم وان شاء الله تشوفي كل خير
كمان لو تقدري تقراي سورة البقرة كل يوم او ثلاثه ايام وتدعي ربنا بالزوج الصالح
بنت الغالي:
حبيــــبة قلبي والله ماتساهلين الي صار
بس الي سويتيه عين العقل .... شلون تقولين يبيج وشاريج وهو من اولها يقولكم تبونا دفعوا ولاردوا المهر .... لوفكرتي فيها شوي تتوقعين هذا الانسان بتقدرين تعيشين معاه بعدين .؟؟ اذا ابسط حقوقج ( المهر) نازعكم فيه .... ودام انه مب قادر على تكاليف العرس ليش خطب من الاصل .... حبيبتي الرجال الي يبي يتزوج ويكون اسره وبيت اقل شي يسويه انه يقدر هالاتفاق ويتحمل المسؤوليه وانتوا من البدايه شفتوا ترددهم ... اول شي مب حاضرين العرس والملجه عندهم !! ( من متى الملجه في بيت المعرس ؟؟ ) ... وثاني شي يقولون تكفلوا بالعرس ؟؟؟ ماصارت .... واخرتها تبوني ولاردوا مهري ؟؟ يعني كأنه يقول تبوني انتوا دفعوا لي مهر وتكفلوا بعرس بنتكم ...... حبيبتي ادري الامور الماديه مب كل شي في الدنيا لكن هذا واضح انه عديم مسؤوليه وماظن انج تبين رجال فيه هالصفه حتى لوكل مواصفاته زينه ..... سوري اذا كلامي ضايقج عنهم ... بس جد انتي تستاهلين الي احسن وصدقيني الي صار كله نتيجة استخارتج لرب العالمين وهو سهل الامور الي فيها الخير لج .... وان شاءالله ربي بيعوضج بالي احسن منه وبتقولين بنت الغالي قالت
يللا ابتسمي عاد :shy:
انا مع كلام اختي بنوتة وعسا الله يوفقج حبيبتي (f) (f)
:
:: سهر الليل ::
عروس جديدة
19-04-2007 | 09:00 PM
بنت الغالي .........
اشكر مرورج حبيبتي ...وبالعكس كلامج ما ضايقني إلا فرج من همي .... ودخل الاطمأنانه لقلبي ...
روز ....
شكرا حبيبتي عالرد ... وانا بعد تفكيري من تفكيرج .... وان شاء الله الله بيكتب اللي فيه الخير ....
اختي ..وللأشواق عوده ....
مرورج اسعدني ... واكثر منه ردج الطيب ...
ان شاء الله بحاول اعمل بنصيحتج واقرا هالسور ....
الينبوعه ...
الله يوفقنا جميعا ...
والله بنات مروركم جدا اسعدني ...ما توقعت التجاوب جيه .... على طول ...
بس من جد حسيت براحه من كلامكم
صدق اللي قال ...ما خاب من استشار
الحمد لله اللي بعثلي خوات يساعدوني في اموري ويفرجون عني همومي...
يارب اعطهم على قدر نيتهم ... وابعث لهم ما يسرهم .... وابعد عنهم ما يكدرهم ويضرهم
اللهم بارك لهم فيما اعطيتهم .... وارزقهم بحلالك عن حرامك ....اللهم آميننن
:
:: سهر الليل ::
عروس جديدة
19-04-2007 | 09:05 PM
الحمد لله ....هالسالفة وعتني لامور كنت اعرفها وماكنت اتوقع نتايجها
عرفت معنى الاستغفار ... والتوكل على الله ....
بنات تراه صدق يفرج الهم ويبعث الطمأنينة للقلب ....
واظبو على الاستغفار وان شاء الله ...
الله بيجعل لكم من كل هما فرجا ومن كل ضيقا مخرجا ويرزقكم من حيث لا تعلمون..
هلا يالغاليه الله بفرج همج وثقي بالله عزوجل وهو العالم خيرتج وين والله يسهل عليج امورج
وان شاء الله تاخذين شخص احسن منه وشخص يستاهلج مب يستغلج
وان شاء الله نسمع منج اخبار طيبه وداومي على الاستغفار وماذكرج بقراءة القران وحفظه فيه راحه نفسيه محد يحسبها الا اللي جربها
والله يوفقج لما يحبه ويرضاه
واحنا خواتج ولازم ننصحج وانا ماحبيت اتكلم عنهم وايد لانه الله كاتب يستوي جي والحمدلله على كل حال
وتقبلي تحياااااااااااااتي لج يالغاليه بالسعاده في الدنيا والاخره
ت
تَنْثُرُ الكَونَ عِطرَاً
مشرفة سابقة
19-04-2007 | 11:48 PM
الله يرزقك بمن هو أحسن وأفضل منه
والموضوع لا يستحق ان تفكرى ولا تتعبى نفسك ..
فمثله لا يستحق التفكير فيه يا اختى
الله يعوضك بخير منه ويرزقك سعادة الدارين
حبيبتي الله يعوضك ن شاء الله باللي احسن منه...
انا كمان لو مكانك كان هدا قراري..
وانتي استخرتي الله وهو اللي دلك...
لا تحزني ولا تضايقي حالك...
ان شاء الله بكرة تلاقي اللي احسن منه واللي يعرف قيمتك هو واهله....
مع تحياتي...
اول شي حبيبتي هذا اللي يبي يتزوجك اهله هم اللي يمشونه ويتحكمون فيه
انتي راح توافقين عقب ماياخذك انهم يتحكمون في حياتكم
طيب هذا الرجال احس انه يبي يستفزكم عشان ترفضون ماادري ليش
بس هذا اللي حسيته
وانتي فكري ان هذي حاااتك وهذي زواااج وحياتك كلها راح تكون له هو
وعقب راح تجيبون اولاد
لاتفكرين انه هذا اخر واحد وانا كبيره او اي شي من هالقبيل
لان الحياه قسمه ونصيب
وفكري بنفسك قبل كل شي
واتمنى لك التوفيق اختي الغاليه
طمنينا علييييك
نصيحة اذا هو من البداية كذا اجل كيف بعدين لا لا من البداية عزي نفسك تجديها والله يرزقك الي احسن منة
:
:: سهر الليل ::
عروس جديدة
20-04-2007 | 01:09 PM
خواتي
::: تنثر الكون عطرا :::
:::Lona 11:::
مروركم اسعدني ... وخفف عني
الله يوفقنا جميعا .... ويرزقكم من عطاءه الحسن
::أنا سعودية:::::
اهلي بعد حسو بهالشي انه اهله متحكمين فيه .... لانه لما اتصل باخوي جنه كان حد دازه يتصل ...
الله يعوضني باللي احسن عنه ...
::أم محمد::::
مشكورة الغالية ... مرورج اسعد قلبي ....
الله يعوضج بالزوج الصالح اللي يسعدج و يهنيك...
الغاليه اسمحيلي...من البدايه كانت الشروط غلط...
ان الواحد يتنازل عن اشياء ما فيها شئ...
لكن مب لهذا الدرجه...
شافوكم تنازلتوا عن اشياء...
و بتساعدون في مصاريف ثانيه...
و وافقتوا ان النلجه تكون بمثابة عرس حقهم...
قالوا عيل هم يبون يزوجون بنتهم و السلام...
خلنا عيل نقولهم ردوا المهر و ادفعوا كل شئ...
الغاليه...لا تزعلين على شئ ما يستاهل...
خلي الزعل و الحسره له هو...هو اللي خسرج..مب انتي اللي خسرتيه...
الله يفرح قلب امج و اخوج و اهلج فيك...
عاجلا و ليس آجلا...
بس لاتتنازلون....
الله يوفقكم...:shy:
و انا بايد كلام بنت الغالي.........................والبدايه مو زينه ابدا ابدا ومن اولها يصير هيك احسن من بعدين خليكي معززه مكرمه ببيت اهلك احسن من بعدين يقولك اهلك ما صدقوا بخلصوا منك لدرجه دفعوا تكاليف العرس وكنا شو مانطلب من اهلك يقولوا اوكيه (يعني يلا بس خلصنا واتزوجها) .................
لاء هيك اكرم واحسن الك ولا تزعلي ولا يهمك والله يبعتلك الاحسن منه يارب
صح لسانج بنت الغاالي نفس الكلام كنت ابي اقوله
بنت الغالي:
حبيــــبة قلبي والله ماتساهلين الي صار
بس الي سويتيه عين العقل .... شلون تقولين يبيج وشاريج وهو من اولها يقولكم تبونا دفعوا ولاردوا المهر .... لوفكرتي فيها شوي تتوقعين هذا الانسان بتقدرين تعيشين معاه بعدين .؟؟ اذا ابسط حقوقج ( المهر) نازعكم فيه .... ودام انه مب قادر على تكاليف العرس ليش خطب من الاصل .... حبيبتي الرجال الي يبي يتزوج ويكون اسره وبيت اقل شي يسويه انه يقدر هالاتفاق ويتحمل المسؤوليه وانتوا من البدايه شفتوا ترددهم ... اول شي مب حاضرين العرس والملجه عندهم !! ( من متى الملجه في بيت المعرس ؟؟ ) ... وثاني شي يقولون تكفلوا بالعرس ؟؟؟ ماصارت .... واخرتها تبوني ولاردوا مهري ؟؟ يعني كأنه يقول تبوني انتوا دفعوا لي مهر وتكفلوا بعرس بنتكم ...... حبيبتي ادري الامور الماديه مب كل شي في الدنيا لكن هذا واضح انه عديم مسؤوليه وماظن انج تبين رجال فيه هالصفه حتى لوكل مواصفاته زينه ..... سوري اذا كلامي ضايقج عنهم ... بس جد انتي تستاهلين الي احسن وصدقيني الي صار كله نتيجة استخارتج لرب العالمين وهو سهل الامور الي فيها الخير لج .... وان شاءالله ربي بيعوضج بالي احسن منه وبتقولين بنت الغالي قالت
يللا ابتسمي عاد :shy:
انا مع اختي بنت الغالي وتاكدي ان الله سبحانه بيعوضك خيرا منه وعليك بالدعاء
والله يفرج همك ويسهل لك كل امورك ويرزقك من هو خير منه اللهم امين