مرحبا إخوانى الاحباء
أكتب اليكم اليوم وانا شديد الذهول من ما رأيته
===
حتى لا اطيل دعونى استفيض بالشرح:
ما سنتوصل اليه اليوم فى نهاية هذه المقاله ان :
اى محادثة تجريها سواء على ياهو مسنجر او msn مسنجر يمكن الاطلاع عليها بسهوله تمام بضغطة زر من اى شخص معك فى الشبكه المحليه ( network)
وما اكثر الشبكات الان حيث نستخدمها جميعا لنستفيد بخدمة ال dsl ولكن للأسف إكتشفت اليوم فقط انها نقمه
========
نبدأ بالشرح :
إنتشر مؤخرا برنامج مخصص للياهو مسنجر
وبرنامج اخر مخصص لل msn مسنجر
قامت ببرمجتهما نفس الشركه
اى من البرنامجين وظيفته ان يظهر امامك اسماء اجهزة المشتركين معك فى الشبكه
وعندما تختار اى منهم وتترك البرنامج يعمل فإنه يسجل كل ما يتم من محادثات لدى هذا الشخص
بالتاريخ وبإسم الشخص الذى يحدثه
إنها مصيبه والله
والمصيبه الاكبر ان البرنامج متداول بشكل مخيف
حتى انى عملت بحث عن اسمه فى جوجل وجدت عشرات المنتديات العربية التى تضع روابطه كنوع من السبق
اى سبق ملوث هذا واى طرح تطرحونه؟
لن اذكر اسم البرنامج هنا بالرغم من انه اصبح شديد الانتشار لكن بالطبع ليس من المنطقى ان اساعد على انتشاره اكثر
وثق يا من تستخدم البرنامج مع جيرانك او مع كائن كان " انك تقترف جرما كبيرا لا تشعر به الان
=======
ندخل فى التقنيات شويه للناس اللى عايزه تعرف بالتفصيل " زى حالاتى"
البرنامج بيتصل بالراوتر كما ذكرت فى احد الشروحات من قبل (موجود هنا فى المنتدى على ما اظن بيتكلم عن طريقة عمل ريستارت للراوتر بس مش فاكر اسم الموضوع)
البرنامج بيتصل بالراوتر وبيعمل حاجه اسمها snifing
يعنى تلصص
يعنى بيظل كامن يحلل المعلومات الداخله والخارجه من الروتر
وبينتقى من بين هذه المعلومات رسائل الدردشه
ويفك تشفيرها " لأن ياهو او msn له تشفير طبعا
ويحولها لأصلها ويعرضها لصاحبنا المتلصص تانى
========
نبدأ فى سرد نقاط الخطوره فى هذا الموضوع
حتى الان مفيش حل واحد صحيح لهذه البرنامج الكارثى
لأن بكل بساطه البرنامج ملوش علاقه بأى نوع من التدخل بجهاز الشخص المتلصص عليه او الضحيه
هو بيروح على الراوتر مباشرة
دى اول نقطه فمش عايزين حد يفتى ويقول حد انتى فايرس ولا فاير وول ولا حتى انتى sniff لأن ال sniff هنا مش على مدخل جهازك لكن ده على المدخل الخارجى لجميع الاجهزه بالعالم الخارجى اللى هو الانترنت
تانى نقطه مفيش برنامج مضاد نزل ليه زى ما نزل ل net cut برنامج مضاد اسمه anti net cut
لكن ده ملوش
لأنى حتى مش متخيل برمجيا هيعمل ايه البرنامج المضاد ده؟؟؟
=========
الحلول المقترحه وكلها صعبة التنفيذ من وجهة نظرى هى :
1- إستخدام هذا البرنامج
SimpLite-Yahoo: Yahoo! Messenger encryption
للتحميل إضغط هنا
وهو برنامج يقوم بتشفير المحادثات الخاصه بياهو مسنجر الخارجه من جهازك
ويجب تثبيته بالجهاز الاخر عند الشخص الذى تحدثه ايضا حتى يفك التشفير لهذه المحادثات
وهى فكره ذكيه جدا لكن مش هتلاقى البرنامج متثبت عند كل الناس برضه
2- أن تستخدم شبكة لوحدك
يعنى ميبقاش معاك حد فالنتورك
من الاخر تشترى خط adsl لوحدك ومتطلعش منه خطوط خارجيه زى منا عملت كده وهيشتغل الخط عندى بعد كام يوم
3-متعملش حاجه بس تقول كل عشر دقايق استر ياللى بتستر
============
بالتوفيق واتمنى اكون افدتكم
ملحوظه :
دايما بعترض على الرسائل من نوعية " احذروا فيروس خطير لو حد ضافك بإسم برعى برعى متقبلش الاضافه لأنه فيروس خطير هيخلى اى كلام تكتبه فالمسنجر كله برعى برعى
لكن المره دى انا مجرب ما كتبته بنفسى
بنفســــــــــــــــــى
ودى صوره من محادثه ليا مع صديقى بعد تجربة البرنامج على نفسى
والبرنامج موجود ويعمل وملوش غير الحلول غير جائزة التنفيذ اللى انا ذكرتها فوق دى
يعنى نشر الموضوع هيكون افضل شىء تعلموه يا اخوانى فى الفتره القادمه لنشر الوعى بين الناس على الاقل وهو اضعف الايمان
================
تقبلوا ودى وتقديرى
منقووووووووووووووووول
