يا امهات ..ياحوامل يا ..خبيرات تعالوا ارجوكم ..

هلا خيوه، اسمحي لي اجاوبش على الاسئلة اللي اعرف اجوبتها ...

اميـ بوظبى ـره:
السلام عليكم ورحمه الله وبركاته

خواتى عندي مجموعه اساله اتمنى تجابونى عليها

بس رجاءا اي وحده تجاوب تكون واثقه من اجوبتها وتتحط في ذمتها هل الاجوبه

لأنى خوافه بصراحه ...


بسم الله ...


1- متى الحامل تبدا تمشى ؟؟
الحامل تمشي في شهورها الأخيره يعني من نص السابع او نهايته بس طبعا بحيث انها ما اتعب نفسها وعلى هو متى ما حست بالتعب لازم توقف

2-هل الشى يسهل عمليه الولاده ؟؟
بالفعل المشي يسهل عملية الولاده

3- هل مستشفى الوصل او الكورنيش تعطيكم الابر اللى تخدر الالم ؟؟
للأسف ما عندي خبر بس اتوقع ان جميع المستشفيات في الولادة الطبيعية لازم يعطون الأبر المخدر وعادة تكون اسفل الظهر

4- متى اشتري اغراض الياهل؟؟
كل ما بكرتين أحسن عشان ما تعجلين نفسش في الشهور الأخيره وتاخذين على راحه ، يعني من نهاية الرابع بداية الخامس ممكن تبدئين

5- متخبله وابا اتسبح في بركه سباحه .. فهل عادي ؟؟
الأفضل انش ما تسبحين خاصة في الشهور الأولى لأنه نسبة الإجهاض تكون مرتفعه والسباحه تمثل ضغط على البطن والرحم ... اذا بتخلين رجولش في الماي او توقفين او تقعدين مو مشكله بس لا تتحركين حركات السباحه، ويفضل انش تمتنعين عشان ما تصيدش الله لا يقوله التهابات

6-هل في الرابع تقدر الدكتوره تحدد جنس المولود ؟؟
هو ممكن من نهاية الشهر الثالث بس كل ما كبر الجنين يتكون فرصة المعرفه أكبر


7- السونار (ultra sound ) ابيض واسود طبعا ... بس اشوف صور في المواضيع هنى ملونه
للبيبي ... فشو اسم هل النوع الملون ؟؟ وعادي اطلبه من الدكتوره تحطه ؟؟
انا نفسي اعرفه بعد

8-ازاله الشعر بالحلاوه في المنطقه الحساسه هل يأثر في فتره الحمل ؟؟
ما اظنه يأثر بس المشكله انه في الشهور المتقدمه ما بتقدرين توصلين

9-هل من الطبيعى ان اشعر بالم في المنطقه الحساسه من تحت يعنى في العضمه اللى بين الريول
بس من جهه اليسار .
طبيعي اذا كان الم خفيف بس احتياطا راجعي الدكتوره واذا تكرر اكثر من مره ، وانصح بالإكثار من شرب الماي

10- انا ادرس حاليا في الجامعه ... وطبعا افكر اكمل في الصيف .. بكون في الشهور الاواخر
السادس والسابع والثامن ... فهل تنصحونى اوقف الدراسه .. ؟؟؟؟ انا ماابى اوقف عشان مااكسل ...
برايي لا توقفين لأنه بعدين بتلتهين مع البيبي وبيصير صعب انش تواصلين

المهم بنات اسمحولى على الاطاله هل الاسأله ادور في بالى وايد وابا حد يجاوبنى عليهم

حتى لو سؤال واحد ...

اتمنى اكون افدتشوالله يقومش بالسلامه :)

ومشكورين مقدما ...

هلا اختي الغالية,,,

بحاول اجاوب على الأسئلة اللي أقدر عليها فسامحيني,,,


1- متى الحامل تبدا تمشى ؟؟

اذا بكر حاولي تمشي من الشهر الثامن,,

2-هل الشى يسهل عمليه الولاده ؟؟

اكيد,,, يخلي عضلات الرحم مرنة تساعد على خروج الجنين بسرعة,,
أصلا لو تلاحظين في المستشفى يخلون الحمل يمشن لين وقت الولادة,,
فأنتي مشي من قبل أحسن,,,

3- هل مستشفى الوصل او الكورنيش تعطيكم الابر اللى تخدر الالم ؟؟

انا عني عطوني في مستشفى الوصل ابرتين

4- متى اشتري اغراض الياهل؟؟
يفضل من الشهر السابع

5- متخبله وابا اتسبح في بركه سباحه .. فهل عادي ؟؟

ما أدري والله ما أقدر أفيدج فالموضوع,,, لاحقة على السباحة اتسبحي عقب ما تربين
يعني حبكت وانتي حامل

6-هل في الرابع تقدر الدكتوره تحدد جنس المولود ؟؟

تقدر تعرف اذا كانت شاطرة وايد,,, روحي عند الدكتورة زينب

7- السونار (ultra sound ) ابيض واسود طبعا ... بس اشوف صور في المواضيع هنى ملونه
للبيبي ... فشو اسم هل النوع الملون ؟؟ وعادي اطلبه من الدكتوره تحطه ؟؟

يسمونه ال 3d

8-ازاله الشعر بالحلاوه في المنطقه الحساسه هل يأثر في فتره الحمل ؟؟

لا عادي انا لين ما اربي وانا أستخدم الحلاوة

9-هل من الطبيعى ان اشعر بالم في المنطقه الحساسه من تحت يعنى في العضمه اللى بين الريول
بس من جهه اليسار .

عادي,,, انا في السابع ولين ألحين أحس بهالألم

10- انا ادرس حاليا في الجامعه ... وطبعا افكر اكمل في الصيف .. بكون في الشهور الاواخر
السادس والسابع والثامن ... فهل تنصحونى اوقف الدراسه .. ؟؟؟؟ انا ماابى اوقف عشان مااكسل ...

عادي كملي ,,, ما أنصحج توقفين,,, بس حاولي ما تتعبين عمرج

مسموحة الغالية,,, وان شا الله أكون افتدج,,, واذا بغيتي شي انا جاهزة,,, ترى انا بعد من دبي

مشكوره اخت مروم .. والرميثيه ....

دامج من دبى خبرينى اماكن اقدر توزيعات حق المواليد ,,,, جى فخمه وحلوه ...

وملابس حوامل بعد ...

واسمحيلى لو ثقلت عليج