تسرعت في قراري

هلا بيكي يا حبيبتي (فتو1)
أتفضلي ما هو موضوعك وخلينا نشوف.

مرحبا حبيبتي هلا فيج انا مثلج زوجه ثانيه بس حبيت اسال ان لو انتي توى متزوجه ولا من زمان لن لو مصار لج سنه زواج اقولج عادي تصير مثل هسوالف وتحسين ان زوجج متندم او متتملل منج تدرين ليش لنه بعد الزواج يحس بذنب لنه تزوج علا زوجته وام عياله ولن كل مايروح عندها تحسسه هي بذنب وانها مسكينه فطبيعي يحس بشي تجاهج بي صدقيني بعد فتره بيهداء وبتتغير كل الموازين وبشطارتج انتي تخلينه ما يستغني عنج وعلا فكره الرجل مايسوي شي غصب عنه يعني لما تزوجج كان باختياره وانه محتاج شي ولا ليش يتكلف ويتحمل مسؤليه كبيره مثل الزواج فستعذي بالله من الشيطان وخليج طبيعيه معاه كلها فتره وبتنتهي صدقني وبس لا تمشتين فينا (ضرايرنا ) هههههههههههههه امزح

بالعكس يا اختي احمد ربك دامك متفاهمه مع زوجته وهي نفس الشي ارتحتي من هم كبير

لو الزوجتين يكرهون بعض وهذي اساس المشاكل دائماً

لاتوسوسين ولاتخربين بيتك عادي عيشي مرتاحه وهالأفكار والاحساس لابد تحسين فيه لكن الواقع ان شاء الله غير

والله مادري وش اقولج بس مثل ماقالولج الحين يحس بذنب خلج طيبه وحببيه فيج وبعدين وش بتسوين تقولين تسرعتي خلاص ماهو الفاس طاح بالراس مالج مرد غيره وبعدين الريال اذا بقى يعرس شوره براسه يبيله عيال عشان ترتاحين وهو بيرتاح وبيرضى وتحملي تهدمين بيتج
وفداعة الرحمن

حبيبتي لا تكونين ضعيفة و تنسحبين لأنج بتكونين الخسرانة اوحيدة في السالفة
أنا زوجي مطلق و في فترة الخطبة حسيت إنه تندم ليش إنه طلق الأولى و حاس بالذنب بس ما خليته تميت مطنشة الموضوع و تعاملت معاه بحب و حنان لين نساها و ألحين تزوجنا و عايشين بسعادة

ما بالج انتي تزوجتي خلاص يعني مو لسه عالبر
حاولي تكسبي زوجج و توددي له و الحمد لله ما فيه مشاكل بينج و بين زوجته الأولى
الله يطمن بالج

اختي الغالية دام الاسلام حلل للرجل ان يتزوج اربعة حريم ليش الزعل وتحطين بخاطرج

المهم ان الريال يعدل بين زوجاته وفكري شويه لو الاسلام حرم للرجل ان يتزوج اربعة حريم واكتفى كل رجل بامرأة واحدة ومن حكمة رب العالمين جعل عدد النساء ضعف عدد الرجال لأن الرجل مكلف بالحرب واعمال الشاقة والجهاد في الحياة فتخيلي ان هناك امرأة مطلقة وارملة من سيتزوجها وسيعليها وبعدين كل امرأة تحب يكون لها زوج واطفال شوفوا كيف رحمة الدين الاسلامي مو مثل الدين اليهودي والمسيحي
فليش الزوجة تحرم اختها من الزواج وتكيل لها المشاكل الحمدالله انج وزوجته الاولى متفاهمين وتمنياتي لكم بالسعادة

و طيب لاكن طلباتها كلها مجابه وانا يصرفني على اهلي كانه تزوج لمتعة وانتهت مع ان لي ست اشهور من تزوجته واحسه ما يفهم احاسيسي ومشاعري علاقتي بالاولى يادوب نتلاقى لاكن انها دائما فرحانه ولاكان صار شي وهي الحق احلى مني وودي بول

و طيب لاكن طلباتها كلها مجابه وانا يصرفني على اهلي كانه تزوج لمتعة وانتهت مع ان لي ست اشهور من تزوجته واحسه ما يفهم احاسيسي ومشاعري علاقتي بالاولى يادوب نتلاقى لاكن انها دائما فرحانه ولاكان صار شي وهي الحق احلى مني وودي بولد وهويحتاط لكل شي وهو شكله يبي اني اقول خلاص والزم ماعلي كرامتي شكلي بشيل قشي واهج وهي عنها هربعة اطفال والحين حامل مو شي يقهر:confused: :confused: :confused: :confused: :confused: :confused: :confused:

اختي

مدام اهوه خذج خلاص

وترى العنوسة واااااااااايد عندنا فالخليج ونفسها المطلقات

فيودي مينونج لاييج الاين منه

ومدام انتو متفاهمين خلاص

حمدي ربج لان ظل راجل ولا ظل حيطة على قولة المصريين

اختي حاولي حببيه فيك اكتر

ولازم تحملي دا شي من حقوقك كيف يسوي احتياطه هو ما يخاف الله

فاتحيه في موضوع الولاده باسلوب حلو

الله يوفقك

اختي شو كرامتي وما كرامتي؟؟.....مافي شي اسمه كرامه الحينه بالعكس فيه شي اسمه صبر وتقديم تنازل ومع الايام بيحبج صدقيني...انتي بس دلوعه شكلج وما تتحملين المسؤوليه

حبيبتي خلاص انتي انسانه متزوجه لازم تتحملين المسؤوليه وتتعلمين الحكمه طولت البال الزواج مب لعب عيال
انتي من الاول وافقتي عليه ليش الحينه يايه تتشكين؟؟ كنتي تعرفين انه متزوج وعنده يهال وكل شي ووافقتي خلاص كل شي صار وانتهى كبري عقلج وتعلمي كيف تحببين ريلج فيج شرات ما يحب حرمته الاولى

وبعدين لا تعلمين نفسج على الغيره منها خلي لج شخصيتج شو يعني احلى عنج ؟؟ترومين تتعدلين وتستوين قمر
يعني تدلعي عليه يوم اييج وخلج دوم مبتسمه مب ماده البوز شبرين الريايل يكرهون النكديه واللي تقارن بينها وبين غيرها لانهم يحسونها عديمه الثقه في نفسها ويموتون بالواثقه اللي لو قالولها انتي شينه قالت انا قمر والله انه مع الايام يشوفها فعلا قمر

نصيحتي انسي الطلاق انتي خلاص تزوجتيه وفكري الحينه كيف تكسبينه وتحببنه فيج وبعدين هذا حلالج ادعي ربج انه يسخره لج ويصير يشوفج احلى من الحور العين والله بيستجيبلج بس هااااااا اياج وتدعين عليها لانه القلب اللي مب صافي الله ما يحبه ولا ينصره ولا يسمع له دعاء...خلي قلبج صافي وطيب ويشل الخيرللناس حتى لحرمه ريلج وعيالها والله يسعدج

كلامك 100% أخيتي المدللة

ياحبيبتي يا فتو اسمعي مالج الا الصبر وبعدين دامها حلوه وعندها عيال ليش ياخذ عليها اقولج ليش لن حاس بنقص معاها صدقيني الرجل مايبدل زوجته الا اذا حس بنقص اوعدم الراحه ويمكن انتي بس الي تشوفينها حلوه انتي لا تقصرين بحق نفسج وحق زوجج واظن والله اعلم ان حملها هو الي مسبب غييره شويه بس عادي بس انتي تحملين راح يتغير والبيبي يسوي جو في بيتكم

شكرا لكل من ردت علي وعطتني رايها ولكن اخر اخباري ان سبب زواجه مني ظغوطات من اهله اصرو على زواجة بسبب انهم يغارون منها لييييييييييييييه الله اعلم هذا اخر كلام صارحني فيه وقال انه مو قصور فيها ولكن الوسواس الي وراه وزاد همي همين يعني انا مو شي وحاطيني في وجه المدفع حسبي الله على اهله الي يبون يقهرونها على حسابي انا ليييييييييييييييييه

يا فتو معقولة عمرك 18 وااااااااااااااااااااااااايد صغيرة واستعجلتي على نفسك والله اني مذهوووووووووولة اخر ذهول وانا اقرأ كم عمرك ؟؟

ليش يا اختي استعجلتي على نفسك وتزوجتي واحد متزوج ؟؟

لو مأخذه واحد فقير واحد ما يشتغل واحد كبير في السن .. اي شئ .. اهون من واحد متزوج كأنك تزوجتي نص ريال ؟؟

يعني اللحين خلت الديرة من الريايل ؟؟

اسمحي لي بس والله مقهورة عشانك .. توج ما شفتي دنيا ولا شفتي حياة ؟؟ وتأخذين واحد متزوج ؟؟

بس خاطري اعرف السبب رجاءا منك ؟؟

وعلى فكرة انا شفت لك موضوعك مع الصنوبر واللي تم غلقه والله كسرتو خاطري والله يعينكم صراحه ويساعدكم ؟؟

واذا تبغين اللحين تنفصلين عنه وتأخذين اللي تحبينه فإنتي متوقعه ان الشاب الثاني ينتظرك ولحد اللحين يحبك ؟؟

وبعدين انتي اللحين مو عاجبك رجلك ليش ؟؟ وش الاسباب اللي تخليج تتركينه اللحين تصححين غلطك ؟؟

اتمنى انج مرتاحه في حياتك بس شكلك انتي بعد حاسه بالذنب والندم مو بس زوجك !!!!!

اسيرة قلبه:



بالعكس يا اختي احمد ربك دامك متفاهمه مع زوجته وهي نفس الشي ارتحتي من هم كبير

لو الزوجتين يكرهون بعض وهذي اساس المشاكل دائماً

لاتوسوسين ولاتخربين بيتك عادي عيشي مرتاحه وهالأفكار والاحساس لابد تحسين فيه لكن الواقع ان شاء الله غير

تمسكني لحد ما تتمكنين


الرياييل يبون اللي ادللهم وادلعهم


ومثل ما كنت شاطرة وخليتيه ياخذج تشطري ولا تخلين يروح بعيد


قصقصي جناحاته -هههههههههههه

والله اختي حسيت فيك وفي كلامك
باالعكس من رايي انك ماتسرعين في قراراتك وحطي في بالك ان هذا نصيبك وهذا اللي اختاره الله عز جلاله لك00
وكونك تفكرين اختي بالطلاق هذا من اصعب الاموار على الوحدة واخر الحلول 00واذا كان زوجك اخلاق وفيه مزايا طيبه فحرام تخسرينه بسبب الغيرة !معليش بكون صريحه معاك (لان المؤمن مرآة اخيه 00)تعوذي من الشيطان وانا اختك واحرصي على ارضاء زوجك وتعرفين انه سبب لدخولك الجنه00
واذا كان رؤية زوجته الثانيه يضايقك فابامكانك تتفهامين مع زوجك على عدم الاجتماع بها درا للمشاكل
هذا احد الحلول ولالالالاتتركين مجال للشيطان يلعب بحبل افكارك والهي نفسك باشياء تقربك لله زيادة فانها تعين الانسان على الخير اما بحفظ قرآن ودخول مدارس تحفيظ اومشاركه في اعمال خير 00كل ذلك يشغل وقتك عن الافكار اللي مالها داعي وتحصلين اجر دنيا وآخره ومعليش طولت عليك فارجو العذر والسموحه00وارجو ان اكون افدتك واخيرا الجي بالدعاء والاستغفار

ايوت:
يا فتو معقولة عمرك 18 وااااااااااااااااااااااااايد صغيرة واستعجلتي على نفسك والله اني مذهوووووووووولة اخر ذهول وانا اقرأ كم عمرك ؟؟

ليش يا اختي استعجلتي على نفسك وتزوجتي واحد متزوج ؟؟

لو مأخذه واحد فقير واحد ما يشتغل واحد كبير في السن .. اي شئ .. اهون من واحد متزوج كأنك تزوجتي نص ريال ؟؟

يعني اللحين خلت الديرة من الريايل ؟؟

اسمحي لي بس والله مقهورة عشانك .. توج ما شفتي دنيا ولا شفتي حياة ؟؟ وتأخذين واحد متزوج ؟؟

بس خاطري اعرف السبب رجاءا منك ؟؟

وعلى فكرة انا شفت لك موضوعك مع الصنوبر واللي تم غلقه والله كسرتو خاطري والله يعينكم صراحه ويساعدكم ؟؟

واذا تبغين اللحين تنفصلين عنه وتأخذين اللي تحبينه فإنتي متوقعه ان الشاب الثاني ينتظرك ولحد اللحين يحبك ؟؟

وبعدين انتي اللحين مو عاجبك رجلك ليش ؟؟ وش الاسباب اللي تخليج تتركينه اللحين تصححين غلطك ؟؟

اتمنى انج مرتاحه في حياتك بس شكلك انتي بعد حاسه بالذنب والندم مو بس زوجك !!!!!

انا كمان خطرت في بالي نفس اسئلة الاخت ايوت.. يا ريت توضحيلنا :shy:

وانا قريت في الموضوع اللي اشارت عليه ايوت ان امورك تحسنت مع زوجك...

يعني طمنينا.. مرتاحة الحين ؟

وموووووفقة (f)