مطلق و عنده اولاد عايشين معه.........هل تقبلين به؟؟؟

ب

بنت البيضاء

عروس متألقة

16-04-2007 | 01:53 PM

السلام عليكم و رحمة الله و بركاته
اخواتي الكريمات
كل وحده تقول لنا رأيها لو اتحطت فهالموقف أو اللي عاشت هالوضع تحكيلنا تجربتها
خطبها رجل فيه كل المواصفات الجيدة لكنه مطلق و عنده اطفال صغار عايشيين معه
اطفال أكبرهم يمكن عنده 10 الى 12 سنة و هم 3 او 4 اطفال
خلونا نستفيد من بعض فلا تبخلن علينا بردودكن

م

مزوووون

عروس نشيطة

16-04-2007 | 02:13 PM

بالنسبه لي ....

اذا كنت كبيره بالسن وفرص الزواج ضئيله ...

وكان الرجل على اخلاق .... وطيب... واطفاله متقبلين ...

ليش لاء ؟؟

مافيها شي !!!

______________________________________

اما اذا كنت صغيره بالسن ... والعمر جدامي وفي فرص زواج احسن ...

اتزوج بشاب ونبتدي حياتنا مع بعض من الصفر ...

وننجب اطفال ...

بيكون الوضع ثاني .... مااعتقد اني راح ارضى فيه كزوج ...

_________________________________________

يعني على حسب السن والفرص اللي جدام كل بنت !!

غ

غرام القلب

عروس مشرقة

16-04-2007 | 02:33 PM

أنا عادي بقبل بصدر رحب،بس شرط ما أحمل بسرعه لأن يكفي العيال اللي بربيهم ولين ما نتأقلم على بعض أكيد راح ياخذ وقت، و بعد ما تستقر الأمور و أحسن إن كل شي تمام و أحس إن العيال تعودوا علي و صاروا ما يستغنوا عني والأمور مستقرة و طيبة بيننا، بعدين راح افكر في الحمل...

هذا رأيي

s

sarah_uk

عروس ماسية

16-04-2007 | 06:07 PM

مثل مااقالت اختي ذا كنت كبيره بالسن احتمال اقبل

بس وانا لساتني صغيره مستحيل اقبل ويارب يوفقني بالي اتمناه وبس

ا

ام عمـار

مشرفة سابقة

16-04-2007 | 06:28 PM

مثل ما قالوا البنات

حسب عمر البنت ووضعها الاجتماعي

&

ღ الينبوعه ღ

مشرفة سابقة

16-04-2007 | 07:57 PM

وعليكم السلام ورحمة الله وبركاتة
الصراحة حسب الوضع يعني ما اكدر اكولج شنو رائي
اذا كان الرجل الي يتقدم للخطبة عمرة مناسب الج وتكون تجربتة الاولى وانفضالة عن زوجتة الاولى اسبابها مقنعة مو صغيرة فكري بلموضوع بي بس ما كان عندة سبب مقنع بانفصالة الاول يمكن يعيد التجربة معاج وتكونين تجربة ثانية بالنسبة الة
والاطفال مو مشكلة كبيرة اعتقد

هذا كلام منطقي بس يبقى الاقتناع يعني في بنات ما يقتنعون بهذا الشي ويمكن يكون الشاب ما في شي يرفض بس يبقى اقتناع شخصي بالنسبة الية ما اكدر اقبل بشخص متزوج قبلي

ر

رفاعية و النعم

عروس متألقة

16-04-2007 | 09:06 PM

{ايي من راي اختي مزوووون احس كلامها صح

ا

امانيي

عروس مبدعة

16-04-2007 | 09:25 PM

(f) اختي الريال مايعيب بالعكس هذول يتام و اعتبريهم اعيالج و كوني لهم ام و اخت و صديقه و بالنسبه للريال بصصراحه علا كلامج مايعيبه شي توكلي علا لله
ولاتنسي الاستخاره الاستخاره الاستخاره
ربي يوفقج و يكتب لج الخير(f)

ب

بنت البيضاء

عروس متألقة

16-04-2007 | 09:40 PM

مشكورات يا بنات على تجاوبكن, الصراحه المشكلة ماهي مرتبطه بي بس حبيت نناقش الموضوع و كل وحده تقول رايها و تمنين لو وحده عاشت التجربه تحكي لنا عن المشاكل اللي واجهتها خصوصا مع الاولاد الصغار

w

wispy girl

مشرفة سابقة

17-04-2007 | 12:04 AM

أختي لو الريال صالح وأخلاقه عاليه ويعرف ربه ليش لا................وعياله في عيوني.................مالهم ذنب اقسي عليهم كفايه امهم وابوهم تفرقوا.................بكون لهم مثل امهم................والزاوج لو فشل موعيبهذا نصيب والغط داير بين الزوجين ومحد معصوم من الغلط
والله يسر امور الجميع يارب:)

م

ميس_الريم

عروس فضية

17-04-2007 | 12:50 AM

لا والله ماارضى فيه اعطي فرصه للمطلقات

وبعدين اذا انا ماااتزوجت ابي واحد يكون برضوا ماتزوج مثلي تماما

لانه صعب انو اتشارك انا واحد فيه يعني حتى لو كانوا اطفاله مااقدر

الا اذا كانت الوحده ضروفها صعبه وهو حل لها

وشكرااا

و

ورده قست عليها الايادى

عروس ماسية

17-04-2007 | 01:02 AM

ابرار الجنة:
مثل ما قالوا البنات

حسب عمر البنت ووضعها الاجتماعي

:clap: :clap: :clap:

ع

عطر المملكة

عروس جديدة

17-04-2007 | 03:16 AM

صراحه حتى لو البنت كبرت بالسن شوي مراح تقدر تستحملهم خاصه اذا كانوا مراهقين وتعرفون عاد حركات المراهقين وزوجة أب كملت !!
لو انها مطلقة ارمله عندها عيال خبره ان شاء الله تقدر