رجال هالوقت .. صاروا حريم

حبيبتي انتي عودتي زوجج أنج تصرفين عليه..لازم تعلمينه الاثنين يصرفون..واللي قاعد يصير غلط..عوديه يساعدج في مصاريف البيت زوجج على عينج وراسج..ومافيها لو تدلل عليج وطلب لاب توب..بس وانتي تصرفين وراتبج مايكفيج..ويتغير ويستغل هالشئ بطلب لاب توب..غلط..لو انتي من نفسج ممكن تأخذيله شئ بسيط..لازم ماتعلميه يطلب شئ فوق طاقتج..بيتعود وبتصير بنك مايوقف وديون الدينا على راسج..واقعدي معها وكلميه بهدوء حبيبتي وتافهموا على مصاريف البيت..
حبيبتي الجرمه مهما كان زوجها مو زين ماتقلل من شأنه وتقول حرمه..حاولي ماتكرري هذي الكلمه لزوجج لانها تكسر الريال..بس بالتفاهم وتفكرين بعلقج صدقيني كل الامور بتمشي تمام..وانتي تقدرين اتغيرين زوجج..ممكن ضغوطات الحياه وانه يشوف ربع يمتلكون لاب توب وهو لا شئ حز في نفسه..لو كلمه حلوه منج تطيب الخاطر ان شاء الله كل شئ بينحل وانصحيه يمكن هو محتاج حد ينصحه..
وايد ناس رغم كبر سنهم الا انهم يحبون يعيشونه نفس اللي حواليهم حتى لو كانت ماديتهم ضعيفه يعيشون بالديون بس المهم يمتكلون كل شئ..والدنيا ماشئ اللحين على هالمنوال..

نفس ماقلتج اقعدي معاه وتفهمي منه..وانصحيه..

والله يسر امركم ويصلحكم يارب:)

صح عندك حق
الرجاله الزمن دة مبقتش رجاله
عايزين يرتاحوا والست هي اللى تصرف وتشتغل

بس والله انك رديتي عليه كويس برساله الجوال
واوعي تنفذي طلبه دة

حتى لو زاد معاملته السيئة لحد ما يحس ان ما فيش فايدة وهو بيرجع لوحده ويمكن يتغير ويحس شويه

حبيبتى معلش هو غلطتك من البدايه انك عودتيه انك تتحملى كل حاجه وعندنا مثل مصرى بيقول زوجك على ماتعوديه

وانتى عودتيه تشيلى همه وتصرفى

حاولى مش تعملى حاجه خالص خليه يحس بالمسؤليه شويه ياحبيبتى لان ده الوضع الطبيعى مين مفروض يصرف على مين
ولما يجى يكلمك قوليله انك كنتى بتعملى اللى عليكى واكتر ومش تقدرى تشيلى فوق طاقتك اكتر من كده


وربنا يهديه ليكى يارب

حبيبتي اصحك تشترين له اول شي لاب توب بعدين سياره بعدين يحطه الحرمه عللى ضهرك ومن

شقاك انتي والله صدق معاد فيه رجال حسافه والله

[frame="1 80"] حبيبتي ريال قاعد يدلل عليج ويدري انج تحبينه وبتنفذين كل طلباتة بس لا تخلينه يتمادى
لحد أهنيه وقوليلة ستوووووووووووب أنا احبك اي نعم وتزجتك برغبتي لا تفكر أني باتخلى
عنك بسهولة بس الحياة ما تمشي الأ اذا اتفقنى وقعدي معاه وكلميه عن حاجاتي الأساسيه من
غير ما تحسسينه أنج الي قاعدة تصرفين عليه وعلى البيت وأنفخي فيه من الكلام المعسول
وأنك أنك حسسيه بالمسؤلية والرجولة ولا تغلطين أبداً وتصغرين من مستواه وأشوي أشوي
أنشاء الله بتغير وأهم شيىء لا تنسين الدعاء له في كل صلاة وإنشاء الله بتبشرينا خيررر[/frame]

بقولك شي رجلك على ماتعوديه وخير ياطير راتبه ضعيف

لازم يحس انه رجال البيت ويحاول يحسن دخله مو انت تصرفين عليه

وعلى طلباته اللي مالها داعي واذا جاه فلوس جاب الحرمه

قوليله ماعندي والراتب مايكفي لازم يكون لك موقف جاد


والله يسعدك

الله لا يحرمني من ردودكم
المشكلة إني لازم أصرف لأني أعرف إنه ما يصفي على شي من راتبه
و الله حتى هدوم و مصروف أعطيه
و قلت الرجال بيحطني على راسه
مدللته و منظفة بيته و باجيب له صغير أو صغيرة
شيبي بعد صايرة رجال و مرة بس صعب أتقبل إنه يطلب مني و يساومني بعد
هو على راسي بس كل شئ له حد و أنا وصلت حدي ما اقدر اضحي اكثر
المشكلة انه ما يقدر اللي اسويه له و الله لو احرق اصابعي له ما بين بعينه و لا حتى يشكر
و حتى لو اموت تعب في التنظيف ما يمد يده و يقول انا رجال ما انظف
و اجي بارد و اقول و لا المرة تصرف بس استحي على دمي و ابلعها
اوقات احسه ماخذني لفلوسي رغم انه ما يحلم يطولني احنا اعلى ماديا و اجتماعيا و حتى علميا و ثقافيا
مو غرور و الله بس هو نفسه يقول ما توقعت توافقون علي
و انا عمري ما حسسته بشئ بالعكس مرة يقول لي ابغى اللي نجيبه ابيض مثلي (لأني أسمر منه) بس و الله مملوحة ما علي قصور
و مرة يقول جسمج مو حلو بس صابر (و الله جسمي حلو و لبيس)
ما ادري شاسوي تعبت منه و ابتديت انفر من شوفته:sad:

الولد على ما تربيه و الزوج على ما تظرّيه (يعني تعوديه).. بس إنتي ماشاء الله الظاهر إنج ربيتيه و ظرّيتيه..الله يعينج و يصبرج.. مشكلة عويصه لكن الحل بإييدج..

إنتي شلي من بالج فكرة إن زوجج راتبه ضعيف لأن الريال ملزوم يصرف عليج قانوناً و شرعاً حتى لو كنتي من أغني أغنياء العالم...

إنتي تطلبين منه شي بس ما يلبيلج الطلب وبعدها إنتي على طول تتصرفين و توفرين الشي و هو تعود على هالشي، يعني عودتيه إنج تتصرفين ما تنتظرين لين هو يساعدج او يحاول يساعدج، بدليل إنج طلبتي إنه يوصلج المستشفى و يوم ما رضى تصرفتي و رحتي بالتاكسي، لانه عارف إنج دايماً تمشين أمورج ما بتنتظرينه و مش معتمده عليه في أي شي...

لا تصرفين على البيت إلا بالحد المعقول يعني يكون شي جداً جداً ضروري و يكون تحتاجينه إنتي مش زوجج.. و خلي الباقي عليه.. مصيره يدبر نفسه.. حتى لو ما صرف عليج بس كبداية خلي يصرف على نفسه عالأقل..


حتى لو راتبه ضعيف بس هذا مش معناته مووووووووووول مايصرف على البيت!! هالشي ما يدش العقل بصراحه عيل وين يودي فلوسه؟؟ إنتي الأولى إنه يصرف عليج و بعدين يبدى امور ثانية..

شوفي الهنود المساكين رواتبهم ضعيفة جدا بس التزاماتهم كثيرة أعطيج مثال على فراش عندنا في الدوام راتبه 1500 درهم و شوفي كم عليه من الإلتزامات: أجار بيت، صرف، مدارس عيالهم + رسوم مواصلات باص المدرسة، فواتير كهرباء، علاج، و غيره و غيره بس على هذا تلقينهم كل جمعة يطلعون عيالهم رحلة أو مكان ترفيهي أو يتعشون في مطعم، و كل إجازة صيف يسافرون.. كييييف؟ لأنهم يعرفون كيف يصرفون أمور البيت و يرتبون مصاريفهم شهريا ... وعايشين مرتاحين ولا يشتكون من شي..

إنتي و زوجج (مجرد شخصين) ماتقدرون إتسوون هالشي؟ إذا ما رتبتي أمورج معاه الحين عيل كيف يوم بتيبين البيبي؟ بتصير الأمور أصعب....

إنتي لازم تقللين من الصرف و وفري لليوم الأسود إنتي ما تعلمين كيف بتكون الأمور في الأيام اليايه و بيكون عندج بيبي.. خلج مستعده و متهيأه لكل أنواع الظروف... كوني الأذكى و راتبج إنتي أولى فيه حتى لو تحرقينه و مستحيل يقدر يحاسبج عليه حتى لو ما صرفتي ولا فلس.. إنتي حره في مصروفج... بس وفري للبيبي لان أكيد بيحتاج صرف و زوجج شكله ما بيفتكر في صرفه.. و بعد ما تولدين لا تصرفين قوليله الدوام وقف المعاش لاني في إجازة وضع او اي شي من هالقبيل.. كل شهر طلعي علثه و قللي المصروف قد ما تقدرين، يعني مره قولي الاسعار مرتفعه ما قدرت اشتري كل لوازم البيت، و مره قولي بطاقة البنك ضاعت و قدمتي على بدل فاقد بس تاخذ وقت، و مره سلفتي صديقتج او إختج و كانت محتاجه ضروري ...

ما شاء الله البنات ما قصروا والله

بس صج انتي طنشي يعني ولا تستسلمين له

اوكي

حبيبتى مثل ماقالت الاخت انسه فلة إنتى عودتى لاتعطينا سالفه والله رييال ها الزمن مافي فايده منهم الله يعين عل كذي هونت مابي أتزوج خلاص

من جد ضحكت من جد دا اسمه المضحك المبكي


اشبه دا لازم تحسميه ولا تستسلمي له خليه يشيل مسؤوليته

الله معاك يا غاليه

الله يساعدج على هالزوج!!!

اي والله اشتري لي لابتوب!!!!

ما اقول الا الله يهديه ويصبرج عليه

انتبهي اختي تنفذين اللي يبي وخصوصا انه طلبه منك بطريقة تهديد

لو كان باسلوب ثاني كان عادي

qshark:
ما شاء الله البنات ما قصروا والله

بس صج انتي طقعي يعني ولا تستسلمين له

اوكي