انا اختكم محتاجه حيل وقفتكم معاي اكثر من اي وقت

بسم الله الرحمن الرحيم

صباح الخير اخواتي انا تعودت عليكم وحبيتكم من قلبي والله الشاهد علي علشان جذي افتح قلبي لكم مالي غير الله وانتو


خواتي انا نفسي تعبانه انا عمري الحين 27 سنه وما تزوجت واحب لي انسان وهو رافض الزواج مني انا مو متوقفه عليه لكن حتى خطاب ما يجون واختي عمرها الحين 41 سنه وما تزوجت واحنا بالبيت بس بنتين ولا عندنا اخ غير امي وابوي الله يخليهم لنا ولا عندنا عمه تزورنا ولا خاله ولا احد يدخل علينا من كثر الملل بالبيت كل واحد ماله خلق للثاني حتى لو سولفنا كلنا وابوي رجال كبير وامي بعد وابوي انسان يموت على شي اسمه اطفال وانا لما اشوف هالشي قلبي يعورني والله اني افرح وانتظر الصبح متى يجي علشان اروح للدوام انتظر الليل ساعه ساعه متى يخلص علشان يجي الصبح واداوم حتى الخميس والجمعه اكرهه حتى العيد لما يجي يضيق خلقي لأن ما عندنا احد يزورنا حتى من فتره تهجمو علينا بيت جيراننا وولدهم الكبير سب ابوي وغلط عليه وكان بيضربنا لأننا ما عندنا ولد ولا عندنا ازواج علشان جذي هم استقوو علينا واستضعفونا صح انا دايما اقول الله كريم ولا عمري يأست من رحمة ربي لكن الانسان له طاقه معينه والله العظيم يا بنات ويا اخواتي اني كل يوم اطلع مع اختى من البيت علشان ما نحس بالوحده بس ملينا وحنا نطلع والله انى امشي بالسياره وطالع الناس واحس اني ضايعه ساعدوني انصوحني قولولي شنو اسوي الله يوفقكم محتاجه وقفتكم معاي