خاص الى بنات الشرقية

هلا اختي العزيزه
ليش ماتقرين طلب الاخت انتصار بنفس الموضوع وفيه العناووين اللي تبيها

شكرا اخت فرحة


انا شفت موضوع الاخت انتصار من قبل

لكني انا بغيت اعرف عنوان الخطوط المتجددة بالضبط يعني الشارع اللي هو فيه موازي اي شارع تقاطع اي شارع او يمكن قريب من مكان معروف لاني هذا الاسبوع كنت في الخبر ودورت على شارع الامير فيصل بن فهد لكن للاسف مالقيته فانا كتبت موضوعي هذا علشان ابغى معلومات اكثر عن العنوان وياريت القى جواب يفيدني من البنات

شكرا فرحه مره ثانية ما قصرتي والله

اسمحيلي لو اعرف افصل كان كتبتلك
الهمة عند البنات مايقصرون

اخت ناس
اولا وقبل كل شيء شكرا جزيلا
ثانيا انا طلبت المساعدة من البنات يعني العضوات والله ما قصدت افرق بين اي احد من العضوات

شارع البيبسي انا اعرف شارع البيبسي اكيد لكن اللي ما اعرفه ان اسمه شارع الامير فيصل بن فهد واعرف كل المحلات اللي ذكرتيها

شكرا لك مره اخرى وان شاء الله ما زعلتي

خلاص انا ما بستعمل كلمة بنات ابداً:(

راح اقول ياعضوات المنتدى او يا نسوان المنتدى احسن:)

ان شاء الله نخدمكم مره ثانية

اول شيء حبيبتي بغيت اقلك عن تجربتي الخاصة بالنسبه للخطوط المتجددة

انا ياحبيبتي فصلت عندهم فستان الخطوبه ب 6000 ريال وقلت معليش المهم يطلع مضبوط

وقالي انا ارسله افصله في لبنان ومن هالكلام
ولكن الصدمه ان عنده بيت صغير في احد الاحياء بالدمام يفصل فيه واللي خلاني ادري ان زميلتي عندهم سواق ساكن مع سواقين ثانين وقعد يقلهم انا فيه جنب بيت مال انا هذاخياط مره كويس فيه فلوووس كثير بس مكتب في خبر
وقالت لازم اروح اشوف ذا الخياط وشو ويوم راحت تفاجئت انه حق الخطوط المتجددة وبعدين حاولت تفصل عند هالمكان قالها لا لازم تروحين المكتب في الخبر

بحبيت انصحك بخياطين ثانين
كلاسيك اللي في الخبر مول يفصل ب 600 ريال بس وخياطين شارع السويكت ماعليهم كلام انشالله الحين بفصل عندهم

والله يوفقك ويطلع الفستان حلو وتدعيلنا

مرحبا

شكرا لك اخت عروس الشرقية
ان شاء الله انا باروح اشوف كلاسيك اللي في الخبر مول
وبالنسبة حق الخياطين اللي في شارع السويكت انت تعرفين خياطين محددين منهم يعني لازم في هذا الشارع خياط احسن من الاخر تنصحيني بمن منهم

اخ ناس
شكرا لك على ردك انا لحد الحين ما قررت اني افصل عند الخطوط المتجددة لكني قاعد ابحث عن الافضل والسعر المناسب لان مثل ما قالت اخت عروس الشرقية 6000 كثير جدا لكن هي فستان خطوبة وانا عندي حفلة زواج يعني مو انا العروس